Wp/rki/ဒိုမီနီကာနိုင်ငံ

ဒိုမီနီကာဓနသာဟာယာနိုင်ငံ
ဆောင်ပုဒ်: "Apres Bondie, C'est La Ter" (Dominican Creole French) "Post deum terra est" (Latin) "After God is the earth"
နိုင်ငံတော် သီချင်း: Isle of Beauty, Isle of Splendour
မြို့တော် နန့် အကြီးဆုံးမြို့	ရော့ဇူးမြို့
ရုံးသုံး ဘာသာစကားတိ	အင်္ဂလိပ်
ဒေသဘာသာသာစကားတိ	Dominican Creole French
လူမျိုးစု (၂၀၀၁)	၈၆.၆% လူမဲ (အာဖရိကန်) ၉.၁% လူမျိုး‌နှော ၂.၉% ကာရစ်ကျွန်းသား ၁.၃% ဥရောပ သို့မဟုတ် အခြား ဝ.၂% မသတ်မှတ်နိုင်ခ
ကိုးကွယ်မှု	၉၄.၄% ခရစ်ယာန်ဘာသာ ၃% Folk religion ၂.၁% အခြား ဝ.၅% မဟိ
Demonym	Dominican
အစိုးရ	ပြည်ထောင်စု ကြီးစိုးပါတီ ပါလီမန် သမ္မတနိုင်ငံစနစ်
• သမ္မတ	Charles Savarin
• ဝန်ကြီးချုပ်	Roosevelt Skerrit
• လွှတ်တော်ဥက္ကဋ္ဌ	Joseph Isaac
ဥပဒေပြုလွှတ်တော်	House of Assembly of Dominica
လွတ်လပ်ရီး ယူနိုက်တက် ကင်းဒမ်းမှ
• အနောက်အိန္ဒိယ ပေါင်းစည်းနိုင်ငံ	၁၉၆၇ ခုနှစ် မတ်လ ၁ ရက်
• အချုပ်အခြာအာဏာနန့် လက်ဟိ ဖွဲ့စည်းပုံဥပဒေ	၁၉၇၈ ခုနှစ် နိုဝင်ဘာလ ၃ ရက်
• ရေထု (%)	၁.၆
လူဦးရေ
• 2021 ခန့်မှန်း	72,412 (အဆင့် - ၂၀၄)
• ၂၀၁၁ သန်းခေါင်စာရင်း	၇၁.၂၉၃
• သိပ်သည်းမှု	၁၀၅/km2 (၂၇၁.၉/sq mi) (အဆင့် - ၉၅)
GDP (PPP)	၂၀၁၈ ခန့်မှန်း
• စုစုပေါင်း	ဒေါ်လာ ၆၈၈ သန်း
• Per capita	၉,၇၂၆ ဒေါ်လာ
GDP (nominal)	၂၀၁၈ ခန့်မှန်း
• စုစုပေါင်း	ဒေါ်လာ ၄၈၅ သန်း
• Per capita	၇,၈၆၀ ဒေါ်လာ
HDI (၂၀၁၉)	ဝ.၇၄၂  · ၉၄
ငွေကြေး	အရှေ့ကာရစ်ဘီယံ ဒေါ်လာ (XCD)
အချိန်ဇုန်	AST (UTC–4)
ယာဉ်ကြောစနစ်	ဘယ်
တယ်လီဖုန်းကုဒ်	+1-767
Internet TLD	.dm

ဒိုမီနီကာ (အင်္ဂလိပ်: Dominica; /ˌdɒmɪˈniːkə/ DOM-ih-NEE-kə သို့မဟုတ် /dəmˈɪnɪkə/ dəm-IH-nih-kə; [Dominique] Error: {{Lang-xx}}: unrecognized language code: fr (help)) ဧ တရားဝင်နာမည်မှာ ဒိုမီနီကာဓနသဟာယနိုင်ငံ (Commonwealth of Dominica) ဖြစ်ပြီး ကာရစ်ဘီယံပင်လယ် အတွင်းဟိ ကျွန်းနိုင်ငံ တစ်ခုဖြစ်ရေ။ မြောက်-အနောက်မြောက်ဘက်တွင် ဂွါဒီလု (Guadeloupe)၊ အရှေ့တောင်ဘက်တွင် မာတီနစ် (Martinique) ရို့ တည်ဟိရေ။ ဧရိယာစတုရန်းကီလိုမီတာပေါင်း ၇၅၀ ဟိပြီး အမြင့်ဆုံးတောင်မှာ အမြင့် ၁၄၄၇မီတာဟိရေ ဒိုင်ယာဘလော့တင်တောင်ထွတ် (Morne Diablotins) ဖြစ်ရေ။ ခန့်မှန်းလူဦးရေ ၇၂,၅၀၀ ဟိပြီး မြို့တော်မှာ ရိုဆူးမြို့ (Roseau) ဖြစ်ရေ။

နာမည်ပြောင်အဖြစ် ကရစ်ဘီယံကျွန်းသေးလေး ("Nature Isle of the Caribbean") ဟုနာမည်ရရေ ဒိုမီနီကာရေ သဘာဝအလှအပတိ မပျက်စီးသေးပဲ ဟိနေဆဲဖြစ်ရေ။ လက်ဆားအန်တီလီးစ်ကျွန်းစု (Lesser Antilles) တွင် အသေးငယ်ဆုံးတိုင်းပြည် ဖြစ်ရေ။ ဘူမိဗေဒသဘောအရ မီးတောင်လှုပ်ရှားမှုကြောင့် ဖြစ်ပေါ်လာရရေတိုင်းပြည် ဖြစ်ရေ။ ကမ္ဘာ့ဒုတိယအကြီးဆုံး ရေပူကန်ကြီး ရေ ဒိုမီနီကာကျွန်းတွင် တည်ဟိရေ။ တောတောင်ထူထပ်ရေ။ မိုးသစ်တောတိ ပေါတိရေ။ ရှားပါးအပင်၊တိရစ္ဆာန်၊ ငှက်မျိုးစိတ်တိကို တွိ့ရရေ။ အနောက်ဘက်ကမ်းရိုးတန်းဒေသတိတွင်ခြောက်သွေ့ပြီး ကုန်းတွင်းပိုင်းတွင် မိုးရွာသွန်းမှု တိပြားရေ။ တော်ဝင်အမေဇုန်ဆစ်ဆဲရိုးကြက်တူရွေးငှက် (Imperial Amazon|Sisserou Parrot) ရေ ဒိုမီနီကာဧ ထူးခြားရေ ဝိသေသ ဖြစ်ရေ။ ဒိုမီနီကာ အမျိုးသားအလံတွင် ယင်းကြက်တူရွေးငှက်ကို အသုံးပြုထားရေ။ ဒိုမီနီကာဧ စီးပွားရီးရေ ခရီးလားလုပ်ငန်းနန့် စိုက်ပျိုးရီးလုပ်ငန်းတိပေါ်တွင် မှီတည်လျက် ဟိရေ။

ခရစ္စတိုဖာကိုလံဘတ်စ် (Christopher Columbus) က ဂုဒိုမီနီကာကျွန်းကို ၁၄၉၃ခုနှစ်၊ နိုဝင်ဘာလ (၃)ရက်နိတွင် ယှာဖွီတွိ့ဟိခပြီး ထိုနေ့ကိုအစွဲပြု၍ နာမည်ပီးခခြင်းဖြစ်ရေ။ လက်တင်ဘာသာစကားအားဖြင့် ဒိုမီနီကာဟူရေမှာ တနင်္ဂနွေနေ့ ဟု အဓိပ္ပာယ်ရရေ။ ကိုလံဘတ်စ် တွိ့ဟိခပြီး နောက် နှစ်ရာချီပြီး ကြာသည့်တိုင်အောင် ဒိုမီနီကာကျွန်းရေ သီးခြား တည်ဟိနေခရေ။ ဥရောပမှ ရောက်ဟိလာကတ်ရေ ကိုလိုနီနယ်ချဲ့တိဧ မောင်းထုတ်ခံရရေ ဒေသခံ ကရစ်ဘ် (Caribs) တိရေပင် ယင်းကျွန်းသို့ ရွှေ့ပြောင်းလာခြင်း မဟိခပေ။ ၁၇၆၃တွင် ပြင်သစ်ရို့က ဒိုမီနီကာကျွန်းကို အင်္ဂလိပ်ရို့ထံ လွှဲပြောင်းပီးခရေ။ ၁၈၀၅တွင် အင်္ဂလိပ်ရို့က အစိုးရအဖွဲ့ ဖွဲ့စည်းပြီး ကိုလိုနီအဖြစ် အုပ်ချုပ်ခရေ။

ဗြိတိသျှအင်ပါယာ လက်အောက်တွင် ၁၈၃၄ခုနှစ် တစ်လျှောက်လုံး အာဖရိကန်တိကို ကျွန်တိအဖြစ် တင်သွင်းခရေ။ ၁၈၃၈တွင် ဒိုမီနီကာရေ ဗြိတိသျှကာရစ်ဘီယံဒေသတွင်း အာဖရိကန်အများစု ပါဝင်ရေ ဥပဒေပြုအဖွဲ့ကို ပထမဆုံး တည်ထောင်နိုင်ရေ တိုင်းပြည် ဖြစ်လာရေ။ ၁၈၉၆တွင် တော်ဝင်ကိုလိုနီနယ်မြေ (Crown colony) တစ်ခု အဖြစ် သတ်မှတ်ခရေ။ ရာစုနှစ် ထက်ဝက်အကြာ ၁၉၅၈မှ ၁၉၆၂အတွင်း ကာလမကြာလိုက်ရေ အနောက်အိန္ဒိယဖက်ဒရီးသျှင်း (West Indies Federation) ဧ ပြည်နယ်တစ်ခု ဖြစ်ခရေ။ ၁၉၇၈တွင် လွတ်လပ်ရီးရခရေ။