Wp/rki/ဂဟေ

ဂဟေဆော်ရေ မီးကို ကာကွယ်ရန်လည်းကောင်း၊ စူးရှရေအလင်းရောင် မျက်စိကို ထိခိုက်ခြင်းမှ ကာကွယ်ရန်လည်းကောင်း မျက်နှာဖုံး စွပ်ကြရရေ။

ဂဟေဆိုစွာမှာ သတ္တုတိကို တစ်ခုနန့်တစ်ခု ဆက်ရန် အတွက်ကေလည်းကောင်း၊ သတ္တုတိကို ဖာထေးရန်အတွက်ကေလည်းကောင်း အသုံးပြုရေ သတ္တုစပ်ပင်ဖြစ်ရေ။ ဂဟေပြုလုပ်ရာ၌ အရီး ကြီးရေအချက်မှာ ဂဟေရေ ဆက်ယူဖို့သတ္တုတိထက် ပိုပနာ အရည်ပျော်လွယ်နိုင်ရဖို့အချက်ဖြစ်ရေ။

ဂဟေရေ ဂဟေပျော့၊ ဂဟေမာဆိုပနာ နှစ်မျိုးဟိရေ။ ဂဟေမာရေ အပူချိန်တိမှ အရည်ပျော်ပနာ၊ ဂဟေပျော့မှာမူ အပူချိန်နည်းမှ အရည်ပျော်ရေ။ ဂဟေမာရေ အလွန်ခိုင်မာ သနန့်ယင်းကို အလိုဟိသလို ထုရိုက်ပနာပုံသွင်းယူနိုင်ပေရေ။ အချို့ဂဟေမာကို နန်းဆွဲပနာ ရရေ။ အချို့ကို အပြားခတ်ပနာ ရရေ။ အသုံးအတိဆုံးရေ ဂဟေမာမှာ ငွေဂဟေဖြစ်ရေ။ ငွေဂဟေ၌ ငွေ၊ ကြေးနီနန့်သွပ်ရို့ပါဟိရေ။ ငွေကိုထည့်စပ်ရ ခြင်းမှာ ဂဟေဧအရည်ပျော်မှတ်ကို နိမ့်ကျလားစီရန်ဖြစ်ဧ။ ငွေဂဟေ၌ ပါဝင်လေ့ဟိရေ ကြေးနီ၊ သွပ်၊ ငွေရို့ဧအချိုး အစားမှာ ကြေးနီ ၄၅ ရာခိုင်နှုန်း၊ သွပ် ၃၅ ရာခိုင်နှုန်းနန့် ငွေ ၂ဝ ရာခိုင်နှုန်းဖြစ်ရေ။ ထိုဂဟေရေ စင်တီဂရိတ် အပူချိန် ၈ဝ၈ ဒီဂရီတွင် အရည်ပျော်ဧ။

ထိုဂဟေမျိုးကို ကြေးဝါ၊ ကြေးနီ၊ ငွေ၊ သံရို့ကို ဆက်ရာ တွင် အသုံးပြုကတ်ရေ။ ရွှေပန်းထိမ်ဆရာတိ ဂဟေလုပ်ရာ၌ ရွှေကို အဓိကထားပနာ ကြေးနီနန့်ငွေရို့ကို ရောစပ်ယူကတ်ရေ။ ဂဟေပျော့တိ အပူချိန်နည်းနည်း၌ အရည်ပျော်နိုင်ကြ ရေ။ ထိုဂဟေပျော့တိ ကြွပ်ဆတ်သနန့်အထု အရိုက် မခံနိုင်ကြချေ။ လူသိတိဂဟေပျော့တိမှာ သံဖြူနန့်ခဲကို အဓိကထားပနာ ရောစပ်ထားရေဂဟေတိပင် ဖြစ်ရေ။ ဂဟေ ပျော့တစ်မျိုး၌ သံဖြူ ၆၇ ရာခိုင်နှုန်းနန့်ခဲ ၃၃ ရာခိုင်နှုန်း ပါဟိရေ။ ထိုဂဟေမျိုးကို အတိအားဖြင့်သံဖြူဆရာတိ အသုံးပြုကြဧ။ ထိုဂဟေပျော့တိအတွက် ကယ်ဒမီယမ်၊ ဗစ်စမတ်၊ အန်တီမိုနီနန့်ငွေ (သတ္တု)ရို့ကိုလည်း ရောစပ်ယူရ ရေ။ ဂဟေဆက်ရာ၌ ပထမနီရဲအောင် မီးဖုတ်ထားရေ ကြေးနီချောင်းနန့်ဂဟေကို အရည်ပျော်စီရေ။ ယပြီးကေ ကြေးနီချောင်းထိပ်တွင် ဂဟေပျော်ကိုယူပနာ သတ္တုတိကို ဆက် ပီးရေ။ တစ်ခါတစ်ရီသတ္တုတိကိုပျော်နီရေ ဂဟေထဲ၌ နှစ်ပနာ၎င်း၊ ဂဟေဆက်ဖို့နီရာတွင် ဂဟေကို မီးတောက်နန့် အရည်ပျော်စေပနာ၎င်း ဆက်ပီးတတ်ရေ။ ထိုနည်းတိအပြင် သတ္တုတိကို မီးဖုတ်ပနာဆက်ရေနည်းလည်း ပါသေးရေ။

ထိုနည်းကို ငွေဂဟေနန့်ကြေးဂဟေဆက်ရာတွင် အသုံးပြုကြဧ။ ဂဟေမဆက်မီ သတ္တုတိ ချေးမတင်ဘဲ စင်ကြယ်ပနာ နေရပေရေ။ သို့မှသာကေသတ္တုတိ၌ ဂဟေကောင်းစွာ စွဲကပ်နိုင်ပေရေ။ ချေးဟိနေကေယင်းကိုစားပစ်ရန် သတ္တု ပျော်ကူခေါ် ပစ္စည်းတစ်မျိုးကို အသုံးပြုရရေ။ ဂဟေပျော့ အတွက် ထင်းရှူးစေး၊ ယပိုင်မဟုတ်ကေ သွပ်ဖြင့်သတ်ထားရေ ဟိုက်ဒရိုကလောရစ်အက်ဆစ်ကို၎င်း၊ ဂဟေမာအတွက် လက် ချားမှုန့်၊ ယပိုင်မဟုတ်ကေ ဇဝက်သာကို၎င်း သတ္တုပျော်ကူအဖြစ် အသုံးပြုကတ်ရေ။