Wp/rki/ဂေါတမီထေရီ
| မစွာပဇာပတိဂေါတမီ | |
|---|---|
 သိဒ္ဓတ္ထမင်းသားနန့် မစွာပဇာပတိဂေါတမီ | |
| ဘာသာ | ဗုဒ္ဓဘာသာ |
| သားသမီး | နန္ဒ |
| ဘာသာရေးရာ | |
| ဆရာ(တိ) | ဂေါတမဗုဒ္ဓ |
ဂေါတမီထေရီရေ အဉ္စနမင်းကြီးနန့် ယသောဓရာဒေဝီရို့မှ ဖွားမြင်ရေ။ ဂေါတမမြတ်စွာဖရားသခင်ဧ့ မိထွေးတော်ဖြစ်ပြီးကေ မိထွေးတော် ဂေါတမီဟု ထင်ယှားဧ့။ ဂေါတမီရေ ဒေဝဒဟပြည့်သျှင်ဧ့ သမီးဖြစ်ရေပိုင် စည်းစိမ်ဥစ္စာနန့် ပြည့်စုံဧ့။ မြတ်စွာဖရားဧ့ မယ်တော် မာယာဒေဝီဧ့ညီမတော်လည်း ဖြစ်ရေ။ ပုဏ္ဏားရို့က မြတ်သောသားဧ့ မိခင်ဖြစ်လီဖို့ဟု နိမိတ်ဖတ်အနိန်နန့် မစွာပဇာပတိဂေါတမီဟုတွင်ရေ။
အရွယ်ရောက်လတ်ကေ ကပိလဝတ်ပြည့်သျှင် သုဒ္ဓေါဒနမင်းကြီးနန့် ထိမ်းမြားအနိန်နန့် မြေက်နန်းမိဖုရားအဖြစ် စံစားရရေ။ အစ်မတော် မဟာမာယာဒေဝီရေ သိဒ္ဓတ္ထမင်းသားကို ဖွားမြင်တော်မူပြီးနောက် နတ်ရွာစံလီကေ ဂေါတမီရေ အဂ္ဂမဟေသီဘွဲ့နန့် မိဖုရားကြီးဖြစ်ရေ။ နန္ဒမင်းသားကို ဖွားမြင်ရေ။ တူသားဖြစ်သော သိဒ္ဓတ္ထမင်းသားကိုလည်း ထိန်းသိမ်း မွီးမြူရရေ။
သိဒ္ဓတ္ထမင်းသားရေ ဖရားအဖြစ်သို့ ရောက်တော်မူပြီးကေ သုဒ္ဓေါဒနမင်းကြီး လွန်ရေနောက် ဂေါတမီမိဖုရားရေ သံသရာမှ လွတ်မြီာက်ရာကို ယှာကြံပနာ မြတ်စွာဖရားထံသို့ လားရောက်ကာ မာတုဂါမတိအား ရဟန်းပြုခွင့်ပီးပါရန် လျှောက်ထားရေ။ မြတ်စွာဖရားက သာသနာတော် ယူပ်ထွီးပြီးကေ အညစ်အကြေးတိများဖို့က်ုစိုးအနိန်နန့် ခွင့်မပြုဘဲ ပယ်ယှားတော် မူရေ။ ၃ ကြိမ်တိုင် လျှောက်ထားကေလည်း ခွင့်မရချေ။ ဂေါတမီရေ စိတ်အားမလျှော့ဘဲ ထပ်မံလျှောက်ထားပြန်ရေ။
ဂေါတမီရေ သာကီဝင် မင်းသမီးငါးရာနန့်အတူ ပင်ပန်းဆင်းရဲခံပနာ မြတ်စွာဖရားထံသို့ ဝပ်တွားကာ လျှောက်ထားရာ ညီတော် အာနန္ဒာထေရ်ကလည်းကူပြီးကေ လျှောက်ပီးရေ။ ယင်းခါတွင်မှ ဖရားသျှင်က ဂရုဓမ္မတရားရှစ်ပါးကို မသွေမတိမ်း စောင့်ထိန်းလိုက်နာနိုင်ခကေ ရဟန်းပြုစေဟု ခွင့်ပြုရေ။ ထိုနောက် ဂေါတမီရေ ဂရုဓမ္မတရား ရှစ်ပါးကို ခံယူအနိန်နန့် ရဟန်းအဖြစ်သို့ ပထမဦးစွာ ရောက်ဟိရေ။ အေပိုင်အားနန့် ဘိက္ခုနီသာသနာရေ မိထွေးတော် ဂေါတမီ ထေရီကို အကြောင်းပြုပနာ စတင်ပေါ်ပေါက်ခလီရေ။
ယပြီးနောက် မြတ်စွာဖရားသျှင်ဧ့ တရားတော်ကို နာယူကာ ဝိပဿနာကမ္မဌာန်းကို စီးဖြန်းအနိန်နန့် မကြာခင် အဘိညာဉ် ခြောက်ပါးနန့်တကွ ရဟန္တာအဖြစ်သို့ ရောက်ရေ။ ယင်းခါမှ စပြီးကေ ဂေါတမီထေရီအဖြစ် ထင်ယှားရေ။ မြတ်စွာဖရားက ရှီးဦးစွာ ရဟန်းမအဖြိုက်ကေို ရဟိသော ဘိက္ခုနီဖြစ်အနိန်နန့် အဂ္ဂရတ္တညူဧတဒဂ်ဘွဲ့ထူးနန့် ချီးကျူးတော်မူရေ။[1]
ကိုးကား[edit | edit source]
- ↑ ဗမာ့စွယ်စုံကျမ်း၊ အတွဲ(၃)