Wp/rki/ဆိုက်ပါမီသလင်း
" ဆိုက်ပါမီသလင်း - Cypermethrin "ရေ စိုက်ပျိုးရီးတွင်အသုံးပြုနီရေ ဆီးဂန္ဓမာအုပ်စုဝင် သီးနှံကာကွယ်ရီးသုံး ပိုးသတ်ဆီးတစ်မျိုးဖြစ်ရေ။ လူရို့တီထွင်ဖန်တီးထုတ်လုပ်ထားရေပိုးသတ်ဆီးတစ်မျိုးဖြစ်ပြီး သီးနှံကာကွယ်ရီးသုံးအဖြစ်သာမက လူနေအိမ်တိ၊ သိုလှောင်ရုံတိ၊ ဟိုတယ်တိ၊ မွေးမြူရီးခြံတိ တွင်အသုံးပြုလျက်ဟိရေ။ ထိသေ၊ စားသေ ပိုးသတ်ဆီးအမျိုးအစားဖြစ်ပြီး ပိုးကောင်တိ၊ သက်ဟိတိဧ အာရုံကြောစနစ်ကိုတိုက်ခိုက်ပျက်စီးစေရေ။ အပင်တိ၊ မြီကြီးတိထဲတွင်အလွယ်တစ်ကူဓာတ်ပြိုကွဲနိုင်ကေလည်း အမိုးအကာအောက်ဟိ နံရံတိ၊ မြက်နှာပြင်တိတွင် သီတင်းပါတ်ပေါင်းများစွာ တည်ဟိနေနိုင်ရေ။ စိုက်ပျိုးရီးလုပ်ငန်းတိတွင် ငမြောင်တောင်၊ ခူမွေးရှည်၊ ရွက်ဖောက်ကျိုင်း တိကိုကာကွယ် နှိမ်နင်းရန်အသုံးပြုကတ်ရာ ခြင်၊ ပိုးဟတ်၊ ခြ၊ ပုရွက်ဆိတ်၊ ယင် ရို့အတွက်လည်းအသုံးပြုကတ်ရေ။ ကျွဲ၊ နွား၊ သိုး၊ ကြက်ငှက်အုပ်စုတိတွင်ကျ ရောက်တတ်ရေ လှေး၊မွှား ရို့အကိုနှိမ်နင်းရန်အတွက်လည်းအသုံးပြုကတ်ရေ။
" ဆိုက်ပါမီသလင်း - Cypermethrin " ရေရေနေသတ္တဝါတိဖြစ်ရေ ငါး၊ပုဇွန်တိအပြင်ပျားတိအတွက်လည်းအဆိပ်သင့်မူပြင်းထန်ပါရေ။ ဆိုင်ပါမီသလင်းပါဝင်ရေ ဆီးဂန္ဓမာအုပ်စုတွင် နည်းပညာတိုးတက်ဖွံဖြိုးလာမူနန့်အတူ အခြားရေအလားတူ ဆီးတိမှာ - ( အယ်ဖာ-ဆိုက်ပါမီသလင်း၊ ဘီတာ-ဆိုက်ပါမီသလင်း၊ သီတာ-ဆိုက်ပါမီသလင်း၊ ဇီတာ-ဆိုက်ပါမီသလင်း၊ ဆိုင်ဟေလိုသရင်၊ လမ်ဒါ-ဆိုင်ဟေလိုသရင်၊ ဂမ်မာ-ဆိုက်ဟေလိုသရင်၊ ဆိုင်ဖူသရင်၊ ဘီတာ-ဆိုင်ဖူသရင်၊ ဆိုင်ကလိုပရိုသရင်၊ ဒယ်တာမီသရင်၊ အက်စ်ဖန်ဘယ်ဘာရိတ်၊ ဖန်ဘယ်လာရိတ်၊ပါမီသရင်၊ ပိုင်ရီသရင်၊ တက်ထရာမီသရင်၊ရက်စ်မီသရင်၊ဖီနိုသရင်၊.............) လည်းဆက်တိုက်ပေါ်ထွက်လာရေ။
လူတွင်အဆိပ်သင့်နိုင်မူ
" ဆိုက်ပါမီသလင်း - Cypermethrin " ရေ လူနှင်ံ သွေးနွေးသတ္တဝါတိတွင်အဆိပ်သင်ံမူမှာ အလယ်အလတ်အဆင့် ဖြင့်သိပ်မပြင်းထန်ကေလည်း အရေပြား၊ မျက်လုံးတိမှအလွယ်တစ်ကူအဆိပ်သင့်စေနိုင်ရေ။