Wp/rki/ဖက်ရှင်
ဖက်ရှင်ဆိုစွာ လူတိကြိက် နီရေ စတိုင်လ် ယပိုင်မဟုတ်ကေ အလေ့အထ တိနန့် ပတ်သက်ရေ ယေဘုယျ အသုံးအနှုန်း တစ်ခု ဖြစ်ပြီးကေ အထူးအနီန်နန့် အဝတ်အထည်၊ ဖိနပ်နန့် အသုံးအဆောင်ပစ္စည်းတိ အတွက် အသုံးပြုလေ့ ဟိရေ။ လူတစ်ယောက်ဧ သွင်ပြင်နန့် ဝတ်စားဆင်ယင်မှုနန့် ဆိုင်ရေ လက်ဟိ ရေပန်းစားနီရေ အရာအားလုံးကို ရည်ညွှန်းကိုးကားခြင်းပင် ဖြစ်ရေ။
အဝတ်အစား ဖက်ရှင်
[edit | edit source]
ရှေးဦးကာလက အနောက်တိုင်းမှနီပနာ ပါရှား၊ တူရကီ နန့် တရုတ်ပြည်ဖက်သို့ လားရောက်ကတ်ရေ ခရီးလားတိရေ ထိုဒေသတိဟိ ဖက်ရှင် အပြောင်းအလဲ မဟိခြင်းကို ပြောဆိုလေ့ ဟိကတ်ပြီးကေ အခြားဒေသမှ လူတိက အနောက်တိုင်းဟိ ဖက်ရှင် အပြောင်းအလဲ မဟိခြင်းနန့် ပတ်သက်ပနာ အနောက်တိုင်း ယဉ်ကျေးမှုရေ တည်ငြိမ်မှု မဟိ ပရမ်းပတာ ဖြစ်နီရေလို့ ဝေဖန် ပြောဆိုလေ့ ဟိကတ်ရေ။ ဂျပန်မှ ရှိုးဂန်းရို့ဧ အကြီးအကဲ တစ်ဦးရေ ၁၆၀၉ ခုနှစ်တွင် စပိန်လူမျိုး ခရီးရေ တစ်ဦးအား ဂျပန်ရို့ဧ ဝတ်စားဆင်ယင်မှု ပုံစံရေ နှစ်တစ်ထောင် အတွင်း အပြောင်းအလဲ မဟိခကြောင်း ဂုဏ်ယူဝင့်ကြွားစွာ ပြောဆိုခဖူးရေ။ ယကေလေ့သော မင်းဆက်ခေတ် တရုတ်ပြည်တွင်မူ တရုတ်ရို့ဧ အဝတ်အထည် ပုံသဏ္ဌာန်ရေ မြန်မြန်ဆန်ဆန်နန့် ပြောင်းလဲတတ်ကြောင်း အထောက်အထား တိစွာ ဟိရေ။ ပုံမှန်အားနန့် ဝတ်စားဆင်ယင်မှု အပြောင်းအလဲရေ စီးပွားရေး ပြောင်းလဲမှုနန့် လူမှုရေး ပြောင်းလဲမှု ဖြစ်ပေါ်ရေ အချိန်မှာဖြစ်ပွားလေ့ ဟိရေ။ ယင့်ချင့်နောက် အချိန်ကြာလာခါ မပြောင်းလဲဘဲ ယင်အတိုင်းဆက်လားလေ့ ဟိရေ။