Wp/rki/မုန့်လင်မယား
မုန့်လင်မယားမုန့်ရေ မြန်မာ့ရိုးရာမုန့် တစ်မျိုးဖြစ်ရေ။ မော်လမြိုင်ဘက်တွင် မုန့်အုပ်ကလေး ဟုခေါ်ရေ။
လိုအပ်ပစ္စည်း
[edit | edit source]ဆန်မှုန့်ညက်၊ ရေ၊ ချင်း၊ ကြက်သွန်မြိတ်၊ စားတော်ပဲပြုတ်၊ ငုံးဥ၊ ဆား၊ သကြား၊ ဟင်းခတ်မှုန့်တဖဲ့ချေ၊ ဆီရို့ ဖြစ်ရေ။
လုပ်ပုံလုပ်နည်း
[edit | edit source]ဆန်မှုန့် လက်ဖက်ရည်ပန်းကန်လုံး တစ်လုံးထည့်ကေ ရေလက်ဖက်ရည်ပန်းကန်လုံး တစ်လုံးခွဲကနီနှစ်လုံးထိ ထည့်ပြီး ဆန်မှုန့်တိ အားလုံး ပျော်ဝင်လားအောင် မုန့်သားအပျော့အမာ ကိုယ့်စိတ်ကြိုက်ပေါ် မူတည်ပနာဖျော်ပီးပါ။ ပြီးကေ ချင်းကို ခြစ်ပြီး ချင်းရည်ကို မုန့်နှစ်ရည်ထဲ ညှစ်ထည့်ပီးပါ။ ကြက်သွန်မြိတ်လေးတိကို ရိတ်ရိတ်ပါအောင် လှီးထည့်ပီးပါ။ ဆား၊ သကြား၊ ဟင်းခတ်မှုန့် တဖဲ့ချေရို့ထည့်ပြီး အားလုံးသမအောင် မွှေခေါက်ပီးထားပါ။ ငုံးဥလေးတိ အသင့်ထားပီးထားပါ။ ဆီကို ပန်းကန်လုံးလေး တစ်လုံးထဲ ထည့်ပီးထားပါ။ ပြီးကေ ဆီစုပ်တံလေးပါ ထားပီးထားပါ။ (တချို့ကလည်း မုန့်ရည်ဖျော်ရေအထဲမှာ အုန်းနို့ရည်ပါထည့်ပြီး လုပ်တတ်ပါသေးရေ။)
အားလုံးအသင့်ဖြစ်ပြီဆိုကေ မုန့်မကပ်ရအောင်လို့ မုန့်လုပ်မယ့်အိုးကို ဆီနန့် အရင် သုပ်လိမ်းပီးပါ။ မုန့်အိုးပူလာပြီဆိုကေ မုန့်ရည်တိကို အိုးထဲကနီမွှေခပ်ပြီး မုန့်အိုးလေးထဲ တစ်ခွက်ချင်းဖြည့်ပီးပါ။ ပြီးကေ ငုံးဥ၊ ပဲပြုတ် ထည့်ပီးပါ။ မီးအပူဟိန်နန့် အောက်က မုန့်သားကျက်လို့ ကြွတက်လာပြီဆိုကေတော့ ဇွန်းလေးနန့် မုန့်တိ ခွာယူပြီး ဟိုဘက်ကို လှန်ပီးလိုက်ပါ။ အဲ့ဒီလိုနန့် မုန့်တိ ကျက်လာရေအခါ မုန့်နှစ်ခုကို တစ်ခုပေါင်းပြီး အပေါ်ကနီထပ်ပီးလိုက်တော့ ပူပူနွေးနွေးနန့် အရသာဟိရေ မုန့်လင်မယားလေး ရပါပြီ။ မုန့်တစ်ခါကျက်လားပြီးတိုင်း မုန့်ခွက်လေးတိကို ဆီလေးသုပ်လိုက်၊ ယပြီးကေ မုန့်ရည် ထပ်ဖြည့်ပြီး ဆက်လုပ်ပီးပါ။
ကြိုက်တတ်မယ်ဆိုကေတော့ နှမ်းလှော်လေးကို ဆားလေးနည်းနည်းနန့်ထောင်းပြီးဖြူးစားပါ။ ပိုပြီး အရသာဟိပြီး မွှေးရေ။ မြန်မာပြည်တွင် နီရာအနှံ့မှာ ဝယ်စားလို့ရရေ။
ဂျပန်မုန့်လင်မယား (တာကိုယာကိ)
[edit | edit source]
လိုအပ်စွာတိက မုန့်နှစ်အတွက် တိုကိုယာကိအမှုန့်ထုပ်၊ ကြက်ဥ၊ ရေဘဝဲ၊ ကွန်းညခု (Konyaku) (မြန်မာလို ဝဥနန့် ခပ်ဆင်ဆင် တုန်တုန်တုန်တုန် အတုံးလေးတိ)၊ ဂေါ်ဖီထုပ်၊ ကြက်သွန်မြိတ်၊ အချဉ်စိမ်ထားပြီးသားအနီရောင် ချင်းလေးတိ၊ Dashi လို့ခေါ်ရေ ငါးအမှုန့်တစ်မျိုး၊ ယပြီးကေ Moyonnaise၊ ယပြီးကေ၊ ယပြီးကေ Takoyaki အချိုရည်၊ ရေညှိမှုန့်အထုပ်။
မုန့်ရည်အတွက် အမှုန့်ကို ရေနန့်အရင်ဖျော်၊ ယပြီးကေ ကြက်ဥခေါက်ထည့်ရပါဖို့။ မုန့်နှစ်တိ သေချာကြေအောင် ခေါက်ပီးပါ။ ရေဘဝဲကို သန့်စင်အောင်ဆီးပြီး ပြုတ်၊ ယပြီးကေ မထူမပါးလေးတိ လှီးပါ။ ကွန်းညခုကိုလည်း ခပ်သေးသေး အတုံးလေးတိဖြစ်အောင် တုံးပါ။ ဂေါ်ဖီထုပ်ကို ရေဆီးပြီး ပပါးချေတိဖြစ်အောင် လှီးပါ။ ကြက်သွန်မြိတ်တိကို ရေဆီး၊ ယပြီးကေ အမြစ်ချေတိ ပါရေဘက်ကို ညီအောင်စီယပြီးကေ သားရေကွင်းနန့်ချည်၊ ရေခါလိုက်၊ ယပြီးကေမှ ခပ်ပပါးချေတိ လှီးထားလိုက်ပါ။ ချင်းအနီရောင်လေးတိကို ရေစစ်ထားလိုက်ပါ။
အားလုံးအဆင်သင့်ဖြစ်ပြီဆိုကေ မုန့်လုပ်မယ့်အိုးလေးကို ပလပ်ထိုးလိုက်ပြီး အိုးပူလာရေအထိစောင့်၊ အိုးပူလာပြီဆိုကေတော့ အိုးကို ဆီလေးသုပ်၊ ယပြီးကေမှ အိုးထဲက အခွက်လေးထဲကို မုန့်နှစ်လေးတိ လိုက်ဖြည့်ထည့်၊ ယပြီးကေမှ ရေဘဝဲထည့်၊ ကွန်းညခုထည့်၊ ဂျင်းထည့်၊ ဂေါ်ဖီထုပ်ဖတ်လေးတိထည့်၊ ကြက်သွန်မြိတ်လေးတိ ဖြူးပီးလိုက်ပါ။ ၂ မိနစ်လောက် တုတ်ချောင်းလေးတိနန့် ဟိုဘက်လှန်ပီးလိုက်၊ ခဏလောက်နေရင် ဒီဘက်ပြန်လှန်လိုက်ပါ ကျက်လားပြီ။
ပန်းကန်ထဲကို အဲ့ဒီမုန့်လုံးလေးကို ထည့်၊ ယပြီးကေမှ အပေါ်ကနီTakoyaki အချိုရည်လေး ဆမ်း၊ Moyonnaise လေးဆမ်း၊ ငါး Dashi လေးထည့်၊ ယပြီးကေမှ အပေါ်ဆုံးကနီရေညှိမှုန့်လေးဖြူးလိုက်ကေ အဆင်သင့်စားသုံးနိုင်ရေ တာကိုယာကိ ပူပူမွှေးမွှေးချိုချိုလေး ရပါပြီ။ [1]