Wp/rki/ဉာဏတ္ထဝိက
အသျှင်ဉာဏတ္ထဝိကထေရ် ရေ မြတ်စွာဖရားဧ့ သာသနာတော်ဟိ ရဟန်းတစ်ပါး ဖြစ်ရေ။[1]
(က) ပဒုမုတ္တရဖရားသျှင်ဧ့ သဗ္ဗညုတဉာဏ်တော်ကို ချီးမွမ်းခသောထေရ်။ ထိုမထေရ်ရေ ဒေကမ္ဘာမှ ပြန်ပြီးကေရေကေ ကမ္ဘာတသိန်းထက်၌ ပဒုမုတ္တရ ဖရားသျှင်ဧ့ သဗ္ဗညုတဉာဏ်တော်ကို ချီးမွမ်းခရေ ကောင်းမှုကြောင့် ကမ္ဘာ တသိန်းလုံးလုံး အပါယ်ဖို့လားရပဲ ဒေဂေါတမဖရားသျှင်လက်ထက် ရဟန္တာတပည့် အတိတွင် “ဉာဏတ္ထဝိကထေရ်” ဆိုရေ နာမည်နန့် ထင်ယှားရေ။ [2]
(ခ) သုမေဓဖရားသျှင်ဧ့ သဗ္ဗညုတဉာဏ်တော်ကို ချီးမွမ်းခသောထေရ်။ ထိုမထေရ်ရေ ဒေကမ္ဘာမှ ပြန်ပြီးကေရေကေ ကမ္ဘာသုံးသောင်းထက်၌ သုမေဓဖရားသျှင်ဧ့ သဗ္ဗညုတဉာဏ်တော်ကို ချီးမွမ်းတော်မူခရေ၊ ထိုေကာင်းမှုကြောင့် ကမ္ဘာသုံးသောင်းလုံးလုံး အပါယ် ဖို့လားရပဲ သိကြားမင်းအဖြစ် အကြိမ် တထောင်, စကြဝတေးမင်းအဖြစ် အကြိမ် အများကြီး, ပဒေသရာဇ်မင်းအဖြစ် အကြိမ်မရွီတွက်နိုင်အောင် ဖြစ်ရရားကေ ဒေဂေါတမ ဖရားသျှင်လက်ထက်၌ ၇-နှစ် အရွယ်ကပင် အရဟတ္တဖိုလ်ကိုရပြီးကေ “ဉာဏတ္ထဝိကထေရ်”ဆိုရေနာမည်နန့် ထင်ယှားရေ။ [3] [4]