Wp/rki/ပင်မဆဲလ်
ပင်မဆဲလ် (stem cell) တိရေ ဗဟုကလာပ်စည်း သက်ဟိတိတွင် တွိ့ရရေ ဆဲလ်တိဖြစ်ရေ။ ၎င်းဆဲလ်တိဧ ထူးခြားချက်မှာ မိုင်တိုးစစ် (mitosis) ဆဲလ်ကွဲထွက်မှု ဖြစ်စဉ်ကတ်တဆင့် အခြားအင်္ဂါတိ လိုအပ်ရေ ဆဲလ်အမျိုးမျိုးအဖြစ် ပြောင်းလဲလားနိုင်ခြင်းဖြစ်ရေ။ ၁၉၆၀ ပြည့်လွန်နှစ်တိအတွင်း ကနေဒါနိုင်ငံ တိုရွန်တို တက္ကသိုလ်မှ ပညာသျှင် အဲနက် မက္ကူးလော့ချ် (Ernest McCulloch) နန့် ဂျိမ်းစ် ထီးလ် (James Till) ရို့ တွိ့ဟိခပြီးနောက် ပင်မဆဲလ် လေ့လာချက်တိ တိုးပွားလာရေ။[1][2]
နို့တိုက်သတ္တဝါတိဧ ပင်မဆဲလ်တိကို အဓိကအားဖြင့် ၂ မျိုးခွဲခြားနိုင်ရေ။ ၎င်းရို့မှာ သန္ဓေသား ပင်မဆဲလ်နန့် အရွယ်ရောက် ပင်မဆဲလ် ရို့ဖြစ်ရေ။ ကြီးထွားဖွံ့ဖြိုးဆဲ သန္ဓေသားတိမှ ပင်မဆဲလ်တိရေ အင်္ဂါအသီးသီးမှ လိုအပ်ရေ ဆဲလ်တိအဖြစ် ပြောင်းလဲလားနိုင်ရေ။ အရွယ်ရောက်ပြီးသူတိမှ ပင်မဆဲလ်တိရေ ပျက်စီးလားရေ ဆဲလ်တိနီရာတွင် အစားထိုးကာ ပြင်ဆင်ပီးနိုင်ရေ။
ဂနိတွင် ပင်မဆဲလ်တိကို ဓာတ်ခွဲခန်းတွင် မွေးမြူပြီး ကြွက်သား သို့မဟုတ် အာရုံကြောအစဟိသဖြင့် လိုအပ်ရေ တစ်သျှူးတိနန့် တူညီရေ ဆဲလ်တိအဖြစ် ပြောင်းလဲစီနိုင်ရေ။ ယင့်ချင့်ကြောင့် နောင်တွင် အယ်ဇိုင်းမားပိုင် ရောဂါတိကို ကုသပီးနိုင်မည်ဟု ပညာသျှင်တိက ယုံကြည်ကတ်ရေ။[3]
ကိုးကား[edit | edit source]
- ↑ Becker AJ, McCulloch EA, Till JE (1963). "Cytological demonstration of the clonal nature of spleen colonies derived from transplanted mouse marrow cells". Nature 197: 452–4. doi:. PMID 13970094.
- ↑ Siminovitch L, McCulloch EA, Till JE (1963). "The distribution of colony-forming cells among spleen colonies". Journal of Cellular and Comparative Physiology 62: 327–36. doi:. PMID 14086156.
- ↑ Tuch BE (2006). "Stem cells—a clinical update". Australian Family Physician 35 (9): 719–21. PMID 16969445.