Jump to content

Wp/rki/ဂျေဒု ကရိသျှမုတ္တိ

From Wikimedia Incubator
< Wp‎ | rki
Wp > rki > ဂျေဒု ကရိသျှမုတ္တိ
ဂျေဒု ကရိသျှမုတ္တိ ငယ်စဉ်ကပုံ

အိန္ဒိယဖီလိုဆိုဖီ ပညာသျှင်၊ တရားဟောဆရာနန့်စာရီးဆရာကြီး ဂျေဒုကရိသျှမုတ္တိရေ ၁၈၉၅ ခုနှစ် မေလ ၁၁ ရက်နိတွင် အိန္ဒိယတောင်ပိုင်း မဒရပ်မြို့မြောက်ဘက် မိုင် ၁၅ဝ အကွာဟိ မဒနာပါလေအရပ်၌ ဗြဟ္မဏမိဘမျိုးရိုးမှ မွေးဖွားခရေ။ ရှစ်ယောက် မြောက်သားဖြစ်ရေ။ ဖခင် သီအိုအိုဖီ (ပရမတ္ထ ဉာဏဓမ္မ) အသင်းသားလည်း ဖြစ်ရေ။ ဂျေဒု ကရိသျှမုတ္တိ အသက် ၁၄ နှစ်အရွယ်တွင် ဖခင်ရေ အစိုးအလုပ်မှ အငြိမ်းစားယူပြီး သီအိုဆိုဖီအသင်းဌာနချုပ်၌ လက်ထောက် အတွင်းရီးမှူးအဖြစ် ဆောင်ရွက်ရေ။

ဟိန္ဒူအယူဝါဒ၊ ဒိဗ္ဗဉာဏ်ဝါဒ (Occultism) ရို့ အပါအဝင် ဘာသာရီးအယူဝါဒအမျိုးမျိုးကို ပေါင်းရုံး လေ့လာသည့် သီအိုဆိုဖီ အသင်းလူကြီးတိရေ ကရိသျှမုတ္တိဧ့ရုပ်ဆင်း အင်္ဂါနန့် အမူအရာကိုကြည့်ကာ အလောင်းအလျာဖြစ်ရေ။ ယောက်ျားမြတ်လက္ခဏာ ပါရေဟု နိမိတ်ဖတ်ကြလီရေ။ ၁၉၁ဝ ပြည့်နှစ် တွင် သီအိုဆိုဖီအသင်းဥက္ကဋ္ဌရေ အိုင်းရစ် အမျိုးသမီးကြီး ဒေါက်တာအန္နီဗီဆင့်ဖြစ်ရေ။ ဒေါက်တာ ဗီဆင့်ရေ ကရိသျှမုတ္တိနန့်ညီဖြစ်သူ နိတျာနန္ဒရို့နှစ်ဦးကို မွေးစားခရေ။ ကရိသျှမုတ္တိရေ အင်္ဂလန်၊ ပြင်သစ်နန့် ဆွစ်ဇာလန်နိုင်ငံရို့၌ ပညာဆည်းပူးခွင့်ရဟိခရေ။ ဒေါက်တာ ဗီဆင့်ရေ လူ့လောက၌ တရားပြမည့် အချိန်အခါအတွက် ကြိုတင် ပြင်ဆင်နိုင်ရန် ရည်ရွယ်ပနာအသင်းလူကြီး အချို့နန့် အတူ အရှေ့ ဘက်ကကြယ်အဖွဲ့ကို ထူထောင်ခရေ။ ကရိသျှမုတ္တိရေ အဖွဲ့ကြီးဧ့ခေါင်းဆောင်အဖြစ် တင်မြှောက် ခံခရပြီးကေ ၁၉၂၉ ခုနှစ်တွင် တစ်ကမ္ဘာလုံး၌ အဖွဲ့ဝင်တစ်သိန်း ထက်မနည်း ဟိလာရေ။

ကရိသျှမုတ္တိရေ ညီငယ် နိတျာနန္ဒအဆုတ်ရောဂါဖြင့် ကွယ်လွန်လားအနိန်နန့် အလွန်ပူဆွေးသောက ရောက်ပြီးကေမှ သတိပြန်လည်ကာ တရားပွဲတိဆက်တိုက် ဟောကြားနေ ခရေ။ အမေရိကန်၊ ဟော်လန်၊ ဆွစ်ဇာလန်၊ အင်္ဂလန်၊ ဩစတြေးလျ၊ အိန္ဒိယစသည့် နိုင်ငံအသီးအသီး၌ သဒ္ဒါကြည်ညို သူတိက တရား ရိပ်သာစခန်းတိ လှူဒါန်းပီးကတ်ရေ။ သို့ရာတွင် ၁၉၂၉ ခုနှစ် ဩဂုတ်လ ၃ ရက်နိတွင် ဟော်လန် နိုင်ငံ အိုမန်တရားစခန်း၌ ကျင်းပရေ အရှေ့ဘက်က ကြယ် အဖွဲ့ အစည်းအဝီးရေကြီးသို့ တက်ရောက်လာကြကုန်ရေ ပရိသတ် ၃ဝဝဝ ဧ့ရှေ့မှောက်၌ ကရိသျှမုတ္တိရေ အမှန် တရားကို အစည်းအရုံး အကူအညီအားဖြင့် မတွေ့နိုင်။ မိမိ ကိုယ်ကို မိမိအားကိုး၍သာ အမှန်တရားကို ရှာတွေ့နိုင်ရေ။ ကျွန်ုပ်ဧ့နောက်သို့ တပည့်ခံပနာလိုက်မနေကြပါနန့်။ ကျွန်ုပ်ကို မှီပနာမိမိအတွက် လှောင်ချိုင့်မဖန်တီးပါလေနန့်ဟူပနာဟော ပြောခပြီးကေ မိမိ ကိုယ်မိမိလောကကို လမ်းညွှန်သည့် ဆရာသျှင် ဆိုရေ ဂုဏ်ဒြပ်နန့်မထိုက်ကြောင်း ကြေညာကာ ယင်းအဖွဲ့ ကြီးကို ဖျက်သိမ်းပစ်ခရေ။ သို့ရာတွင် တရားနာ လိုသူတိုးပနာ သာ တိလာလေရာ ကမ္ဘာတစ်ဝန်းသို့ ခရီးလှည့်ပနာအတွေး အမြင်တိကို ဆက်လက်ဟောပြောနေခရေ။

ကရိသျှမုတ္တိဧ့တရားအချို့ကား လူရို့တွင် ဟိနေတတ် ရေ ငါနန့်သူခွဲခြားမှု၊ ငါနန့်သူအယုတ်အမြတ် နှိုင်းယှဉ်မှု စသည့် ဥပါဒါန်တိရေ အတိတ်မှ ပစ္စုပ္ပန်သို့ ချင်းနင်း ဝင်ရောက်လာသည့်ပြင် အနာဂတ်ကို လှမ်းမျှော်လျက်ဟိ နေရေ။ ဒေပိုင်ဖြင့် မိမိရို့သန္တာန်တွင် ဝန်ထုပ်ဝန်ပိုးသဖွယ် ဖိစီးနေရေ။ ထိုဝန်ထုပ်ဝန်ပိုးမှ လွတ်အောင်နှုတ်ဖြင့် ဆုတောင်း၍လည်း မရနိုင်။ ပုဂ္ဂိုလ်ဆည်းကပ် ကိုးကွယ်ပနာ လည်းမထူး။ ကျမ်းဂန်သက်သက်ဖတ်ရှု၍လည်း အချည်းနှီးပင် ဖြစ်ဧ့။ ညီမျှရေမေတ္တာဖြင့် အချင်းချင်း ဆက်ဆံပါမှ၊ မိမိ အတွင်းစိတ်ကို စေ့စေ့ငုငုကြည့်ပနာသုံးသပ်ပါမှ အာရုံယူသူနန့် ယူစရာအာရုံ၊ သိစရာ ညေယျနန့် သိသူဉာ တာ၊ ပြုလုပ်ရေ ကတ္တား နန့် အပြုခံကမ္မရို့ တတူတူသဘောကို ဟုတ်တိုင်းမှန်ရာ မြင်မည်။ ဉာဏ် အမြင်ပေါ်မည်ဟူပနာဖြစ်ရေ။ စာအုပ် ၄ဝ ကိုလည်း ရီးသားပြုစုခရာ ပညာနန့်ဘဝဧ့ ထူးခြားရေ အဓိပ္ပာယ် (၁၉၅၃)၊ တစ်သက်တာဋီကာ (သုံးတွဲ) (၁၉၅၆- ၆ဝ)၊ ပြောင်းလဲခြင်းဧ့အရီးကြီးပုံ (၁၉၇ဝ) စာအုပ်ရို့ရေ အထူးထင်ယှားရေ။

ကရိသျှမုတ္တိရေ တပည့်သာဝကနောက်လိုက်ခြွေရံ တိပြားကေလည်း မိမိကိုယ်ကို အစဉ်နှိမ့်ချနီထိုင် ကျင့်ကြံ ရေ။ မျက်မှောက်ခေတ်ရီးရာကိုလည်း မျက်ခြည်မပြတ် လေ့လာရေ။ တရားဖြန့်ဖြူးနိုင်အောင် အနေအထိုင်၊ အစား အသောက်မှစပနာခန္ဓာကိုယ်ကို စနစ်တကျ စောင့်ရှောက်လေ့ ဟိရေ။ တရားပွဲမဝင်ခင် ဆံပင်တစ်ပင်တလေမျှပင် အစ ထောင်မနေရအောင် ဂရုစိုက်ရေ။ ဗြိတိသျှ စာရီးဆရာကြီး ဂျော့ဘားနဒ် ရှော (၁၅၈၆-၁၉၅ဝ) ကပင်ကေ မြင်တွိ့ဖူး သမျှ လူသားအားလုံးထဲတွင် ကရိသျှမုတ္တိရေ ဥပဓိရုပ် အကောင်းဆုံး ပုဂ္ဂိုလ်ဖြစ်ရေဟု မှတ်ချက်ချခရေ။ အတွေးအခေါ် ပညာသျှင်ကြီး ဂျေဒုကရိသျှမုတ္တိရေ ၁၉၈၆ ခုနှစ် ဖေဖော်ဝါရီလ ၁၇ ရက်နိတွင် အိုဂျေမြစ်ဝှမ်း ဒေသနေအိမ်၌ ကွယ်လွန်ခရေ။ [1]

ကိုးကား

[edit | edit source]
  1. မြန်မာ့စွယ်စုံကျမ်း၊ အတွဲ(၁)