Wp/rki/ဆီးဆိုးပန်းရိုက်ခြင်း
ဆီးဆိုးပန်းရိုက်ခြင်း (အင်္ဂလိပ်: Silk-screen printing) ဆိုစွာမှာ ပိုးဇာမျက်နှာပြင်ပုံနှိပ် နည်းပညာတစ်ခု ဖြစ်ရေ။ ပိုးဇာဘောင် ပုံနှိပ်ခြင်းဟုလည်းခေါ်ပါရေ။ ပုံနှိပ်ခြင်းနည်းတိထဲမှ ပိုးဇာခေါ် နိုင်လွန်စကာ စ ပိတ်ပါးစတိ ၊(အင်္ဂလိပ်: Squeegee) ဘိပြားခေါ် စကေဘာ ပြားတိ အသုံးပြုကာ ပလက်စတစ်၊သစ်သား၊ အင်္ကျီ၊ ဖန်ခွက် စရေလူအသုံးဆောင်ပစ္စည်းတိပေါ်တွင် လိုချင်ရေဒီဇိုင်းအား ပုံနှိပ်ခြင်း ဖြစ်ရေ။
နည်းလမ်း[edit | edit source]
သစ်သား ဖြင့် ပြုလုပ်ထားရေ လေးထောင့်ဘောင် အလွတ်ပေါ်တွင် အပေါက်ငယ်တိ ပါဝင်ရေနိုင်လွန်ပိတ်ပါးစဖြင့် တင်းအောင် ကျပ်ထားရေ ဆီးရိုက်ဘောင်တစ်ခုကို အလိုဟိရေ အများုင်းအတာကို ပြုလုပ်ထားရရေ။ ၎င်းဘောင်ပေါ်တွင် အလိုဟိရေ ရုပ်ပုံအား (ဘောင်ကူးခြင်း) ပုံဖော်ပြီး အပေါ်မှ ဆိုးဆီးကို ဘိပြား အသုံးပြုပနာ ဖိချခြင်းဖြင့် ပုံနှိပ်လိုရေအရာပေါ်သို့ ပုံထင်စီခြင်းဖြစ်ရေ။ ဆီးရိုက် ဘောင်တွင် ပုံဖော်ခြင်း (ဘောင်ကူးခြင်း) ဆိုစွာမှာ ဆီးရိုက်ဘောင်ပေါ်၌ ပုံဖော်ဆီး (သို့) ဆိုးဆီး ယိုမဆင်းနိုင်ရေအရာတိကို သုံးပြီး ကာထားခြင်း၊ ဖွင့်ပီးခြင်းဖြစ်ရေ။ ဆီး မထင်စေရေ နီရာတိကို ကာထားခြင်း၊ ဆီးထင်စေခြင်ရေနီရာတိကို ဖွင့်ထားခြင်းအားဖြင့် ဆိုးဆီးတိမှာ ပုံဖော် ဖွင့်ထားသည့်အများုင်း ဘောင်မျက်နှာပြင် အပေါက်ပါ နိုင်လွန်စပေါ်မှ ဖြတ်သန်းပြီးပုံရိပ် ထင်လာခြင်းဖြစ်ရေ။
ဆက်စပ်ပစ္စည်း[edit | edit source]
- ဆီးရိုက် ဘောင် (အင်္ဂလိပ်: frame)
- ဘိပြား (ခ)စကေဘာ (အင်္ဂလိပ်: Squeegee)
- ရိုက်ဆီး
- ဘောင်ကူးဆီး (အင်္ဂလိပ်: emulsion)
ဆီးရိုက်ဘောင်[edit | edit source]
ဆီးရိုက်ဘောင်တွင် ဘောင် နန့် ပိုးဇာ နှစ်ပိုင်း ပါဝင်ရေ။ ဘောင် - ဘောင်အား များရေအားဖြင့် သစ်သား ဖြင့် ပြုလုပ်ပြီး လုပ်ငန်းလိုအပ်ချက်အရ သစ်သားဘောင်၊ အလူမီနီယံဘောင်၊ စတီးဘောင် ဟူပနာ ဆိုဒ်အမျိုးမျိုး ဟိရေ။ ဘောင်မျက်နာပြင် အပြန့်သာ ပြုလုပ်ကေလည်း လိုအပ် ချက်အရ မျက်နာပြင် အခုံး ဘောင်တိ လေးထောင့်မဟုတ်ရေ အဝိုင်း ဘောင်တိလည်းဟိရေ။ အဓိကရည်ရွည်ချက်မှာ ဘောင်တွင် တပ်ဆင်ဖို့ပိုးဇာမျက်နာပြင် တင်းအောင် ဘောင်မျက်နာပြင် ခိုင်ခံပြီးပေါ့ပါးမှု ဟိစေရန်ုဖြစ်ရေ။ ပိုးဇာ - ဘောင်မျက်နှာပြင်တွင် တပ်ဆင်မည့်ပိုးဇာမှာ ပါးလွာရေ နိုင်လွန်သားဖြင့် ပြုလုပ်ထားပြီး ရိုက်ဆီးတိ ဖြတ်သန်စီးဆင်နိုင်ရန် အပေါက်ငယ်တိပါဝင်ရေ။ ပိုးဇာ မျက်နာပြင် တစ်လက်မ အတွင်း ပါဝင်ရေ အပေါက် အရည်တွက် ပေါ်မူတည်ပြီး mesh 100 ၊mesh၁၂၀ ၊mesh၃၀၀ ဟု ထုတ်လုပ်ရေ။ ပိုးဇာမျက်နှာပြင်ဟိ အပေါက်ငယ်တိ အစိပ် ၊အကျဲ အနည်းအများ ရေ ပုံနှိပ်မှုအပေါ် သက်ရောက်မှုဟိသည့်အတွက် ပုံနှိပ်ဖို့အရာဧ ဒီဇိုင်း၊ အရည်အသွေးနန့် သုံးစွဲဖို့ပုံနှိပ်ဆီးပေါ်မူတည်ပြီး ပိုဇား အမျိုးစား ကို ရွီးချယ် အသုံးပြုရရေ၊ ခိုင်ခံရေ ဘောင်ပေါ်တွင် ပိုးဇာ နိုင်လွန်စကို တင်းအောင် သံဖြင်၎င်း ကော်ဖြင့်၎င်း အသုံးပြု ဘောင်ကျပ်ပြီးကေ ဆီးရိုက်ဘောင်တစ်ခု ရဟိပါဖို့။ ပိုးဇာမျက်နာပြင်တင်းအားရေ ပုံနှိပ်အရည်အသွေးပေါ် သက်ရောက်မှုဟိသည့်အတွက် မလျော့ အောင် ဂရုစိုက် ဘောင်ကျပ်ရပါဖို့၊
ဘိပြား (ခ) စကေဘာ[edit | edit source]
ရိုက်ဆီးအားဖိအားဖြင့် ဆီးရိုက်ဘောင်မှ စီးထွက် ပုံရိပ်ပေါ်စီရန် ဘိပြားကို သုံးပြု ပုံနှိပ်ရရေ။ ဘိပြားဆိုစွာမှာ သစ်သားပြားပေါ်တွင် ရောဘာပြားတပ်ဆင်ထားခြင်းဖြစ်ရေ ။ ရိုက်ဆီးဖိရရေ ရောဘာဧ မျက်နာပြင်ရေ (အေ)ပုံစံ နန့် (ယူ)ပုံစံ နှစ်မျိုးဟိပြီး အသုံးပြုဆီးပေါမူတည်ရွီးချယ်ရရေ၊