Wp/rki/ဒိုင်ယက်သိုင်အီသာ

From Wikimedia Incubator
< Wp‎ | rki
Wp > rki > ဒိုင်ယက်သိုင်အီသာ

ဒိုင်ယက်သိုင် အီသာ ရေ ဓာတုဗေဒသဘောအရ အီသာမှာ ဒိုင်အက်သဲအောက်ဆိုက် ဖြစ်ရေ။ ယင်းဧ ဓာတုဗေဒနာမည်မှာ အက်သဲအီသာ ဖြစ်ပနာ ဓာတုပုံသေနည်းမှာ (C2H5)2O ဖြစ်ရေ။ အီသာရေ အရောင် မဟိရေ အရည်ဖြစ်ရေ။ အငွေ့ပျံပနာနှစ်သက်ဘွယ်ကောင်း ရေ အနံ့ဟိရေ။ ထိုအငွေ့ကိုသာ ဆက်ပနာရှူကေ ရှူသူ ရေ မေ့လားရေအတွက်နန့် ခွဲစိတ်မှုကိစ္စတိတွင် အသုံးပြုနိုင်လီ ရေ။ ကိုယ်ခန္ဓာဧ အစိတ်အပိုင်းတစ်ခုခုတွင် ခွဲစိတ်လိုကေ လည်း အီသာကို အသုံးပြုနိုင်လီရေ။အစိတ်အပိုင်း တစ်ခုခု ကို ခွဲစိတ်လိုရေအခါ ထိုအစိတ်အပိုင်းကို အီသာဖြင့် ပက်ဖြန်း ပီးရရေ။ ကြာကေ အီသာအငွေ့ပျံလားရေအတွက်နန့် အလွန်အီးလာပြီးကေ ထိုအစိတ်အပိုင်းရေ ထုံပနာလားလီ ရေ။ ယင့်အခါ ထိုအစိတ်အပိုင်းတွင် ခွဲစိတ် ကုသမှုကို ပြုလုပ်နိုင်လီရေ။ အီသာရေ ၃၅ ံစင်တီဂရိတ်တွင် ဆူ ရေအတွက်နန့် အရည်ဆူချိန် နည်းပါး လီရေ။ အီသာကို ထုတ်လုပ်လိုကေ ဆာလဖျူရစ် အက်ဆစ်အပြင်း နန့် အယ်လကိုဟောကို ရောပနာအပူတိုက် ပီးရရေ။ ဆာလဖျူရစ် အက်ဆစ်အပြင်းကို အယ်လကိုဟောထက်ပိုပနာ တိတိ ရောစပ်ပီးရရေ။ အပူချိန်မှာ ၁၄ဝံ စင်တီဂရိတ် ခန့်အထိ လိုရေ။


အီသာကို အစာကြေစီရန်နန့် နှလုံးရောဂါဆီးတိ ဖော်စပ်ရာတွင် အသုံးပြုခကြဧ။ ယခုအခါတွင်မူ အီသာကို အသုံးနည်းပါးကတ်ရေ။ အီသာရေ အိုင်အိုဒင်းနန့်ဩဂဲနစ် ပစ္စည်း အမြောက်အမြားကို ပျော်ဝင်စေ နိုင်ဧ။ ထိုဩဂဲနစ် ပစ္စည်းတိတွင် ဆီနန့် အဆီတိလည်း ပါဝင်ရေ။ အီသာဟုဆိုကေ ဒိုင်အက်သဲအီသာကိုသာ ဆိုလိုကေလည်း ဒိုင်မက်သဲအီသာဟုလည်း ဟိသေးရာ ယင်းမှာ ဓာတ်ငွေ့ ဖြစ် ရေ။ တစ်ဖန် မက်သဲအက်သဲအီသာ၊ အက်သဲ ပရိုပဲအီသာနန့် ဗိုင်နဲအီသာတိလည်း ဟိသေးရေကို သတိပြုသင့်ရေ။ အီသာကို အသုံးပြုပနာခွဲစိတ်ကုသခြင်းရေ ၁၈၄၂ ခုနှစ်က ဖြစ်ပနာအသုံးပြုသူမှာ ဒေါက်တာကရော့ဖို့ ဒဗျူင်း ဖြစ် ရေ။ ထိုဆရာဝန်ရေ အမေရိကန်ပြည်ထောင်စု၊ ဂျောဂျီယား ပြည်နယ်မှ ဖြစ်ဧ။ ၁၈၄၆ ခုနှစ်ကလည်း အမေရိကန်လူမျိုး လားဘက်ဆိုင်ရာ ဆရာဝန်တစ်ဦးဖြစ်သူ ဝီလျံ တောမတ် ဂရင်းမော်တင်က အီသာကို ထုံဆီးအဖြစ်နန့် အသုံးပြုခသေး ရေ။[1]

ကိုးကား[edit | edit source]

  1. မြန်မာ့စွယ်စုံကျမ်း၊ အတွဲ(၁၄)