Wp/rki/စုန္ဒ (ဝက်ကုန်သည်)
စုန္ဒ ရေ ဂေါတမမြတ်စွာဖရား လက်ထက်တော်အခါက ဝက်ကုန်ရေအလုပ်နန့် အသက်မွီးကြောင်းပြုကာ နီထိုင်ရေ ရာဇဂြိုဟ်မြို့သားတစ်ဦး ဖြစ်ရေ။ စုန္ဒရေ အကုသိုလ်ကံအကျိုးပီးကြီးအနိန်နန့် မသေခင်ကပင် အကျိုးပီးခံစားရရားကေ သေဆုံးခရေအခါတွင်လည်း အဝီစိငရဲသို့ ကျရောက်ခရရေ။[1]
စုန္ဒ
[edit | edit source]စုန္ဒရေ ရာဇဂြိုဟ်မြို့တွင် နီထိုင်သူ ဖြစ်ရေ။ သူစော် ဝက်ကုန်ရေလုပ်ငန်းနန့် အသက်မွီးဝမ်းကြောင်း ပြုသူ ဖြစ်ရေ။ စုန္ဒဧ့ နိန်အိမ်ရေ မြတ်စွာဖရားသီတင်းသုံးတော်မူရာ ဝေဠုဝန်ကျောင်းတော်နန့် ကကောင်းမဝီးပေ။ ယကေလည်းသော စုန္ဒရေ ဇာဘာသာရီးကိုမျှ ကိုးကွယ်ယုံကြေမှု မဟိပေ။[1]
အသက်မွီးမှု
[edit | edit source]စုန္ဒရေ ဝက်တိကို မွီးမြူခြင်း၊ အသားသတ်ပြီးကေ ရောင်းခြင်း စရေ ဝက်လုပ်ငန်းနန့် အသက်မွီးသူ ဖြစ်ရေ။ စုန္ဒရေ စပါးပေါ်ချိန်၌ စပါးတိကို ဝယ်ယူစုဆောင်းထားဧ့။ စပါးယှားပါးရေ အချိန်ရောက်ရေအခါတွင် စုန္ဒရေ ဝက်ပိုင်သျှင်များပါးက ဝက်ပေါက်အသျှေတိကို ဖေသာသားနန့် ပီးပြီးကေ မဝယ်ဘဲ စပါးပီးကာ ဈေးနှိမ်ပြီးကေ ဝယ်ရေ။ ယပြီးနောက် ဝယ်ယူရဟိလာရေ ဝက်တိကို နောက်ဖေးဟိ ခြံကြီး၌ မွီးမြူထားရေ။
ယင်းပိုင်မွီးမြူပြီးကေ အသားသတ်နိုင်လောက်ရေ အရွယ်ရောက်လာရေ ဝက်တိကို သတ်ပြီးကေ ဝက်သားရောင်းစားခြင်းနန့် အသက်မွီးခရေ။ ယင်းပိုင် ဝက်တိကို သတ်ရာတွင် စုန္ဒရေ ဝက်ကို တိုင်၌ ချိုင်နှောင်ကာ တင်းပုတ်နန့် ထုခြင်းနန့် ဝက်များဧ့အသား ဖူးရောင်လာအောင်ပြုပနာ သတ်ဧ့။ ယင်းခါ ဝက်ရေ အထုခံရအနိန်နန့် ဝလာဟန် ဟိလာဧ့။ ယင်းခါ ဝက်ဧ့ အာခေါင်ကို တုတ်နန့်ထောက်ကာ ပွင့်နိန်ရေ ပဇာ့အတွင်းသို့ ကျိုက်ကျိုက်ဆူနိန်ရေ ရပူတိကို လောင်းချဧ့။ နောက်ဆုံး ဝက်ဧ့ အူအတွင်းမှ ကျဆင်းလာရေ အရည်ရေ အဖြူရောင်ဖြစ်လားရေအခါမှ ရပူပူလောင်းခြင်းကို ရပ်ဧ့။ ဒေပိုင် စုန္ဒရေ ဝက်ကိုသတ်ကာ အသတ်မွီးသူ ဖြစ်ဧ့။
ဘဝနိဂုံး
[edit | edit source]တစ်ခုသောနိန့်တွင် စုန္ဒရေ မမာမကျန်း ဖြစ်လာဧ့။ စုန္ဒရေ ၅၅ နှစ် ကာလလုံးလုံး ဝက်သတ်ခြင်းနန့် အသက်မွီးခဧ့။ ထိုအကုသိုလ်ကံများရေ စုန္ဒအား အကျိုးပီးရန် အချိန်တန်လာရာဖြစ်အနိန်နန့် စုန္ဒရေ မသေဆုံးမီ ၇ ရက်လုံးလုံး ဝက်များပိုင် လေးဖက်ထောက်လားပြီးကေ ကျွီးနိန်ရာက ပူလောင်ပြင်းပြရေ ဝေဒနာကို ခံစားရဧ့။ သူဧ့ အိမ်သူချဘောင်သားများရေ အိမ်အပြင်သို့ ထွက်မလားစီရန် သူ့အား တန်းခါးပိတ်ထားလေဧ့။ စုန္ဒဧ့ ကျွီးယောင်းယောင်းသတ်သံရို့စွာ ပတ်ဝန်းကျင်ကို အိမ်မကတ်မေပင် ယောင်းယောင်းသတ်ပနာဟိရေ။ ထိုပိုင် အကုသိုလ်ကံအကျိုးကို ခုနစ်ရက်လုံးလုံး ခံစားရရားကေ စုန္ဒရေ သေဆုံးဧ့။
ဘဝလားရာနန့်မြတ်စွာဖရားဧ့ အဆုံးအမ
[edit | edit source]စုန္ဒဧ့ အိမ်အနီးမှ ဖြတ်သန်းပြီးကေ လားကြသော ရဟန်းရို့စွာ မြတ်စွာဖရားအား စုန္ဒဧ့ အိမ်တွင် ၇ ရက်လုံးလုံး ဝက်များသတ်နိန်ရေအသံကို ကြားရရေလို့ လျှောက်ထားဧ့။ ယင်းခါ မြတ်စွာဖရားရေ ဝက်သံမဟုတ်ကြောင်း၊ ၅၅ နှစ်ရို့ ကာလလုံးလုံး ပြုစုခရေ စုန္ဒဧ့ အကုသိုလ်အမှုရေ အဂုဘဝ၌ပင် တူသောအကျိုးကို ပီးခြင်းဖြိုက်ကေြောင်း၊ ဒေနိန့်မှာပင် စုန္ဒရေ သေလွန်ကာ အဝီစိငရဲသို့ ကျကျယာဟု မိန့်တော်မူဧ့။
ယပြီးနောက် မြတ်စွဖရားရေ အောက်ပါဂါထာကို ဟောတော်မူလီရေ -
မကောင်းမှုကို ပြုသူစော် ဒေပစ္စုပ္ပန်ဘဝ၌လည်း စိုးရိမ်ပူပန်ရဧ့၊ နောင်တမလွန်ဘဝ၌လည်း စိုးရိမ်ပူပန်ရဧ့။ ပစ္စုပ္ပန်၊ တမလွန် နှစ်ဘဝလုံး၌ စိုးရိမ်ပူပန်ရဧ့။ ထိုသူစော် မိမိဧ့ ညစ်ညူးသော အကုသိုလ် ကံကြမ္မာကိုမြင်ပြီးကေ စိုးရိမ်ပူပန်ရဧ့၊ စိုးရိမ်ပူပန်ရရေနန့်တူ ပင်ပန်းရဧ့။
ကိုးကား
[edit | edit source]- ↑ 1.0 1.1
ဦးရွှေအောင် မစွာဝိဇ္ဇာ (သက္ကတ)၊ ဝဋံသကာနန့် သိရောမဏိ (၁ နိုဗန်ဘာ၂၀၀၂). ဓမ္မပဒ (ယမကဝဂ်၊ စိတ္တဝဂ်၊ အပ္ပမာဒဝဂ်၊ ပုပ္ဖဝဂ် ပေါင်းချုပ်) (ဒုတိယအကြိမ် ed.). အမှတ် ၃၈၊ ၁၀၉ လမ်း၊ မင်္ဂလာတောင်ညွန့်၊ ရန်ကုန်မြို့: ရာပြည့်စာအုပ်တိုက်. pp. ၁၆၃ - ၁၇၃.
{{cite book}}: Check date values in:|date=(help)Wp/rki/CS1 maint: location (link)