Jump to content

Wp/rki/တရားတဘောင် တက်တက်ပြောင်မွဲ အထောက်စာ

From Wikimedia Incubator
< Wp‎ | rki
Wp > rki > တရားတဘောင် တက်တက်ပြောင်မွဲ အထောက်စာ

တရားတဘောင် တက်တက်ပြောင်မွဲ အထောက်စာ

[edit | edit source]

ဟူးဟူး ရေရေဟူး ...

မထောက်ကေလည်းမထောက်၊ ထောက်လုပ်ပြီးသော်၊ နောက်ကို

လည်း တမျိုးတဆွေ ထောက်လိုက်မည်ပ၊ ဆံခြည်ညိုမြ

(ကြာကန်ရွာ) အပျိုမတို့၊ ရင်စတင်ဆစ်၊ ရဲစစ်လည်းဝင်၊ မိနံပါးနှင့်

ဖနံပါးမှာ မအိပ်ချင်ဟု၊ ကိုယ်တွင်း အထည်၊ ပဲနံသာကို ဖုံဖုံနှီးဗျာ၊

ကိုယ့်သပေါ့ချေနှင့်၊ ကိုယ်အိပ်ချင်ရေ၊ ရွာတွင် ကလွေ၊ လူပျိုချေ

ရို့ကလည်း၊ သိလတ်မည် မကြောက်၊ ချွေးတပေါက်ပေါက် ကေမို့၊

နီဝင်လတ်သော်၊ ထိုအိမ်နားကို၊ ရစ်ကာဝင်ဟု၊ ထရံပေါက်က၊

ချစ်ကတ်မေ ကြိုက်ကတ်မေဟု၊ ပြောလတ်သောခါ၊ မိအိုမက၊

နီးလတ်သောခါ၊ ခွီးယောင်ဝတ်ယောင်၊ ဇာယောင်တစ်ခု၊ တရုရုဟု၊

ငါ့အိမ်နားမျာ၊ တခါတရံ၊ ခါရံတထူး၊ မကြားဖူးဟု၊ ဆိုလတ်

သောခါ၊ ထိုကလွေချေက၊ စိတ်ဆိုး မာန်ပေါက်၊ ဒေါသရောက်၍၊

ယင်းဝါကြီးမသမီး၊ ညဇာတွင်က၊ ကန်ဘောင်အောက်မာ၊ ဇာလီးပျင်း

ဖို့၊ မှာခရေဟု၊ ပြောသံဆိုသံ၊ ကြားပြန်လတ်သော်၊ ဝါကြီးဘိုက၊

နိုးလတ်သောခါ၊ ကျွန်ယုတ်မသား၊ ထိုးသတ်ပစ်မည်ဟု၊ ဆင်းလို့

အလိုက်၊ မောင်းကာအတွင်း တိုင်တွင်ထိခိုက်၊ ဝါကြီးဘိုထိပ်မှာ၊

ကြက်ဥ လောက်တစ်လုံးဖြစ်တေ၊ တရိပ်လွန်မြောက်၊ မိုးလင်းသောက်

လတ်သော်၊ ကာလုံတတ်ပါးမှာ၊ တိုင်အဲထားမည်ဟာကလွေ၊ တရိပ်

လွန်မြောက်၊ မိုးလင်း သောက်ခါ၊ မာတာပီတ၊ မိနှင့်ဖကိုလည်း

မရှက်၊ ခြောင်းဟတ်လို့လည်းမကြား၊ အကျွန်ထိပ်ကို၊ ခဲကောက်ပစ်

တေ၊ ကာလုံတတ်ဟု၊ ဆိုလတ်တေခါ၊ ထိုကလွေချေက၊ ချေဆိုပြန်ရေ

မှာ၊ မြတ်မွန်ဟိရာ၊ နွားမွန်လာ၊ အပျိုဟိရာ လူပျိုလာ၊ မလာရဘဲ၊

ဝါကြီးမက၊ တလီဆဲ၊ ဝါကြီးဘိုက၊ နိုးလတ်သောခါ၊ ကျွန်ယုတ်မ

သား၊ ထိုးသတ်ပစ်မည်ဟု၊ ဆင်းလို့အလိုက်၊ မောင်းကာလ အတွင်း၊

တိုင်တွင်ထိခိုက်၊ ယင်းအဖြစ်ကို ကျွန်မျိုးသာမသိပါ၊ ခဲကောက်လို့

လွန်သည်မြောက်ကေက၊ ဝါကြီးသမီးကိုပီးလီ၊ မင်းကေက၊ ဒဏ်ငွေ

ခြောက်ဆယ်လျော်ရမေ၊ မလျော်ကေက၊ တရားတဘောင် ရုံးကို

ဆောင်ကေ၊ ဝါကြီးမ အိမ်ထောင်၊ တက်တက်ပြောင်မွဲ ။ ။[1]

ကိုးကား

[edit | edit source]

  1. အသျှင်စက္ကိန္ဒ(ရခိုင်ပြည်နယ်) -ရခိုင်ယဉ်ကျေးမှုများ (၂) -p63