Wp/rki/ဆီးလိပ်ဖြတ်ရန်နည်းလမ်း
ဆီးလိပ်ဖြတ်ရန်နည်းလမ်း
[edit | edit source](၁) ရီအေးချေ တစ်ကျိုက်စီငုံ
[edit | edit source]သေးသေးဖွဲဖွဲချေတိ စား ဝါး။ စီးကရက်ကို စုပ်ရှိုက်ရခြင်းကို အစားထိုးခြင်းဖြစ်ရေ။ သုတေသနတိ့စီစစ်ချက်အရ ရီအေးချေကို ပိုက်နန့်စုပ်ငုံခြင်းက dopamine ထွက်စီရေ။ dopamine သည် “မကောင်းစိတ်” တိကို လျော့စီရေ။ အစားနည်းနည်း နန့် ဝါးစားခြင်း ကလည်း မီးခိုးငွေ့အလွမ်းကို လျော့စီရေ။ အစားတော့ ရွီးပါ။ တနားကေ ဝလာလိမေ။
(၂) ကောင်းကျိုးစဉ်းစား
[edit | edit source]စီးကရက်၊ ဆီးလိပ်မသောက်ခြင်းဧကောင်းကျိုးတိ ကို စဉ်းစားပါ။ ကိုယ့်စိတ်ကိုယ် နိုင်ခြင်း၊ ငွေကုန် သက်သာခြင်း၊ အစားအသောက် အရသာပြည့်ပြည့် ဝဝ စားနိုင်ခြင်း၊ အမောခံနိုင်ခြင်း။
(၃) သွားခဏခဏတိုက်
[edit | edit source]ခံတွင်းနံ့ချေ ကောင်းလာတတ် ရေ ကောင်းကျိုးရဟိဖို့ ဖြစ်ရေ။ ခံတွင်းရနံ့ချေကို ချစ်ပါ။
(၄) အယ်လ်ကိုဟော ယှောင်
[edit | edit source]အယ်လ်ကိုဟောသည် ဆီးလိပ်၊ စီးကရက် သောက်လိုစိတ်ကို အားပီးရေ။ အကြောင်းပြ ချက်များစွာဟိနီ ပါရေ။ အယ်လ်ကိုဟောသည် လုပ်ချင်ရာ လုပ်မိအောင် အားပီးတတ်စွာ ကလည်း တစ်ကြောင်းဖြစ်ရေ။
(၅) မိမိကိုယ်မိမိ ဆီးလိပ်၊ စီးကရက် ကန့်သတ်နယ်မြေသတ်မှတ်
[edit | edit source]လူယှေ့သူယှေ့ မသောက်၊ အလုပ်ထဲမှာ မသောက်၊ လူကြီး သူမတိဟိကေ မသောက်တာမျိုး။
(၆) အကြောင်းပြချက် သတိရ
[edit | edit source]ကိုယ်ဇာကြောင့် ဒေချင့်ကို ဖြတ်ချင်လဲဆိုရေ အကြောင်းပြချက် ကိုယ်စီဟိကတ်ပါဖို့။ ယင်းချင့်ကို ရက်ပြတ်သတိရ။
(၇) နိ့စဉ် တက်ကြွလန်းဆန်း
[edit | edit source]နိ့စဉ် လှုပ်ယှားတက်ကြွလန်းဆန်း လတ်ဆတ်ခြင်းကလည်း ဟိုချင့်မလုပ်ရ မနီနိုင်၊ ဒေချင့်မလုပ်ရ မနီနိုင် ဆိုစွာတိကို ဟန့်တားနိုင်ရေ။
(၈) ပြက္ခဒိန်မှာ မှတ်
[edit | edit source]ဂနိ့တစ်လိပ်လည်း မသောက်ဖြစ်ကေ ယင်းရက်ချေကို ပြက္ခဒိန်မှာ မှတ်လိုက်။ ရက်တိ တိုးပွားလာစိတ် ဖြစ်လာလိမယ်။
(၉) ပါးစပ်ထဲ တစ်ခုခုထည့်ထား
[edit | edit source]ပီကေ၊ မြေပဲ၊ နီကြာစေ့ စသည်
(၁၀) အပေါင်းအသင်းလိုရေ
[edit | edit source]အရင်က ဆီးလိပ်၊ စီးကရက် သောက်ခပြီး ဂုအောင်မြင်စွာ ဖြတ်ထားနိုင်ပြီးရေ အပေါင်းအသင်း တစ်ယောက်ယှာပါ။
(၁၁) ကဖိန်းကန့်သတ်
[edit | edit source]ကော်ဖီ၊ လက်ဖက်ရည်ကို ဆိုလိုရေ။ ကော်ဖီ၊ လက်ဖက်ရည်သည် နံနက်ပိုင်းမှာ လန်းဆန်းစီစွာ မှန်ပါရေ။ ယကေလည်း စိတ်ဖိစီးမှု၊ စိတ်လိုလားမှုတိ များစီရေ။ ယင်းအတွက် ကန့်သတ်လျှော့ချ ရလိမေ။ မကန့်သတ်ကေ ဆီးလိပ် ပြန်သောက်ဖြစ်မေ။
(၁၂) မကောင်းရေ အနောက်တိကိုသတိပြု
[edit | edit source]စိတ်ဆိုးစွာ၊ စိတ်အလိုမကျစွာ၊ စိတ်ဓာတ်ကျစွာတိ ဖြစ်လာကေ ကိုယ့်စိတ် ကိုယ်ပြန်ရှုမှတ်ပါ။ ယင်း မကောင်းစိတ်တိက ဆီးလိပ်၊ စီးကရက် ပြန်သောက်မိစီရေ။
(၁၃) မကောင်းကျင့် အပေါင်းအသင်း ကိုယှောင်
[edit | edit source]ဇာသူတိနန့်ဆုံကေ ပြန်သောက် မိလဲ။ ယင်းလူတိကို ယှောင်ပါ။
(၁၄) စိတ်ရှည်ပါ...ပြေးလမ်းပေါ်မှာ
[edit | edit source]၁၄ ရက်ကြာ ပြတ်နိုင်ကေ ယင်းချင့်စွာ ပြေးလမ်းပေါ်ရောက်ရာ။ ယင်းအချိန်မှာ မိသားစုနန့် မိတ်ဆွေတိနန့် ဝိုင်းဖွဲ့ စားသောက်ဖို့လိုရေ။ ကိုယ်လက် လှုပ်ယှားမှုလုပ်ဖို.လိုရေ။ ဆီးလိပ်၊ စီးကရက် ပြတ်ခြင်း၊ မပြတ်ခြင်းသည် ကြားမှာ ပါးလွှာ လွန်းလှရေ။ “တစ်လိပ်” ပဲခြားပါရေ။ မီးခြစ်တစ်ခြစ်ပဲ ခြားပါရေ။ ပြန်စသောက်မိကေ ပြန်ဖြတ်ပါ။ [1]
ကိုးကား
[edit | edit source]- ↑ ကျန်းမာရေး ဂျာနယ်