Wp/rki/ငါးကြီးအန်ဖတ်
ငါးကြီးအန်ဖတ်
[edit | edit source]တစ်ခါတစ်ရံ ရေမွှေးတွင် ပါဟိရေ အမွှေးအကြိုင်ကို စပယ်ပန်း၊ နှင်းပန်း စရေရို့မှ ပေါင်းခံမယူဘဲ ငါးကြီးအန်ဖတ်ခေါ် ဝေလငါးဧ အူအတွင်းမှ ရဟိရေပစ္စည်း တစ်မျိုးမှ ပေါင်းခံယူကတ်ရေ။ ထိုပစ္စည်း၌ သွေးပြန်ကြောတိ ပါဟိခြင်းကြောင့် အရောင်မှာ ညစ်ပုပ်ပုပ် ဖြစ်ရေ။ ပင်လယ် တွင် ငါးကြီးအန်ဖတ်တိကို အစုလိုက် အပြုံလိုက် မျောနီ ရေကို တွိ့ရတတ်ဧ။ အတ္တလန္တိတ် သမုဒ္ဒရာတွင် ပေါင် ၂ဝဝ ကျော်မျှ အလီးချိန်စီးရေ ငါးကြီးအန်ဖတ်တိကို တွိ့ရတတ်ရေ။ တစ်ခါတစ်ရံ ငါးကြီးအန်ဖတ်ကို ဘရာဇီးနိုင်ငံ၊ မက်ဒါဂက်စတာကျွန်း၊ အာဖရိကတိုက်နန့် အရှေ့တိုင်းနိုင်ငံ ရို့ဧ ကမ်းခြေတိတွင် တွိ့ရလီရေ။ အစိမ်းလိုက် တွိ့ရရေ ငါးကြီးအန်ဖတ်တိတွင် မနှစ်မြို့ဖွယ်ကောင်းရေ အနံ့ ဟိဧ။ ငါးကြီးအန်ဖတ်ကို အယ်လ်ကိုဟောနန့် အငွေ့ပျံဆီတိ တွင် ဖျော်၍ အမွှေးအကြိုင်တိတွင် အနည်းငယ်ထည့်ပြီး အသုံးပြုကတ်သေးရေ။ အချို့နိုင်ငံတိတွင် အစားအစာကို မွှေးကြိုင်အောင် ငါးကြီးအန်ဖတ် အကျဉ်းထည့်၍ သုံးဆောင် တတ်ကတ်ရေ။ ငါးကြီးအန်ဖတ်ရေ အလွန်အဖိုးတန်ဧ။ တစ်ခါက ပေါင် ၂၆ဝ ဟိရေ ငါးကြီးအန်ဖတ်ကို ရွှေဒင်္ဂါး ပေါင် ၆၆ဝဝဝ ပီး၍ ပြင်သစ်ရေမွှေးကုမ္ပဏီ တစ်ခုက ဝယ်ယူခဘူးရေ။
ကိုးကား
[edit | edit source]
- ↑ မြန်မာ့စွယ်စုံကျမ်း၊ အတွဲ(၃)