Wp/rki/နီလာ
နီလာ ရေ ပတ္တမြားနည်းတူ ကိုရမ်ဒမ် ဒြပ်ပေါင်း (AL2O3) ပင်ဖြစ်ပြီးကေ တိုက်တေနီယံ ဒြပ်စင်တဖဲ့ချေ ပါဝင်သောကြောင့် အရောင် နန့်ဖွဲ့စည်းမှုပုံသဏ္ဍန် ကွဲပြားသွားရခြင်းဖြစ်ရေ။ ပုံဆောင်စနစ်မှာ ပတ္တမြား တိပိုင် တြိဂုဏ်စနစ် ဖြစ်ပြီး ပတ္တမြားနန့်အပြင်ပန်းပုံသဏ္ဌာန်မတူညီရခြင်းမှာ ပါဝင်ရေ ဒြပ်စင်တိဧ အမျိုးအစားခြားနားခြင်းကြောင့်သာဖြစ်ရေ။ ရောင်လက်မှာ ဖန်ရောင်လက်ဖြစ်ပြီး မာဆင့် ၉ ဟိရေ။
ထွက်ဟိရာ ဒေသတိ
[edit | edit source]
နီလာကို သီရိလင်္ကာ၊ ဩစတြေးလျ၊ ကတ်ရှ်မီးယား၊ မြန်မာ၊ ထိုင်း၊ ကမ္ဘောဒီးယား နန့်အမေရိကန်ပြည်ထောင်စု ရို့တွင်အဓိကထွက်ဟိပြီး သီရိလင်္ကာ နီလာမှာ အရည်အသွီး အကောင်းဆုံးဖြစ်ပြီး မြန်မာ့နီလာမှာ ၎င်းဧ နောက်တွင် ရပ်တည်ရေ။ ကိုရိုဒမ် အုပ်စုဝင်ဖြစ်သော အခြားကျောက် ရောင်စုံတိကို အရောင်အလိုက် ရှေ့တွင် နီလာတပ်ကာ နီလာဝါ၊ နီလာဖြူ (အရောင်မဲ့နီလာ)၊ နီလာပန်းရောင် အစဟိသဖြင့် ခေါ်ဝေါ်ကတ်ရေ။
မဏိသျှတ္တရကျမ်းလာ နီလာလေးမျိုး
[edit | edit source]မဏိသျှတ္တရကျမ်းတွင် နီလာနန့်စပ်လျဉ်းပနာလင်္ကာ ဖော်ပြချက်ပါဟိရေ။ နီလာလေးမျိုးရို့ဧ တန်ဖိုးကိုပါ တွက်ချက်ပီးထားသေးရေ။ အောက်ပါအတိုင်းဖြစ်ရေ -
လေးသွယ်နီလာ၊ ပြားကြရာတွင်၊
- 'နီလာ'ခေါ်ဆို၊ အောက်မဲညိုပွင့်၊ ပန်းသို့ တင့်ဧ၊
- ထပ်ဆင့် ဒုတိယ၊ 'နီလ ကဏ္ဍီ'၊ ရှု ဒေလက္ခဏာ၊ အပြာတွင်ဖက်၊ ညိုညိုစွက်ဧ၊ အမျက်နှစ်ပါး၊ ဒေကျောက်တိကား၊ ကျပ်သားရွှေတိ၊ တင်လောက်ဘိမူ၊ သိင်္ဂိပဉ္စ၊ ကျပ်ထိုက်စွတည့်၊
- 'ဣန္ဒနီလာ'၊ လက္ခဏာကား၊ သူရိယာနေခြည်၊ ရောင်သို့တည်ဧ၊ ရွှေရည် တကျပ်၊ တင်လောက်လပ်မူ၊ သုံးကျပ်ရွှေကောင်း၊ ထိုက်ပေရှောင်းဧ၊
- တကြောင်း 'ဥပ နီလာ'၊ သညာခေါ်ဆို၊ ကြာညိုပွင့်ရောင်၊ တကျပ်ခေါင်မှာ၊ စီမြှောင်သင့်စွာ၊ ထားလောက်ပါမူ၊ ရွှေသား နှစ်ကျပ်၊ အဘိုးပြတ်ရေ၊ မချွတ်မှန်ဖြောင့် လှည့်သတည့်၊