Jump to content

Wp/rki/မိတ္တူကူးစက်

From Wikimedia Incubator
< Wp‎ | rki
Wp > rki > မိတ္တူကူးစက်
မိတ္တူကူးစက်ကို ကျောင်းတိရုံးတိတွင် တွင်ကျယ်စွာ အသုံးပြုကတ်ရေ။

မိတ္တူကူးခြင်းကို ရုံးလုပ်ငန်းတိနန့် စာကြည့်တိုက်တွင် လည်းကောင်း၊ စက်မှုထုတ်လုပ်ရေလုပ်ငန်းတိတွင် လည်း ကောင်း၊ ခက်ခဲနက်နဲရေအချက်အလက် စုဆောင်းသည့် စနစ်သုံး လုပ်ငန်းတိတွင်လည်း ကောင်းသုံးစွဲကတ်ရေ။ ဓာတ်ပုံ ရုပ်ပုံတိကို မိတ္တူကူးယူရခြင်းရေ ရောင်စုံပုံမှန်မရရေကလွဲပနာ တိကျမှုကို ရဟိသဖြင့် အခွင့်အရီးသာရေ။ ချုံပနာရခြင်း၊ ချဲ့ပနာရ ခြင်း၊ အချိန်မြန်မြန်နန့် လျှပ်တစ်ပြက် ကူးပနာရခြင်း မိုက္ကရိုဖလင် ကူးခြင်းထက်စာကေ နီရာပိုပနာ ကျုံ့စီခြင်း၊ စောင်ရေနည်းနည်း လိုချင်ကေ အလုပ်သမားခ ပစ္စည်းခသက်သာစီခြင်း၊ ပုံနှိပ်စက် ကြီးတိဖြင့် ကူးယူခြင်းထက် သက်ရေင့်သက်သာဟိခြင်း၊ စက်ဧပုံစံမှာလည်း ရိုးရိုးအချေ တည်ဆောင်ထားခြင်း စသည့် အကျိုးကျေးဇူးရို့ကြောင့် အချို့လုပ်ငန်းတိတွင် သာမန် လူတစ် ယောက်တည်းအား တာဝန်ပီးပနာ ကူးယူလုပ်ကိုင်နိုင်ရေအခြေ အနေဟိရေ။ မိတ္တူကူးရေစက်က လေးမျျားရေ ပုံနှိပ်စက် ပုံစံတိမှ ပုံစံတူကူးယူ လုပ်ကိုင်ခြင်းကြောင့်လည်း အောင်မြင် တိုးတက်ပနာ အလွယ်တကူ အသုံးပြုနိုင်ကြောင်း တွိ့ရရေ။

မိတ္တူကူးလုပ်ငန်းစဉ်တိကို ခွဲခြမ်းစိတ်ဖြာလိုက်ကေ ခုနစ်မျိုးမျှ တွိ့ရပေဖို့။ ဓာတ်ပုံဆေးပစ္စည်း သုံးကူးနည်း၊ လွှဲပြောင်းကူးယူနည်း၊ အပူပီးနည်း၊ ပုံစံထုတ်ကူးနည်း၊ လျှပ်စစ် ငြိမ်ကူးနည်း၊ လျှပ်စစ်ဓာတ် ပြုကူးနည်းနန့် မိုက္ကရိုဖလင်ကူးနည်း ရို့ဖြစ်ရေ။

မိတ္တူကူးနည်း ခုနစ်မျိုးစလုံးရေ တစ်နည်းနန့်တစ် နည်းနွှယ်ပြီး အသုံးချပနာရရေ။ မိုက္ကရိုဖလင် ကူးနည်းမှရရေ ဖလင်ကို ပုံကြီးချဲ့ခြင်း ချုံခြင်းပြုလုပ်ပနာ ရနိုင်ရေ။ တစ်အုပ်လုံး ကူးယူထားရေ စာမျက်နှာတိကို စာအုပ်တစ်အုပ်အဖြစ် ဇီရို ဂရပ်ဖီ၊ အော့ဖဆက် ပလိပ်ပြားနန့် မာတီလစ်စရေ စက်တိ ဖြင့်ပြန်လည်ပုံနှိပ် နိုင်လီရေ။ လွှဲပြောင်းကူးယူနည်းနန့် အပူ ပီးနည်းရို့မှာ အမြန်ကူးရေရုံးသုံးနည်းတိဖြစ်ရေ။ ထွက် လာရေ မိတ္တူတိမှာ ခြောက်သွေ့ပြီးချက်ချင်းအသုံးပြုနိုင်ခြင်း ကြောင့်ဖြစ်ရေ။ အမှောင်ခန်း လည်းမလိုပေ။ စက်ပိုင်းဆိုင်ရာ လွယ်ကူပနာ ရုံးအကူနန့်ပင် ကိုင်တွယ်ဆောင်ရွက်ပနာ ရနိုင်ရေ။

စက်ပိုင်း လျှပ်စစ်ပိုင်းဆိုင်ရာတိနန့် လျှပ်စစ်စွမ်းအားတိအပေါ် အမှီသဟဲဟိနေရသဖြင့် ပုံဖော်သည့်စက်ရေ နဂိုပုံအများုင်း ရဟိ အောင် အပြည့်အဝ မစွမ်းဆောင်နိုင်ကြောင်း တွိ့ရလီရေ။

လက်တွိ့စမ်းသပ် လုပ်ဆောင်ရာတွင် ဓာတ်ပုံကူးရေစနစ်ကို ပင် တွဲဖက်လုပ်ဆောင် နေရရေကြောင့် ဖြစ်ရေ။

ဓာတ်ပုံဆေးပစ္စည်းသုံးကူးနည်း

[edit | edit source]

ဒေနည်းပညာတွင် စနစ်အမျိုးမျိုးဟိဧ။ မိုက္ကရိုဖလင် ကူးနည်းလည်း တစ်ခုအပါအဝင် ဖြစ်ရေ။ အရိုးဆုံးစနစ်မှာ မူရင်းပုံကို နဂ္ဂတစ်ပွားပြီးကေ လည်းကောင်း၊ တိုက်ရိုက်ပေါ့စ တစ် ထုတ်ယူနည်း ဖြင့်လည်း ကောင်း ဓာတ်ပုံစက္ကူပေါ် ကူးယူ ခြင်းဖြစ်ရေ။ ပုံစံပြာနန့် ပုံစံကူးယူခြင်းရေ ပုံနှိပ်စက်ဖြင့် ကူး ယူရေနည်းနန့် သဏ္ဌာန်တူရေ။ ထိုဓာတ်ပုံ ကူးစက်တိ တွင်မှန်ဘီလူးကို လိုချင်ရေပုံအရွယ် ချိန်သားကိုက် အောင်ချိန် ဆပနာရအောင် ပြုလုပ်ထားရေ ကင်မရာအမျိုးအစား ပင်ဖြစ် ရေ။ ဥပမာအားဖြင့် လိုက္ကာ(Leica) ကင်မရာမျိုးပိုင်ပင် ဖြစ်ရေ။ ယင်းကင်မရာဖြင့် ၁၉၂၄ ခုနှစ်ကတည်းက စာရွက် စာတမ်း မိတ္တူ ကူးရေလုပ်ငန်းကို လုပ်ကိုင်ခရေ။ မှန်ဘီ လူးအပြင် ဘဲလိုး (Bellow) ဟုခေါ်ရေ ရှေ့တိုးနောက်ငင် ပြု လုပ်ပနာ ရရေ လက်ဆွဲဘာဂျာပိုင်ရေ ပုံစံဖြည့်စွက်ကေ ပုံနှိပ်ဌာနသုံးကင်မရာအကြီး ပုံစံဖြစ်လားရေ။ ယင့်ချင့်ပိုင် ရေ ကင်မရာဖြင့်ရိုက်ကူးကေ ဓာတ်ပုံဆေးသား ကောင်းခြင်း၊ ပုံနှိပ်ဆေးသား ကောင်းခြင်းရို့အပြင် ပုံချဲ့နိုင် ချုံ့နိုင်ကာ အရည် အသွေးကောင်းမွန်ရေ ပုံကောင်းတိ အဆင့်အထိ ရနိုင်ပေ ရေ။

ထိုထက်တစ်ဆင့်မြင့် တိုးတက်ရေဓာတ်ပုံရိုက်နည်း ကူးနည်းအသုံးပြုလာရာ ပရစ်ဇင်ခေါ် သုံးမြေ|ာင့်မှန်တုံးကို မူရင်း ပုံနန့် မှန်ဘီလူးအကြားထားရေ ကင်မရာတိမှာ ဆေးသား ဘက်ကို တိုက်ရိုက်အမှန် အများုင်းဖတ်နိုင်သည့်နည်းဖြင့် ကူးယူ နိုင်ရေကို တွိ့ရရေ။ ၁၉ဝ၆ ခုနှစ်မှ ၁၉၅ဝ ပြည့်နှစ်အ တွင်းဒေနည်းကို အသုံးပြုပနာ ဓာတ်ပုံကူးယူခြင်းတိကို လုပ် ဆောင်ခလီရေ။ လူသိမျျားရေ ကင်မရာတိမှာ ဒက် ဇီဂရပ်၊ ဖိုတိုကလပ်၊ ဖိုတိုစတက်၊ ရက်တီဂရပ်၊ ရူသားစတက်နန့်စတက် မာစတာရို့ဖြစ်ရေ။ ထိုအထဲတွင် တချို့အမျိုးအစားတိမှာ ပုံ နှိပ်ဖမ်းခြင်းကိုမူသေထားဟိပနာ တဖဲ့ချေရာ ပုံချုံ့ပနာရလီရေ။

တချို့အမျိုးအစားမှာ အလိုအလျောက် ပုံကူးစက်အဖြစ် ဖြတ်ခြင်း၊ အခြောက်ခံခြင်းရို့ပါ ပါဝင်လီရေ။ တချို့ စက်အမျိုးအစား တိတွင်မူ နဂ္ဂတစ်ကော်ပီမှ ပုံဖော်ပနာရိုက်နိုင်ခြင်း၊ ဆလိုက်တိမှ ဟပ်တုံးပုံဖော်ပနာ ရိုက်နိုင်ခြင်း၊ ရောင်စုံထရန်ပဲရင်စီတိမှ စကရင် သွင်းပြီးပုံတိ၊ အော့ဖဆက်ပုံနှိပ်နိုင်ရန် အဆင့်ထိပုံတိ ရိုက်ကူး နိုင်ခြင်းရို့ဖြစ်လီရေ။ တချို့ပုံစံတိမှာတိုက်ရိုက်ဖတ်နိုင်အောင် နဂိုမူရင်းပုံစံအများုင်း ကူးယူရဟိနိုင်ရေ။

ဓာတ်ပုံရိုက်ကူးပြီး စာစီခြင်းနည်းရေ ရိုးရိုးစာစီခြင်း နည်းကို အစားထိုး လုပ်ကိုင်ရေ နည်းပင်ဖြစ်ရေ။ ဓာတ်ပုံ ရိုက်ပနာ စာစီခြင်းနည်းတွင်လည်း စာလုံးအရွယ်အစား အမျိုးအ မျိုး ပုံစံအမျိုးမျိုး လိုသလို ချိန်ဆ ပြုလုပ်နိုင်လီရေ။ ဓာတ်ပုံ မှန်ဘီလူးဖြင့် ချိန်ဆကာ ပေါ်လာရေပုံရိပ်ကို ဖလင်ပြား သို့မ ဟုတ် စက္ကူပေါ်သို့ပုံဖော်ယူနိုင်ရေ။ ယင်းမှတစ်ဆင့် ပုံနှိပ်မည့် ပလိပ်ပြားပေါ် ထပ်မံကူးယူရရေ။ အထူးသဖြင့် ဂရေဗျူယာ နန့် ဖိုတိုလစ်သိုဂရပ်ဖီ ပုံနှိပ်နည်းတိတွင် အသုံးမျျားရေ။

ယင်းနည်းကို ၁၈၇၇ ခုနှစ်က မူပိုင် မှတ်ပုံတင်ခပြီး ဂုအခါ သတင်းစာ၊ မဂ္ဂဇင်း ပုံနှိပ်ခြင်းတွင် ကျယ်ကျယ်ပြန့်ပြန့် အသုံး ပြုရေ။ အထူးသဖြင့် ကြော်ငြာတိရိုက်ကူးရာတွင် တွင်တွင် ကျယ့်ကျယ်အသုံးပြုရေ။

ဓာတ်ပုံပစ္စည်းသုံး ကူးနည်းမှ အထူးအသုံးပြုရေ တစ်နည်းမှာ လစ္စတိုမက်တစ်ကင်မရာ ခေါ် အလိုအလျောက် နန့် မြန်မြန်ပုံနှိပ်ရေ စက်ကို ၁၉၅၃ ခုနှစ်က စတင်သုံးစွဲ ခရေ။ ယင်းနည်းမှာ ဇယားတိ တိပါရေ ရေလီဖုန်း လမ်းညွှန်ပိုင်ရေ စာအုပ်တိ ပုံနှိပ်ရာတွင် အသုံးတေ့ရေ။

ဂုဖော်ပြခရေနည်းမှ ရဟိရေ ပုံရို့မှာ ဆေးသား ကြည်လင်ပြတ်သားခြင်းနန့် စက္ကူကြမ်းတွင် ပင် ကူးယူပနာ ရနိုင်ခြင်းရို့ဖြစ်ရေ။ ဈေးနှုန်းအားဖြင့်လည်း ချိုသာရေ။ ယကေလည်းရေ ဆက်လက်ဖော်ပြဖို့နည်းတိမှ ရဟိရေပုံတိနန့် နှိုင်းယှဉ်လောက်ရေအရည်အသွေးမျိုးမရနိုင်သိမ်း။

လွှဲပြောင်းကူးယူနည်း

[edit | edit source]

ဒေနည်းတွင် ဂျဲလတင်ခေါ် ဆေးသားတင်ပုံစံ (ဗယ်ရီ ဖက်စ်) နန့် ဒီဖျူးသျှင် ခေါ် ဆေးသားပျံ့နှံ့ ခြင်းပုံစံဟူပနာ နှစ်မျိုး ဟိရေ။ ဓာတ်ပုံဆေးသား ကူးယူနည်းထက် ပိုပြီးစရိတ်စက ကြီးမားရေ။ အရည်အ သွေးမှာမူ အပူပီးနည်း (ဒိုင်အာဇို) ထက်ဖြစ်စီ၊ လျှပ်စစ်ငြိမ်ကူးနည်းထက်ဖြစ်စီ ပုံပိုကောင်းရေ။ အဖြူ နာဖို့းပုံပေါ်မှုမှာ ထင်းနေအောင်ပေါ်ဧ။ သို့ရာတွင် အနုစိတ်တိ ပျောက်ကုန်ရေ။ မပြတ်မသား နီရာတိမှာ နှစ် ကြာကေ လျော့နည်းပျောက်ကုန်ဧ။ နည်းနှစ်ခုစလုံးရေ ဓာတ်ပုံစက္ကူကူးသည့်အခါ သုံးရေပုံဖော်၊ ပုံချုပ်နည်းဖြင့်ပင် စက္ကူပေါ်ပုံဖော်ယူရရေ။

ဂျဲလတင်ပုံစံတွင် မိတ္တူစက္ကူ နှစ်ရွက်မှ ကိုးရွက်ထိ ကူးယူနိုင်ကေလည်း ဆက်တိုက် ကူးယူရဟိရေပုံမှာ တဖြည်း ဖြည်းမှိန်လာရေ။ ယင်းနည်းရေ အော့ဖဆက် ပုံကူးစက်ဖြင့် လည်းကောင်း၊ ဒိုင်အာဇို ပုံနှိပ်နည်းဖြင့်လည်းကောင်း ကူးယူနိုင် ရေ။

ဒီဖျူးသျှင်ပုံစံတွင် မူရင်းပုံနန့် ကူးမည့်နဂ္ဂတစ်ဖလင်ကို အလင်းရောင်ပီးရရေ။ နဂ္ဂတစ်ကို ပေါ့ စတစ်စက္ကူနန့် ထုပ် ကာ ဆေးသားထဲနှစ်ပနာည|စ်ပြီး ထွက်လာရေနည်းဖြစ်ရေ။

နဂ္ဂတစ်ကော်ပီ တစ်ချပ်မှ ပေါ့စတစ်ကော်ပီ တစ်ချပ်သာရ နိုင်ရေ နည်းဖြစ်ရေ။ ချုပ်ထားရေ စာအုပ်တိမှ ကူး ယူရန်မှာ အခက် အခဲဟိလီရေ။

အပူပီးနည်း

[edit | edit source]

ဒေနည်းကို သရီးအမ် ဟုခေါ်ရေ မင်နီဆိုတာ သတ္တုတွင်းနန့် ထုတ်လုပ်ရီးလုပ်ငန်း ကုမ္ပဏီမှ ၁၉၅ဝ ပြည့်နှစ်က ထုတ်လုပ်ခရေ။ လွှဲပြောင်းကူးယူသည့်နည်းကို အခြီခံပြီး တိုက်ရိုက်ကူးယူမိတ္တူပွား ယူခြင်း ဖြစ်ရေ။

အင်ဖရာရက်ရောင်ခြည် (အနီအောက်ရောင်ခြည်) ကို အပူ ပီးပစ္စည်းအဖြစ် အသုံးချခြင်း ဖြစ်ရေ။ တိုက်ရိုက် ပေါ့စတစ် ထုတ်ယူခြင်းဖြစ်ပနာ နဂ္ဂတစ်ထုတ်ရန် မလိုတော့ပေ။ မူရင်းပုံနန့် စာတိမှာ ကာဗွန် (သို့)သတ္တုစပ်မင်ဖြင့် ရိုက်ထားရေ စာအုပ်စာတမ်းတိ မှန်သရွေ့ကူးယူနိုင်ရေ။ မူရင်းစာရွက်ကို ဓာတုဗေဒဆေးရည် သုတ်ထားရေ စက္ကူ အကြည်သားနန့် ထပ်ပနာ ကူးယူရရေ။ ထိုစက္ကူအကြည် သားဧ နောက်ကြော တွင် ဖရောင်းဖြူသုတ်လိမ်းထားရေ။ အပူပီးလိုက်ကေ ဓာတုဗေဒနည်းအရ ဓာတ် ပြောင်းပြီး မူရင်းစာရွက်ပေါ်ဟိ စာ တိနန့် ပုံတိ တဖြည်းဖြည်း ထင်လာစေရေ။ ပြတ်ပြတ် သားသားဟိရေအထိ ပုံပေါ်လာလီရေ။ ယင်းမိတ္တူရရန် လေးစက္ကန့်မျှပင် ကြာလီရေ။ အနုစိတ်တိပေါ်အောင် ပုံ ဖော်ပီးနိုင်စွမ်းမဟိပေ။ အပူလှိုင်းကို ချိန်ဆပီးရေနည်းစနစ် မပါပနာ ဈေးသက်သက်သာသာဖြင့် ယာယီသုံး ရန်အတွက် သန့် သန့်နန့် မြန်မြန်ရရေနည်းပင်ဖြစ်ရေ။ ဒေနည်းဖြင့် ကူးယူ ရေ စက်တိမှာ ခေတ်စားရေ။

ပုံစံထုတ်ကူးနည်း

[edit | edit source]

ဒေနည်းရေ အလင်းမှုန် မူရင်းမှ ဓာတုဆင့်တက် ပြုပြင်နည်းဖြင့်ဖြစ်စီ၊ အလင်းမဖောက်နိုင်ရေ မူရင်းမှ တိုက် ရိုက်ပေါ့စတစ် စက္ကူဖြင့်ဖြစ်စီ မိတ္တူကူးနိုင်စွမ်းဟိရေ။ အသုံး ပြုရေစက္ကူတိမှာ အလင်း ခံနိုင်စွမ်းဟိသဖြင့် အမှောင်ခန်း ပိုင်ရေ ပုံစံမျိုးမလိုအပ်ဘဲ စွမ်းအင်မျျားရေ အလင်းကိုပင် အသုံးပြုနိုင် ရေ။ သို့ပါပနာ ပျက်စီးလေလွင့်မှု နည်းပါးရေ။

ပုံကူးယူရေကိရိယာမျျားရေဖန်ပြွန်ပုံစံ၊ လေးထောင့်သေတ္တာ ပုံစံနန့် ပတ်လည်လည်နေရေ စည်ပုံစံတိ တွိ့ရဖို့။ အလွန် တရာ ကြီးမားရေဗိသုကာပုံစံ၊ အင်ဂျင်နီယာ ပုံဆွဲပုံစံ၊ ဇယား ကြီး၊ မြေပုံကြီးစရေတိကို ကူးယူနိုင်ရေ။ အမျိုးအစားတိ စွာဟိသည့်အ နက် အောက်ဖော်ပြပါ သုံးမျိုးမှာ အသုံးတိဧ။

ပုံစံညို (Brownprint) ဟုခေါ်ဆိုနိုင်ရေ စီပီယာ အညိုရောင်ဖြင့် ပုံဖော်မိတ္တူကူးခြင်းမျိုးကို ၁၈၉၅ ခုနှစ်က စတင် အသုံးပြုခရေ။ ပုံကူးစဉ် အညိုရောင်သန်းပြီး ပုံပီးရာလာကာ ယင်းနီရာကို မင်သွင်းရေ နည်းဖြင့် ပေါင်းစပ်လိုက်ရာ ဆေး စွဲမြဲရေ ပုံပေါ်လာလီရေ။

ပုံစံပြာ (Blueprint) ကို ၁၈၄၂ ခုနှစ်ကတည်းက စတင်အသုံးပြုခရေ။ ကူးယူစဉ် အဖြူရောင် လိုင်းတိပေါ် လာပြီး နောက်ခံမှာ ပြာလဲ့လဲ့အရီာင်ဟိရေ။ ယင်းကိုထပ်မံပြီး တစ်ဆင့်ကူးကေ အပြာရောင်လိုင်းတိ ပြန်ပေါ်လာပြီး နောက်ခံ မှာ ဖြူလားလီရေ။

ပုံစံဖြူ (Whiteprint) ကို ၁၉၂ဝ ပြည့်နှစ်ကစပနာ သုံးစွဲ ခရေ။ မူရင်းပုံမှ ဖလင်အကြည်သားပေါ် ကူးယူကာစက္ကူဖြင့် စောင်ရေမြောက်မြားစွာ ကူးယူမိတ္တူပွားနိုင်လီရေ။ အဖိုးနှုန်းချို သာရေ။ ပုံစံပြာကူးသည့်နည်းထက် ပိုမိုသာလွန်ရေ။

သင်္ကေတ အသိမ်းအမွှားမှစပနာ ထင်ရှားပြတ်သားစွာပေါ်အောင် ကူးနိုင်ရေ။

လျှပ်စစ်ငြိမ်နည်း

[edit | edit source]

အလင်းလျှပ်စစ်နည်းကို အခြီခံပြီး ကြားခံနဂ္ဂတစ် ထုတ်ရန်မလိုဘဲ တိုက်ရိုက် ပေါ့စတစ်မိတ္တူ ရနိုင်ရေ။ ကွဲပြား ခြားနားရေ နည်းသုံးနည်းမျှသာ ဟိရေ။ ဇီရော့ မိတ္တူကူးစက် မျိုးကို ၁၉၃၇ ခုနှစ်က တီထွင်ခရေ။ ၁၉၅ဝ ပြည့်နှစ်ရောက် ရေအထိ စီးပွားဖြစ်မထုတ်လုပ်နိုင်ခပေ။ အီလက်ထရိုဖက်စ် မိတ္တူ ကူးစက်မျိုးရေ ၁၉၅၄ ခုနှစ်တွင် ပေါ်လာရေ။ စမုတ် ပရင်းတင်း ခေါ် မီးခိုးရိုက်နည်း၊ ကြပ်ခိုးရိုက်နည်း ပုံစံမျိုးကို ၁၉၅၈ ခုနှစ်ကစပနာ မှတ်ပုံတင်ပြီး ထုတ်လုပ်ခရေ။

ဇီရော့ခရာဖီ ပုံနှိပ်နည်းပညာမှာ ဇီရော့ကုမ္ပဏီမှ ထုတ် လုပ်ခြင်းဖြစ်ရေ။ နဂ္ဂတစ်ကော်ပီ၊ စက္ကူ၊ သတ္တုပလိပ်ပြားကို အခြီခံပြီး အော့ဖဆက်ပုံနှိပ်နည်းကို အသုံးပြုခြင်းဖြစ်ရေ။

အီလက်ထရိုဖက်စ်မှာ ဇီရော့ပုံစံမျိုးပင်ဖြစ်ကေလည်း ရဟိရေ မိတ္တူပုံမှာ ကောင်းမွန်ရေ။ ပုံနှိပ် သဘောအရ ပုံတိ တွင်အလင်းအမှောင် အနုအရင့်ကို ကွဲကွဲပြားပြားရဟိအောင် ကူးယူနိုင်ရေ။ ရေမပါရေ အော့ဖဆက်ပုံနှိပ်နည်း ဖြစ်ရေ။

လျှပ်စစ်စာလုံးစီရေစက်ခလုတ်ခုံပါဟိကာ တစ်စက္ကန့်ကေ လုံးရေ ၂ဝဝဝ စီနိုင်အောင် လျှပ်စစ်တိတ်ခွေ (သို့)ကတ် ပြားတိတ်စနစ် ထိန်းနည်းဖြင့် မိတ္တူပွားယူရေ။

လျှပ်စစ်ဓာတ်ပြုကူးနည်း

[edit | edit source]

ယင်းနည်းကို မင်နီဆိုတာသတ္တုတွင်းနန့် ထုတ်လုပ်ရီး လုပ်ငန်းကုမ္ပဏီမှ ၁၉၅၇ ခုနှစ်မှစပနာ အသုံးပြုရေ။ ပေါ့စတစ် ပုံတိကို နဂ္ဂတစ်မိုက္ကရိုဖလင်တိမှ တစ်ဆင့် မိတ္တူပွားယူနည်း ပင် ဖြစ်ရေ။ ကူးယူနေစဉ် အမှောင်ခန်းမလိုဘဲ သာမန်အလင်း ဟိရေ အခန်းတွင် ကူးယူနိုင်ရေ။

မိုက္ကရိုဖလင်ကူးနည်း

[edit | edit source]

စာရွက်စာတမ်း အထောက်အထားတိကို မိတ္တူကူးယူ ခြင်းဖြစ်ရေ။ စီးပွားဖြစ်သုံးစွဲနည်းကို ၁၈၅၉ ခုနှစ်က စတင် ခရေ။ ကျယ်ကျယ်ပြန့်ပြန့်ကိုမူ ၁၉၂၈ ခုနှစ်ပင် သုံးစွဲလာကြ ရေ။ မူရင်းပုံကို ကူးစဉ်က ချုံ့ပနာ ကူးယူထားပြီး၊ မိတ္တူပွား သည့်အခါ ပြန်ချဲ့ပနာ ကူးယူရရေ။ ချုံ့ပနာကူးယူထားပြီး ချဲ့ပနာ မိတ္တူပွားရကေ လည်း မူလနဂို စာလုံးအရွယ်အများုင်း ပြတ်ပြတ် သားသား ကူးယူနိုင်စွမ်းဟိရေ။ ၃၅ မီလီမီတာ ဖလင်နန့်ဓာတ် ပုံဆေးသား သုံးမျိုးမျှ ခွဲခြားပြီး ထုတ်လုပ်ရေ။ ၁၆ မီလီမီတာ ဖလင်နန့်မူ ဘဏ်သုံးချက်လက်မှတ်တိ ပွားကူးယူရာတွင်အသုံး မျျားရေ။ ၇ဝ မှ ၁ဝ၅ မီလီမီတာ ဖလင်တိနန့်မူ အင်ဂျင် နီယာ သုံးပုံတိ၊ ပုံစံဇယားတိ ကူးယူရာတွင်သုံးရေ။ ၇ ၁/၂ ထ ၁၂ ၁/၂ စင်တီမီတာ အရွယ်နန့် ၎င်းထက်ကြီးရေဖလင် ပြားတိဖြင့်လည်း ထုတ်လုပ်ရေ။ မှတ်တမ်းဖိုင်တွဲရာတွင် လည်းကောင်း၊ ရှာဖွေရာတွင်လည်းကောင်း ပိုမို လွယ်ကူစေလို ဖို့သဘောဖြင့် ဖလင်ချပ်တိ ထုတ်ခြင်းဖြစ်ရေ။

မိုက္ကရိုဖလင်ကူးရာတွင် ပထမ နဂ္ဂတစ်ကော်ပီယူပနာ ပေါ့စတစ်ကော်ပီပွားကာ မိုက္ကရိုဖလင်ပတ်ရေစက်ကိုပါ တွဲဖက်အသုံးချရရေ။ မိုက္ကရိုဖလင်ကူးယူခြင်းတွင် အခွင့်သာ သည့်အချက်တိမှာ တက်ခနိုလိုဂျီ အဆင့်မြင့်နည်း ပညာတိ တွင် ပုံကြီးချဲ့ခြင်း၊ ထုတ်ဝီခြင်း၊ အချက်အလက်စုဆောင်းခြင်း ရို့တွင် အသုံးပြု ပနာ ရခြင်းပင်ဖြစ်ဧ။

ကိုးကား

[edit | edit source]