Wp/rki/ဂူဂဲ
 | |
.jpg) ဂူဂဲဧဌာနချုပ်ဖြစ်ရေ ဂူဂဲပလက်စ် | |
| အမျိုးအစား | အများဆိုင် |
|---|---|
| လုပ်ငန်း | အင်တာနက် ကွန်ပျူတာဆော့ဖ်ဝဲလ် ဆက်သွယ်ရီးနည်းပညာဆိုင်ရာ ပစ္စည်းကိရိယာတိ |
| တည်ထောင်ရေနှစ် | ၁၉၉၈ စက်တင်ဘာ ၄ မိုင်လိုပါ့ခ်၊ ကယ်လီဖိုးနီးယား၊ အမေရိကန်ပြည်ထောင်စု[1][2] |
| တည်ထောင်သူတိ | လယ်ရီပေ့ချ် ဆာဂေး ဘရင် |
| ဌာနချုပ် | ဂူဂဲပလက်စ်၊ မိုင်လိုပါ့ခ်၊ ကယ်လီဖိုးနီးယား[3], အမေရိကန်ပြည်ထောင်စု |
| ဝန်ဆောင်မှု ဧရိယာ | ကမ္ဘာအနှံ့ |
| အရီးပါ ပုဂ္ဂိုလ်တိ | ဆန်ဒါ ပစ်ချိုင်း (စီအီးအို)[4] |
| ဝင်ငွေ |  အမေရိကန်ဒေါ်လာ ၆၆.၀၀၁ ဘီလီယံ (၂၀၁၄)[5] |
| အခွန်မဆောင်ခင် ဝင်ငွေ | အမေရိကန်ဒေါ်လာ ၁၆.၄၉၆ ဘီလီယံ (၂၀၁၄)[5] |
| အသားတင် ဝင်ငွေ | အမေရိကန်ဒေါ်လာ ၁၄.၄၄၄ ဘီလီယံ (၂၀၁၄)[5] |
| ရင်းနှီးမြှုပ်နှံမှု | အမေရိကန်ဒေါ်လာ ၁၃၁.၃၃ ဘီလီယံ (၂၀၁၄)[5] |
| စုစုပေါင်း ရှယ်ယာတန်ဖိုး | အမေရိကန်ဒေါ်လာ ၁၀၄.၅ ဘီလီယံ (၂၀၁၄)[5] |
| အလုပ်သမားဦးရေ | ၅၃၆၀၀ (၂၀၁၄)[6] |
| ကုမ္ပဏီခွဲ | အက်ဒ်မော့ဘ်၊ ဒါဇာကလစ်၊ အွန်တူး နည်းပညာအသုံးချသိပ္ပံ၊ ပစ်နစ်၊ ယူကျူ့ဘ်၊ ဇေဂတ်၊ ဝေ့ဇ်၊ ဘလော့ဂါ၊ စလစ်လော့အင်၊ ဘော့စတွန် ဒိုင်းနမစ်၊ ဘမ့်ပ်၊ နက်စ် လပ်(ဓာတ်ခွဲခန်း)၊ ဒိဗ် မိုင်းန်၊ ဒဗလျူအိုင်အမ်အမ် တစ်(ဝမ်း)၊ ဗိုင်းရပ်စ်တိုရေ၊ မော်တာရိုလာ မိုင်ဘိုင်လတီ၊ ဂူဂဲဝက်ဘ်ဆိုဒ်၊ ဂူဂဲစတိုး(ဆိုင်)၊ ကီးဟိုး၊ ဂူဂဲ ချိုင်းနား (တရုတ်နိုင်ငံ ဂူဂဲ)၊ အိုင်တီအေ ဆော့ဖ်ဝဲလ်၊ အင်းမေ့(ဓာတ်ပုံ)အမေရိကား၊ ကယ်လ်တစ်ရှ်၊ ဖိဒ်ဘန်းနား၊ နီယိုတိုနစ် ဆော့ဖ်ဝဲလ်၊ ပိခ်စထရင်း၊ ပိုစတနီ၊ ဂူဂဲအဖွဲ့ပေါင်းစုအောက်ဟိ ကွန်ယက်၊ ဒီမာ့ခ် ရုပ်သံလွှင့်၊ ဂျီ ဆုအိုင်တီ(တည်းခိုခန်း)၊ ဂူဂဲ ကလောပ်(တိမ်) ပလက်ဖောင်း၊ ဂျီဗွီ၊ အန်ဒိုရှန်၊ ဂူဂဲစွမ်းအင်၊ ဘက်ဖာဘော့ရှ် စရေရို့အပြင် အများအပြား |
| ဝက်ဘ်ဆိုက် | www |
| ကိုးကား [7] | |
ဂူ[8]ဂယ် (အင်္ဂလိပ်: Google) ဆိုစွာမှာ အင်တာနက်တွင် ဝက်ဘ်ဆိုဒ်ရှာဖွေရီးနန့် အွန်လိုင်းကြော်ငြာလုပ်ငန်းတိကို ကြီးမားကျယ်ပြန့်စွာ ဆောင်ရွက်နီရေ အမေရိကန်နိုင်ငံဟိ အများနန့်သက်ဆိုင်ရေ ကော်ပိုရီးသျှင် တစ်ခုဖြစ်ရေ။ ကုမ္ပဏီဧ တည်နီရာမှာ ကယ်လီဖိုးနီးယားပြည်နယ် Mountain View တွင်ဖြစ်ပြီး ဇွန်လ ၃၀ ရက်နိ ၂၀၀၇ အထိ အချိန်ပြည့်အလုပ်သမား ၁၃၇၄၈ ဦး ဟိရေဟု သိရရေ။ ဂူဂဲဧဆောင်ပုဒ်မှာ ကမ္ဘာပေါ်ဟိသတင်းအချက်အလက်တိကို စုစည်းပနာ အားလုံးအသုံးချနိုင်ရန်နန့် အကျိုးဟိအောင် သုံးနိုင်ရန် ("Organize the world's information and make it universally accessible and useful.") ဟူပနာ ဖြစ်ရေ။
ဂူဂဲကိုစတင်တည်ထောင်သူတိမှာ ကယ်လီဖိုးနီးယားပြည်နယ် စတန်းဖို့ဒ် တက္ကသိုလ်မှ ပါရဂူဘွဲ့သင်တန်းတက်ရောက်နီရေ ကျောင်းသားနှစ်ဦးဖြစ်ရေ လယ်ရီပေ့ချ် နန့် ဆာဂေး ဘရင် ရို့မှ ဂူဂဲအား ရှာဖွေရီး စီမံကိန်းတစ်ခုအဖြစ် ၁၉၉၆ ဇန်နဝါရီလ တွင်စတင်ခခြင်း ဖြစ်ရေ။ ဂူဂဲရေ ၁၉၉၈ ခုနှစ် စက်တင်ဘာလ (၇) ရက်နိမှ ပုဂ္ဂလိကကုမ္ပဏီ အဖြစ်စတင်ခရား ၂၀၀၄ ခုနှစ် ဩဂုတ်လ (၁၄) ရက်နိတွင် အများနန့်သက်ဆိုင်ရေ ကုမ္ပဏီ အဖြစ်သက်မှတ်ခရေ။ အစကနဦး ဝက်ဘ်ဆိုဒ်ရှာဖွေရီးနန့် စီးပွားရီးကြော်ငြာ လုပ်ငန်း တိအပြင် ဝက်ဘ်ဆိုဒ်အခြေပြု အီလက်ထရောနစ် စာပို့စနစ်တိ၊ အွန်လိုင်း မြေပုံလမ်းညွှန်တိ၊ ရုံးသုံး ဆော့ဖ်ဝဲလ်တိနန့် အွန်လိုင်းတွင် ဗီဒီယိုဖိုင်တိ ဝီမျှခြင်းတိ လုပ်ငန်းတိ ကို လုပ်ကိုင်ပြီးကေ ဟိရေ။
ဂူဂဲရေ ဝက်ဘ်ဆိုဒ်ရှာဖွေရီးကို အဓိက လုပ်ဆာင်ကေလည်း တခြားရေ အွန်လိုင်းသုံး ပရိုဂရမ်တိကိုလည်း ထုတ်လုပ်ခရေ။ အွန်လိုင်းစာပို့မှုအတွက် ဂျီမေးလ် (Template:Wp/rki/En)၊ အွန်လိုင်းသိုလှောင်မှုအတွက် ဂူဂဲဒရိုက်ဖ် (Google Drive)၊ အွန်လိုင်း ရုံးသုံးပစ္စည်း ဂူဂဲဒေါ့စ် (Google Docs) နန့် လူမှုကွန်ရက်တစ်ခုဖြစ်ရေ ဂူဂဲလ်ပလပ်စ် (Google+) ရို့ထုတ်လုပ်ထားရေ။ ကွန်ပျူတာတွင် အသုံးပြရန်အတွက် အင်တာနက်ရှာဖွေရီး အက်ပလီကေးသျှင်၊ ဓာတ်ပုံတည်းဖြတ်ခြင်း အက်ပလီကေးသျှင် နန့် စာတိုပီးပို့မှု အက်ပလီကေးသျှင်တိကိုလည်း ထုတ်ဝီထားရေ။ နောက်ထပ် အဓိက လုပ်ငန်းဖြစ်ရေလုပ်ငန်းမှာ မိုဘိုင်းဖုန်းတိတွင် လည်ပတ်မှု စနစ်ဖြစ်ရေ အန်းဒရွိုက် လည်ပတ်မှုစနစ် (Android OS) နန့် ကွန်ပျူတာ လည်ပတ်မှုစနစ် ခရုန်း (Chrome OS) ရို့ဖြစ်ရေ။ အခုနောက်ပိုင်းတွင်အမာထည် လုပ်ငန်းတိကိုလည်း တိုးချဲ့လာခရေ။ ပစ္စည်းကောင်းပနာ ဈေးချိုရေ နက်စပ်ဖုန်း (Nexus) နန့် မိုတိုရိုလာ မိုဘိုင်းကို ၂၀၁၂ ခုနှစ် မေလတွင် ဝယ်ယူခရေ။ ၂၀၁၂ ခုနှစ်တွင် ဂူဂဲ ဖိုင်ဘာ အင်တာနက်ဝန်ဆောင်မှုကို ကန်စမြို့တွင် စတည်ခရေ။
ဂူဂဲရေ တစ်ကမ္ဘာလုံးတွင် အချက်အလက်စင်တာတိ တည်ဆောက်ထားပြီး ဆာဗာပေါင်း ၁ သန်းကျော်နန့် လည်ပတ်နီရေ။ ၁ ရက်ကေ အွန်လိုင်းရှာဖွေမှုပေါင်း သန်း ၁၀၀၀ ကျော်ကို ရှာဖွေပီးနီရေ (၂၀၀၉ ခုနှစ် အချက်အလက်တိအရ)။ ၂၀၁၃ ဒီဇင်ဘာလ အချက်အလက်တိအရ ဂူဂဲဝက်ဘ်ဆိုဒ် ရေ ကမ္ဘာပေါ်တွင် လည်ပတ်မှုအများဆုံး ဝက်ဘ်ဆိုဒ် အဖြစ်ရပ်တည်ခရေ။ ဂူဂဲဝက်ဘ်ဆိုဒ်ကို ဘာသာစကား မျိုးစုံဖြင့် ဖတ်ရှုနိုင်ပြီး တခြားလူသုံးမျျားရေ ဝက်ဘ်ဆိုဒ်တိမှာ ယူကျုဘ် (YouTube) နန့် ဘလော့ဂါ (Blogger) ရို့ဖြစ်ရေ။ Google ဟာဆိုရင်ဖြင့်တစ်ကမ္ဘာလုံးကအသုံးပြုနီရေအက်ပ်တစ်ခုဖြစ်ရေ။ Google ရေလူကြိုက်အများဆုံးနီရာတစ်နီရာသိုရောက်ခရာဖြစ်ရေ။ Google ဟာအလွန်အသုံးဝင်သာအက်ပ်တစ်ခုဖြစ်ရေ။
သမိုင်းကြောင်း[edit | edit source]
ဂူဂဲရေ ၁၉၉၆ ဇန်နဝါရီလတွင် လယ်ရီပေ့ချ် (Larry Page) နန့် ဆာဂေး ဘရင် (Sergey Brin) ဆိုရေ စတန်းဖို့ဒ် တက္ကသိုလ်မှ ပီအိပ်ချ်ဒီ ကျောင်းသား ၂ ယောက် တင်သွင်းခရေ Search Engine အကြောင်း ရီးသားထားရေ စာတမ်းတစ်စောင်မှ စတင်ခရေ။
အစပိုင်းတွင် သူရို့ဧ Search Engine ကို BackRub လို့ နာဖို့ပီးခရေ။ ဆိုဒ်တစ်ခုဧ အရီးပါမှုကို သူ့ကို ရည်ညွှန်းထားရေ backlinks တိပေါ်မူတည်ပြီး ခန့်မှန်း သတ်မှတ် ဖို့ ဒီဇိုင်းထုတ်ထားခြင်းကြောင့် ဖြစ်ရေ။ ယကေလည်းရေ ယင်းမတိုင်မီက ထိုနည်းစနစ်ကို သုံးထားရေ Rankdex နာဖို့ဟိ search engine တစ်ခု ဟိနန့်ပြီး ဖြစ်ရေ။ သူရို့ နှစ်ယောက်ရေ သီးစစ်လုပ်နေစဉ်အတွင်း ဂူဂဲ ဖြစ်လာဖို့search engine အတွက် အခြီခံတိ တည်ဆောက်နိုင်ခကတ်ရေ။ အစပိုင်းတွင် သူရို့ search engine ဧ လိပ်စာရေ စတန်းဖို့ဒ် တက္ကသိုလ်ဧ subdomain တစ်ခုဖြစ်ရေ google.stanford.edu အနိန်နန့် စတင်ခရေ။ google.com ဒိုမိန်း ကို ၁၉၉၇ စက်တင်ဘာလ ၁၅ ရက်နိတွင်မှ မှတ်ပုံတင်ခရေ။ ၁၉၉၈ စက်တင်ဘာလ ၄ ရက်နိတွင် Google Inc. ကို သူငယ်ချင်းတစ်ယောက်ဧ ကားဂိုထောင်ထဲတွင် စတင်ခရေ။ ထိုကဲ့သို စတင်နိုင်ရန်အတွက် လိုအပ်ရေ ငွေ အရင်းအနှီးကို Sun Microsystems ကို စတင်တည်ထောင်ခသူ Andy Bechtolsheim က ဒေါ်လာ ၁၀၀၀၀၀ တန် ချက်လက်မှတ်တစ်ခု စတင် ထုတ်ပီးရာမှ အခြားရင်းနှီးမြုပ်နှံသူတိ ပါဝင်လာပြီး စုစုပေါင်း ဒေါ်လာ ၁.၁ သန်းအထိ တိုးတက်တိပြားလာခခြင်း ဖြစ်ရေ။[8][9]
၁၉၉၉ မတ်လ တွင် ဆီလီကွန် တောင်ကြားတွင် ဟိရေ Palo Alto သို့ ကုမ္ပဏီကို ပြောင်းရွှေ့ခရေ။ နောက်ပိုင်းတွင် ထိုအဆောက်အဦးတိကို ဂူဂဲပလက်စ်အဖြစ် လူသိများလာခရေ။ ဂူဂဲရေ ရိုးစင်းရေ ဒီဇိုင်းနန့် လွယ်ကူစွာ အသုံးချနိုင်မှုရို့ကြောင့် အသုံးချသူ အများစုက နှစ်သက်ခကတ်ရေ။ ၂ဝဝဝ ခုနှစ်က စတင်ပြီး ဂူဂဲတွင် Search Keywords တိကို အခြီခံရေ ကြော်ငြာတိ စတင် ထည့်သွင်းလာခရေ။
ဂူဂဲ နာဖို့ စတင်ဖြစ်လီါ်လာပုံမှာ "googol" (၁ နောက်မှ သုည ၁၀၀ လုံး) ဆိုရေ စာလုံးကို "google" ဟု မှားပေါင်းရာက စလာခခြင်းဖြစ်ကာ Merriam Webster Collegiate Dictionary နန့် Oxford English Dictionary တိတွင် google ဧ အဓိပ္ပာယ်ကို "အင်တာနက်မှ အချက်အလက်တိရယူရန် ဂူဂဲ Search Engine ကို အသုံးပြုခြင်း" ဟု ၂၀၀၆ မှ စတင်ကာ ထည့်သွင်းခရေ။
အချက်အလက်စင်တာတိ[edit | edit source]
၂၀၁၄ ခုနှစ်အထိ ဂူဂဲရေ အမေရိကန်နိုင်ငံ တွင် အချက်အလက်စင်တာ ၆ ခု၊ ချီလီနိုင်ငံ၊ ဖင်လန်နိုင်ငံ၊ အိုင်ယာလန်နိုင်ငံ၊ ဇာလ်ဂျီယံနိုင်ငံ၊ စင်ကာပူနိုင်ငံ နန့် ထိုင်ဝမ်ရို့တွင် စင်တာ ၁ ခုထိ ထားဟိလည်ပတ်နီရေ။ ၂၀၁၁ ခုနှစ်အတွင်းက နောက်ထပ် အာရှတိုက်တွင် အချက်အလက်စင်တာ ၃ ခု တည်ဆောက်ရန်အတွက် အမေရိကန်ဒေါ်လာ သန်း၂၀၀ ထပ်မံ ရင်းနှီးမြုပ်နှံဖို့ဖြစ်ပြီး ၎င်းအချက်အလက်စင်တာတိကို စင်ကာပူ၊ ထိုင်ဝမ်နန့် ဟောင်ကောင်ရို့တွင် တည်ဆောက်ဖို့ဟု ကြေညာခရေ။
၂၀၁၃ ခုနှစ် အောက်တိုဘာလတွင် ဝါသျှင်တန်ပို့စ် သတင်းစာက ဂူဂဲဧ အချက်အလက်စင်တာတိကြား အချက်အလက်တိပီးပို့မှုရေ အမေရိကန်နိုင်ငံ အမျိုးသားလုံခြုံရီးအေဂျင်စီမှ "MUSCULAR" ဟုခေါ်ရေ ပရိုဂရမ် နန့် တားဆီးထားပြီး အချက်အလက်ပီးမှုတိကြားတွင် ဖို့သို့မှ စာဝှက်ထားခြင်း (encrypt) မဟိကြောင်း ရီးသားခရေ။ ယင်းချင့်ကြောင့် ၂၀၁၃ ခုနှစ် နောက်ပိုင်းတွင် အချက်အလက်ပီးပို့မှုတိတွင် စာဝှက်ထားမှုတိ ပြုလုပ်ခရေ။
ထုတ်ကုန်နန့် ဝန်ဆောင်မှုတိ[edit | edit source]
ဂူဂဲဧ အဓိက ဆားဗစ်ရေ Google web search engine ဖြစ်ကေလည်း အခြား ထင်ရှား လူကြိုက်မျျားရေ ဆားဗစ်တိ ဟိရေ။ Google ဧအခြားဆားဗစ်တစ်ခုဖြစ်ရေ ဂျီမေးလ် ရေလည်း ထင်ရှားရေ အီလက်ထရောနှစ် စာပို့စနစ်ဖြစ်ရေ။ Google Reader၊ Google Document၊ Google Photo အစဟိရေရို့ရေ ၎င်းဧ အခမဲ့ ဆားဗစ်တိဖြစ်ကတ်ရေ။ အခမဲ့ ဆားဗစ်ဟုဆိုကေလည်း ၎င်းရို့ သတ်မှတ်ပီးထားရေ ၁၅ GB ပြည့်လားပါက ငွေပီးပနာ ဝယ်ယူအသုံးပြုနိုင်ရေ။ Google Chrome ရေလည်း သွက်လက်ပေါ့ပါးရေ Browser တစ်ခုဖြစ်ရေ။
ဆော့ဖ်ဝဲတိ[edit | edit source]
ဂူဂဲရေ သူဧ Google Web Mail Service ထဲတွင် ဖုန်းဝန်ဆောင်မှုအသစ် ထပ်မံထည်သွင်းလိုက်ရေ။ ယခင်က ဖုန်းခေါ်ဆိုနိုင်ကေလည်း Gtalk တွင် @gtalk2viop ဆိုရေ address ကိုတဆင့်ခံပြီး ဖုန်းနံပါတ်ရိုက်ထည့်မှ ခေါ်ဆိုနိုင်ခရေ။ ယခု feature အသစ်တွင် Phone feature အပြည့်ပါဝင်လာရေကြောင့် ခေါ်ဆိုမှု ပိုမိုအဆင်ပြေလာရေ။ နိုင်ငံကုဒ် ကိုလည်း တပါတည်း တွဲထည့်ပီးထားရေ။ ၎င်း feature အသစ်တွင် ခေါ်ဆိုမှု မှတ်တမ်း၊ ဖုန်းခေါ်ဆိုမှုနှုန်းထားနန့် အွန်လိုင်းမှ ငွေအလွယ်တကူခြေနိုင်ရေ လုပ်ဆောင်ချက်တိ ထည့်ပီးထားရေ။
စီးပွားရီး ထုတ်ကုန်တိ[edit | edit source]
၂၀၀၂ ခုနှစ် ဖေဖော်ဝါရီလတွင် ဂူဂဲလ်ရှာဖွေရီးပစ္စည်း (Google Search Appliance) ဟု နာဖို့ရရေ ပရိုဂရမ်ကို စတင်မိတ်ဆက်ခရေ။ ကြီးမားရေ အဖွဲ့အစည်းတိအတွက် နည်းပညာ ရှာဖွေမှုတိကို ပိုမိုထောက်ပံ့ပီးနိုင်ဖို့ ဖြစ်ရေ။ ၃ နှစ်ကြာရေအခါ သိမ်းငယ်ရေ အဖွဲ့အစည်းတိအတွက် ရည်ရွယ်ရေ မီနီဗားသျှင် ကိုမိတ်ဆက်ခရေ။ ၂၀၀၆ ခုနှစ် နှောင်းပိုင်းတွင် စိတ်ကြိုက်ရှာဖွေရီး။ စီးပွားရီး အက်ဒီသျှင် (Custom Search Business Edition) ကို စတင်ရောင်းချခရေ။ ယင်းရေ ဂူဂဲဝက်ဘ်ဆိုဒ်] ကို ကြော်ငြာတိမပါဝင်ဘဲ အသုံးပြုနိုင်ရေ။ ယကေလည်းရေ ၂၀၀၈ ခုနှစ်တွင် ဝန်ဆောင်မှုကို အွန်လိုင်းဝန်ဆောင်မှုအဖြစ် ပြောင်းလဲခရေ။
ဂူဂဲ အက်ပလီကေးသျှင် တိကို ပိုမိုဝန်ဆောင်မှု ပီးနိုင်ခရေ။ ဂျီမေးလ် နန့် ဂူဂဲဒေါ့စ် ရို့ကို ကိုယ်ပိုင်ဒိုမိန်းဖြင့် အသုံးပြုနိုင်အောင် ပြုလုပ်ပီးခရေ။ ထိုပိုင်ရေ ဝန်ဆောင်မှုတိကို Edition အမြောက်အမြား ထုတ်ဝီခရေ။ အခြီခံ အခမဲ့ (စံသတ်မှတ်ထားရေ Edition)၊ စီးပွားရီး၊ ပညာရီး နန့် အစိုးရအတွက် စရေဖြင့် အမျိုးမျိုးထုတ်ဝီခရေ။
ကော်ပိုရိတ်ရီးရာ နန့် ယဉ်ကျေးမှု[edit | edit source]
ဖော်ကျွန်းမဂ္ဂဇင်းဧ ဖော်ပြချက်အရ ဂူဂဲကုမ္ပဏီရေ ၂၀၀၇၊ ၂၀၀၈ နန့် ၂၀၁၂ ခုနှစ်ရို့မှ အလုပ်လုပ်ရန်အတွက် အကောင်းဆုံးကုမ္ပဏီအဖြစ် သတ်မှတ်ခြင်းခံရရေ။ ၂၀၀၉ နန့် ၂၀၁၀ ခုနှစ်ရို့တွင် စတုတ္ထနီရာတွင် ရပ်တည်ခရေ။ ၂၀၁၀ တွင် ဘွဲ့ရလူငယ်တိအတွက် အလုပ်လုပ်ရန် ဆွဲဆောင်မှုအဟိဆုံးကုမ္ပဏီအဖြစ်လည်း သတ်မှတ်ခံထားရရေ။ ဂူဂဲဧ လုပ်ငန်းရီးရာ ဆောင်ပုဒ်တိမှာ "မကောင်းတာမလုပ်ဘဲ ပိုက်ဆံရနိုင်ရေ"၊ "သင်ဟာ တူညီဝတ်စုံမဝတ်ဘဲ လူအများလေးစားရရေလူဖြစ်နိုင်ရေ"၊ "အလုပ်ကို စိန်ခေါ်ရဖို့ဖြစ်ပြီး၊ စိန်ခေါ်မှုဟာ ပျော်စရာဖြစ်သင့်ပါရေ" ရို့ ဖြစ်ရေ။
၂၀၁၃ ခုနှစ် အချက်အလက်တိအရ ဂူဂဲတွင် ဝန်ထမ်း ၄၇၇၅၆ ဦး အလုပ်လုပ်နေကြကာ ဆော့ဝဲလ် ရီးသူ ၁ သောင်းကျော် ပါဝင်ပြီး ရုံးခွဲ ၄၀ ကျော်တွင် ရုံးစိုက်ထားရေ။
ကိုးကား[edit | edit source]
- ↑ "Company". Google. Retrieved January 16, 2015.
- ↑ Claburn, Thomas. "Google Founded By Sergey Brin, Larry Page... And Hubert Chang?!?". InformationWeek. Archived from the original on 28 June 2011. Retrieved August 31, 2011.
- ↑ "Locations - Google Jobs". Google.com. Retrieved September 27, 2013.
- ↑ "Management Team - Company - Google".
- ↑ 5.0 5.1 5.2 5.3 5.4 "Google Inc. 2013 Annual Report Form (10-K)" (XBRL). United States Securities and Exchange Commission. February 12, 2014.
- ↑ "Google Inc. Announces Fourth Quarter and Fiscal Year 2014 Results". Google.
- ↑ "Google Inc. Annual Reports". Google Inc. July 28, 2014. Retrieved August 29, 2014.
- ↑ 8.0 8.1 Brin, Sergey (1998). "The anatomy of a large-scale hypertextual Web search engine". Computer Networks and ISDN Systems 30 (1–7): 107–117. doi:.
- ↑ Barroso, L.A. (April 29, 2003). "Web search for a planet: the google cluster architecture". IEEE Micro 23 (2): 22–28. doi:. “We believe that the best price/performance tradeoff for our applications comes from fashioning a reliable computing infrastructure from clusters of unreliable commodity PCs.”