Wp/rki/Wikipedia:ဇာပိုင်တည်းဖြတ်ဖို့လဲ
ဝီကီပီးဒေးယား စာမျက်နှာအတိစုကို တည်းဖြတ်ခြင်းက လွယ်ကူပါရေ။ ဝီကီပီးဒေးယား အသုံးပြုသူတိအနီနန့် နည်းလမ်းနှစ်မျိုးကို အသုံးပြုပြီး တည်းဖြတ်နိုင်ပါရေ။ ရိုးရှင်းရေ wiki markup (wikitext) ကို အသုံးပြုပြီး တည်းဖြတ်ခြင်းနန့် နည်းလမ်းသစ် VisualEditor (VE) ကို သုံးပြီး တည်းဖြတ်ခြင်း ရို့ ဖြစ်ပါရေ။ . ဒေစာမျက်နှာက ရှင်းပြချက်တိနန့် ဗီဒေယိုလမ်းညွှန်တိက အတိဆုံးအသုံးပြုနီကတ်ရေ wikitext တည်းဖြတ်ခြင်းအတွက် ပိုပြီး ပြောပြထားပါရေ။ VisualEditor အသုံးပြုခြင်းနန့် ပတ်သက်ပနာစာမျက်နှာဧ့အောက်ဆုံးအပိုင်းမှာ ဆက်ကြည့်ပီးပါ။
တည်းဖြတ်မှုကို လေ့ကျင့်ဖို့အတွက် sandbox ကိုလားပြီး "ပြင်ဆင်ရန်" ခလုတ်ကို နှိပ်လိုက်ပါ။ စာမျက်နှာပေါ်ဟိ စာသားတိ ပါဝင်ရေ တည်းဖြတ်ပြင်ဆင်နိုင်ဖို့ အကွက်ချေကို ပြသပီးပါလိမ့်မေ။ တစ်ခုခုကို ရိုက်ထည့်လိုက်ပါ ယပိုင်မဟုတ်ကေ ယင်းမှာမှာ မြင်ရရေ စာသားကို ပြောင်းလဲလိုက်ပါ။ ပြီးကေဒေစာမျက်နှာကို သိမ်းရန် ကိုနှိပ်ပြီး ဇာပိုင်ပြောင်းလဲလားလဲ ဆိုစွာ ကြည့်လိုက်ပါ။
Edit tab
ပုံမှန်အားဖြင့် ဝီကီပီးဒေးယား စာမျက်နှာထိပ်နားမှာဟိရေ ပြင်ဆင်ရန် ကို နှိပ်ပြီး ပြင်ဆင်နိုင်ပါရေ။ ယပိုင်ဆိုကေ သင်ကြည့်နီရေ စာမျက်နှာက စာသားတိကို ပြင်ဆင်လို့ရရေ အနေအထားနန့် ပြသပီးမှာ ဖြစ်ပါရေ။ ယင်းမှာအကွက်ထဲမှာ သင်ပေါင်းထည့်လိုရေ စာသားကို ရိုက်ထည့်ပြီးရေ်လည်းကောင်း၊ စာသားတိ ပုံစံချဖို့ wiki markup သုံးပြီးရေ်လည်းကောင်း၊ ပုံတိ ဇယားတိကိုလည်း ထည့်သွင်းနိုင်ဖို့ ဖြစ်ပါရေ။
ပြင်ဆင်ခြင်း အနှစ်ချုပ်
ပထမဆုံးအနီနန့် သင်စာမျက်နှာတစ်ခုကို တည်းဖြတ်တိုင်း ကောင်းမွန်ရေ ကျင့်ဝတ်ကို ပြသရေအနီနန့် တည်းဖြတ်အကွက်ဧ့အောက်က အကျဉ်းချုပ် ဆိုရေ အကွက်မှာ သင်ပြင်ဆင်ပြောင်းလဲလိုက်စွာအတွက် ရှင်းလင်းချက်ကို ထည့်သွင်းနိုင်ပါရေ။ သင့်ရှင်းပြချက်ကို တတိုချေချေနန့်လိုကေး ရီးစွာ ကောင်းပါရေ။ နမူနာအနီနန့် စာလုံးပေါင်းပြင်ဆင်စွာအတွက်"typo" လို့ရာ ရိုက်ထည့်ရုံနန့် လုံလောက်ပါရေ။ အလားတူ သင့်ပြင်ဆင်မှုက အရေးမကြီးရေ ပြင်ဆင်မှုလောက်ရာဆိုကေ "အရေးမကြီးရေ ပြင်ဆင်မှု ဖြစ်ရေ" ဆိုရေ အကွက်ချေကို နှိပ်ပီးလိုက်ပါ။
နမူနာပြသရန်
ဒုတိယအနီနန့် ပြောရကေ သင်စော် နမူနာပြသရန် ခလုတ်ကို အသုံးပြုသင့်ပါရေ။ ပြင်ဆင်ရေ အကွက်ထဲမှာ ပြောင်းလဲမှုတိ လုပ်ပြီးလားကေ ဒေစာမျက်နှာကို သိမ်းရန် အစား Show preview ကို နှိပ်လိုက်ပါ။ ယင်းချင့်စော် သင်ပြင်ဆင်လိုက်ပြီးကေ ဇာပိုင်မြင်တိ့ရမလဲဆိုစွာ သင်အမှန်တကယ် မသိမ်းရသိမ်းခင် ပြသပီးစွာ ဖြစ်ပါရေ။ အကျွန်ရို့အားလုံး အမှားတိ လုပ်မိတတ်ကြပါရေ။ ယင်းချင့်ကြောင့် အခြားသူတိ မမြင်ခင် အမှားတိကို ရှာတိ့နိုင်အောင် ဒေခလုတ်ချေက ကူညီပီးပါလိမ့်မေ။ Show preview ကို အသုံးပြုခြင်းဖြင့် ပြင်ဆင်မှုကို နမူနာကြည့်နိုင်ပိုင် စာမျက်နှာ ရာဇဝင် ကိုလည်း မရှုပ်ပွစီပါ။
စာမျက်နှာ သိမ်းဆည်းခြင်း
အကျဉ်းချုပ်မှာ ဖြည့်ပြီးရာလား? နမူနာ ကြည့်ပြီးရာလား? ယပိုင်ဆိုကေ နောက်ဆုံးအဆင့်အတွက် သင်အဆင်သင့် ဖြစ်နီပါရာ။ ဒေစာမျက်နှာကို သိမ်းရန် ခလုတ်ကို နှိပ်လိုက်ပါ။
မီဒေယာဖိုင်တိ
ရုပ်ပုံတိ၊ အသံတိနန့် ဗီဒေယိုတိ ပါဝင်ရေ ဆောင်းပါးတိက ကကောင်းကောင်းပါရေ။ ဝီကီပီးဒေးယား ယပိုင်မဟုတ်ကေ Wikimedia Commons ပေါ်မှာ ဟိနန့်နီရေ ဖိုင်ကို "[[file:fileNAME|thumb|ဖော်ပြချက်]]" ဆိုရေ ရိုးရှင်းရေ ကုဒ်နန့် ထည့်သွင်းနိုင်ပါရေ။ "thumb" ကို အသုံးပြုခြင်းက မူလပုံဧ့နမူနာပုံသေးကို ပြသပီးမှာ ဖြစ်ပါရေ။ နမူနာပုံသေးဧ့အရွယ်အစား၊ ထားဖိုနီရာ စရေ ရွေးချယ်စရာတိ ဟိပါသေးရေ။
လော့ဂ်အင်ဝင်ထားရေ အသုံးပြုသူတိကပဲ သင့်တော်ရေ ဖိုင်အမည်နန့် ပုံတိကို တင်နိုင်ပါရေ။ ပုံမတင်မီ ပထမဆုံး ဆုံးဖြတ်ရမှာကတော့ ပုံရဲ့မူပိုင်ခွင့် အခြေအနေ ဖြစ်ပါရေ။Wikimedia Commons ဧ့ဖိုင်တင်ပီးရေ ဝိဇတ် နန့် ဝီကီပီးဒေးယားဧ့ဖိုင်တင်ပီးရေ ဝိဇတ် ရို့က မီဒေယာဖိုင် တင်ဖို့အဆင့်ဆင့်ကို လမ်းညွှန်လားပါလိမ့်မေ။ တင်လိုက်သမျှဖိုင်တိ အားလုံးကို ဝီကီပီးဒေးယားနန့် Wikimedia Commons နှစ်ခုအကြား အပြန်အလှန်ပုံပွားပီးဖို့ ဖြစ်ပြီး တစ်ဖက်နန့်တစ်ဖက် ရှာဖွေနိုင်ဖို့ ဖြစ်ပါရေ။
ဆောင်းပါးတိကို အမည်ပြောင်းလဲခြင်း
အကယ်၍ ဆောင်းပါးတစ်ခုစော် အမည်မှားပီးထားရေလို့ သင်ယုံကြည်ခပါက ကျေးဇူးပြုပြီး ဆောင်းပါးဟောင်းက စာသားတိ အကုန်ကူးပြီး ဆောင်းပါးအသစ်တစ်ခု မလုပ်လိုက်ပါကေ့။ — ယင်းပိုင်လုပ်လိုက်ကေ အရင်တည်းဖြတ်မှတ်တမ်းတိ ကွဲထွက်လားပါလိမ့်မေ။ ကကောင်းမမွန် ပြီးပြည့်စုံစေဖို့ နည်းလမ်းကတော့ စာမျက်နှာ ထိပ်က ရွှိ့ရန် ခလုတ်နန့် အမည်သစ်ကို ရွေ့ပြောင်းနိုင်ပါရေ (ယင်းပိုင်လုပ်ဖို့ မှတ်ပုံတင်ထားဖို့တော့ လိုပါလိမ့်မေ)။ တကယ်လို့ သင်စော် ရွှေ့ပြောင်းခြင်းကို ပထမဆုံး လုပ်ဆောင်စော်ဆိုကေတော့ ကျေးဇူးပြုပြီး ရွေ့ပြောင်းစာမျက်နှာက သတိပီးချက်တိကို သေချာစွာ ဖတ်ရှုပီးပါ။ စာမျက်နှာ အမည်ရွေးချယ်စော်နန့် ပတ်သက်ရေ စည်းကမ်းသတ်မှတ်ချက်တိကို Wikipedia:ဆောင်းပါးခေါင်းစဉ်တိ မှာ ဖော်ပြပီးထားပါရေ။ အကယ်၍ "သံတူကြောင်းကွဲ" စာမျက်နှာ ဖြစ်နီကေဆိုကေတော့ Wikipedia:သံတူကြောင်းကွဲ ကို ဖတ်ရှုခြင်းက အကောင်းဆုံး ဖြစ်မှာပါ။
ဆောင်းပါးတိ ဖန်တီးခြင်း
ဆောင်းပါးသစ် တစ်ခု ကို မစတင်မီ ဝီကီပီးဒေးယားဧ့ထင်ရှားအရေးပါမှု လိုအပ်ချက်တိ ကို နားလည်ထားဖို့ လိုပါမေ။ တတိုချေပြောရဖို့ဆိုကေ ဆောင်းပါးတစ်ခုအတွက် စာပေတိုက်ကြီးတိ၊ သတင်းစာတိ၊ မဂ္ဂဇင်းတိ၊ စကောလားဂျာနယ်တိ နန့် ယုံကြည်ရရေ ဝက်ဘ်ဆိုဒ်တိ အစဟိရေ ယုံကြည်စိတ်ချရရေ ရင်းမြစ်တိ စုဆောင်းထားဖို့ လိုပါမေ။ ဝီကီပီးဒေးယားပေါ်က သတင်းအချက်အလက်တိစော် အတည်ပြုနိုင်ခြင်း ဟိရမှာ ဖြစ်ပါရေ။
ကာကွယ်ထားရေ စာမျက်နှာတိ
အချို့စာမျက်နှာတိကို တည်းဖြတ်ပြင်ဆင်လို့မရအောင် ကာကွယ်ထားပါရေ။ ယင်းမှာစာမျက်နှာတိမှာ ပြင်ဆင်ရန် အစား ကေးမြစ်ကို ကြည့်ရန် ဆိုစွာပဲ ဟိပါရေ။
နောက်ပြန်ပြင်ခြင်း
သင့်ဧ့တည်းဖြတ်ပြောင်းလဲမှုကို အခြားရေ တည်းဖြတ်သူက နောက်ပြန်ပြင်လားခကေ ပြောင်းလဲမှုတိကို ဆွေးနွေးချက် စာမျက်နှာမှာ ဆွေးနွေးပီးပါ! ဆွေးနွေးခြင်း မပြုလုပ်ဘဲ ထပ်ခါတလဲလဲ ပြောင်းလဲမှုတိကို ပြုလုပ်နီကေဆိုကေတော့ နောက်ထပ်တည်းဖြတ်လို့ မရအောင် ပိတ်ပင်ခံရနိုင်ပါရေ။
VisualEditor
VisualEditor ဆိုစွာက wikitext markup တိ သိထားစရာမလိုဘဲ တည်းဖြတ်နိုင်ရေ နည်းလမ်းဖြစ်ပါရေ။