Wp/rki/ဂျူးဂျစ်ဆူ အတတ်
ဂျူးဂျစ်ဆူ အတတ်(ဂျူဒို)
[edit | edit source]ဂျူးဂျစ်ဆူဆိုစွာမှာ ဂျပန်နပန်းသတ်နည်းတစ်မျိုးပင် ဖြစ်ရေ။ ဂျူးဂျစ်ဆူပညာတတ်မြောက်သူရေ ကာယဗလအားဖြင့် ကြုံလှီသူဖြစ်ကေလည်း မိမိထက်အားအင်ကြီးမားသန်စွမ်းသူကို အလွယ်တကူ အောင်မြင်နိုင်ရေ။ ဒေအတတ်ဧ့ မူရင်းသဘောမှာ လက်မောင်းအားအဟိန်နန့် ချိန်သားကို စနစ်တကျ တွက်ဆအသုံးပြုခြင်းပင် ဖြစ်ရေ။ လက်မောင်းအား အဟိန်ဖြင့် ရန်သူဧ့ခြေလက်စရေရို့ ကျိုးလားစီ နိုင်ရေပြင် အကြောအလစ်လွဲခြင်း၊ သတိမေ့လျော့ခြင်းရို့ကို လည်း ဖြစ်စီနိုင်ဧ့။
ဂျူးဂျစ်ဆူ အတတ်မှာ အာရုံကြောတိကို အရိုးနန့် ဖိကပ်ပေးခြင်းဖြင့် ကြီးစွာရေ ဝေဒနာကို ဖြစ်ပေါ်စီပြီးကေ ထုံကျင်ခြင်းကိုလည်း ဖြစ်စီနိုင်ရေ။ သွေးလွှတ်ကြောတိကို ဖိနှိပ် ထိုးကြိတ်ခြင်းအားလည်း ချက်ချင်းပင် မေ့မြောလားစီနိုင်ရေ။ ဂျူးဂျစ်ဆူ သိုင်းကွက်တိကို မတ်တတ်ရပ်နီစဉ် အခါတွင်၎င်း၊ မြေကြီးပေါ်တွင် ဝမ်းလျားမှောက်ရေအခါတွင်၎င်း အသုံးချနိုင်ရေ။ သိုင်းဆရာရေ မိမိကိုယ်ကို ကာကွယ်ရန်အတွက်ဖြစ်စီ၊ အရီးကြီးရေ သိုင်းကွက်တစ်ခုခု ရရန်အတွက်ဖြစ်စီ၊ နည်းပရိယာယ်ကို ဉာဏ်စီစားပနာ သုံးလိ့ဟိရေ။ ရန်သူကို စကေ လျှော့ပေးတန်က လျှော့ပေးခြင်းဖြင့် အောင်မြင်နိုင် လီရေ။ တစ်ခါတစ်ရံသူရေ ရန်သူ ဧ့ မျက်နှာကို ဦးထုပ်ဖြင့် ပေါက်ခြင်း၊ လက်ကိုင်ပုဝါဖြင့် ပစ်ခြင်းစရေ တမုဟုတ်ခြင်း အံ့အားသင့်စီတတ်ရေနည်းကို သုံးပနာ လိုရာသိုင်းကွက်ကို ဖမ်းယူကာ ရန်သူကို ဗုံးဗုံးလဲစီနိုင်လီရေ။ ဂျူးဂျစ်ဆုပညာတွင် ပူးသတ်ခြင်းတိရေ အလွန် ပြင်းထန်လှဧ့။ ဇာကြောင့်ဆိုကေရန်သူကို ပခုံးယပိုင်မဟုတ်ကေ ကျောရိုးဖြင့် ဦးစောက်ကျအောင် ပြုလုပ်လိုရေကြောင့်ပင် ဖြစ် ရေ။ ရန်သူရို့ဧ့ တိုက်ခိုက်ခြင်းကို ခံရရေအခါ ဂျူးဂျစ်ဆူသမားရေ စကေ နောက်ဆုတ်ပီးပြီးကေ ရှေ့သို့ ကျွံလာရေ ရန်သူခြေမျက်စိ ယပိုင်မဟုတ်ကေ ဒူးကို ခြေဖဝါးဖြင့် ခတ်လိုက်ပနာ ရန်သူကို အရီးနိမ့် စီရေ။ လက်မောင်း အဟိန်ဖြင့် ရန်သူကို ပစ်ချရာဝယ် ပေါင်၊ တင်ပါး နန့် ပခုံးအားကို အသုံးပြုရေ။ ရန်သူဧ့ ကုတ်အင်္ကျီ ကော်လာ၊ အင်္ကျီလက် စရေရို့ကို ဆွဲကိုင်ပနာ ဂျူးဂျစ်ဆူသမားရေ ချိန်သားပျက် အောင် ပစ်ချအနိုင်ယူစမြဲ ဖြစ်ရေ။
ရန်သူရေ ပစ်ချခြင်းခံရရေအခါ အများအားဖြင့် အရိုးကျိုး၊ အဆစ်လွဲလားကေလည်း ဂျူးဂျစ်ဆူပညာ ကျွမ်းကျင်ထားကေ ယပိုင် အကျမနာအောင် ကျင့်သားရနိုင်လီရေ။ အကျမနာအောင် လိကျင့်ရေခါ ဦးခေါင်း ယပိုင်မဟုတ်ကေ အဆစ် တစ်ခုခုဖြင့် ကြမ်းပြင်ပေါ်သို့မကျအောင် သတိပြုဖို့ပင် ဖြစ်ရေ။ ထမ်းပိုးပနာ ပစ်ချခြင်းခံရေအခါ ဂျူးဂျစ်ဆူသမားရေ လက်ကို အရင် ဆန့်တန်းပြီးကေ ကြမ်းပြင်ကို လက်ဖဝါးနန့် ရိုက်လိုက်ရရေ။ ယပိုင် ခန္ဓာကိုယ် ကြမ်းပြင်ပေါ်သို့ မကျခင် စက္ကန့်ပိုင်းအတွင်း ရိုက်ပတ်လိုက်ခြင်းဖြင့် ပစ်ချခြင်းခံရရေ အဟိန်ကို ပျက်ပြားစီရေ။ ကြမ်းပြင်ကို မျက်နှာမူပနာ တည့်တည့်ကြီး ဆင်းလာကေ ကိုယ်၊ လက်၊ ခြေထောက်နန့် ဦးခေါင်းကို တန်းနေစီပြီးကေ လည်ပင်းကြွက်သားတိကိုလည်း တောင့်ထားလိုက်ရရေ။ ကြမ်းပြင်ပေါ် လက်ဖဝါးဖြင့် ကျစီပြီးကေ ယပိုင်ကျရေအခါတွင်လည်း လက်မောင်းတိကို အတန်ငယ်ကွေးညွတ်ရလီရေ။ ယင်းပိုင် အကျမနာအောင် အလေ့အကျင့် ပြုလုပ်ထားခြင်းမှာ ဂျူးဂျစ်ဆူ အတတ်၌ သာမက ဘောလုံးကစားခြင်းစရေ အခြားအတတ်တိ တွင်လည်း အသုံးဝင်လီရေ။
ကိုးကား
[edit | edit source]- ↑ မြန်မာ့စွယ်စုံကျမ်း၊ အတွဲ(၃)