Wp/rki/ဂရပ်ဖစ်အနုပညာ
ဂရပ်ဖစ်အနုပညာဆိုစွာဖို့ အမြင်ဆိုင်ရာ အနုပညာအမျိုးအစားတိထဲတွင် ပါဝင်ရေ အနုပညာပုံသဏ္ဌာန်တစ်ခု ဖြစ်ရေ။ ဂရပ်ဖစ်အနုပညာကို ပုံနှိပ်ခြင်းအနုပညာဟု ဝက်ဘ်စ်တာအဘိဓာန် ကဖွင့်ဆိုပြီးကေ ဓာတ်ပုံနည်းပညာ၊ ကျောက်ပုံနှိပ်နည်းပညာ၊ သစ်ထွင်းနည်းပညာ၊ ကေတ်းပုံနှိပ်နည်းပညာ အစဟိရေရို့ကိုအသုံးပြုပနာ တီထွင်ဖန်တီးရေ အနုပညာလက်ရာတိဟု အဓိပ္ပာယ်ဖွင့်ဆိုရေ။ ယင့်ချင့်အပြင် လိုင်းတိ၊ အသွေးအနုအရင့်နန့် ရုပ်လုံးရုပ်ကြွတိ ပေါ်လွင်ရန်သရုပ်ဖော်ရရေ အမြင်ဆိုင်ရာ အနုပညာအမျိုးအစားဟု အောက်စဖို့အဘိဓာန်က အဓိပ္ပာယ်ဖွင့်ဆိုရေ။
အမြင်ဆိုင်ရာတင်ပြချက်တိကို မျက်နှာပြင်တစ်ခုပေါ်တွင် ရေးဆွဲတင်ပြထားခြင်းကို ဂရပ်ဖစ်ဟု ခေါ်ဆိုရေ။ နံရံ၊ ကင်းဗတ်၊ ပိုးဇာ၊ စက္ကူ၊ ကျောက်တုံးနန့် ပုံနှိပ်နိုင်ရေ ယပိုင်မဟုတ်ကေ ရေးဆွဲနိုင်ရေ ကတ်ားခံအလွှာတစ်ခုကို မျက်နှာပြင်ဟု ခေါ်ဆိုရေ။ ပုံနှိပ်ခြင်း ယပိုင်မဟုတ်ကေ ရေးဆွဲခြင်းတိတွင် သတင်း အချက်အလက်တိ၊ သရုပ်ဖော်ပုံတိ၊ ဖျော်ဖြေရေးဆိုင်ရာ အကြောင်းအရာတိနန့် အနုပညာဆိုင်ရာ တင်ပြချက်တိ ပါဝင်နိုင်ရေ။ ယကေလည်းဂရပ်ဖစ်အတတ်ပညာတစ်ခုခုကို အသုံးပြုပနာ ထုတ်လုပ်လိုက်ရေ လက်ရာတိုင်းကို အနုပညာပစ္စည်းဖြစ်ရေဟု ခေါ်ဆိုနိုင်ဖို့မဟုတ်ပါ။ အနုပညာမြောက်ခြင်းရေ သီးခြားတည်ဟိရေ ဂုဏ်သတ္တိတစ်ခုဖြစ်ရေ။
ဂရပ်ဖစ်ဆိုရေဝေါဟာရရေ ဂရိဝေါဟာရဖြစ်ရေ။ ဂရပ်ရေ ဂရပ်ဖစ်စကားလုံးဧ ရုပ်ရင်းစကား လုံးဖြစ်ရေ။ x ဝင်ရိုးနန့် y ဝင်ရိုးရေ ဂရပ်ဝေါဟာရကို ကိုယ်စားပြုရေ။ ယင့်ချင့်ကြောင့် နှစ်ဖက်မြင်ဟု ဆိုနိုင်ပါ ရေ။ ကွန်ပျူတာနည်းပညာတိုးတက်လာရေအခါ ကွန်ပျူတာမျက်နှာပြင်ပေါ်တွင် ဂရပ်ဖစ် လုပ်ငန်းတိကို လုပ်ကိုင်လာကတ်ရေ။ ယင်းပိုင်လုပ်ကိုင်ရာတွင် နှစ်ဖက်မြင်အမျိုးအစားနန့် သုံးဖက်မြင် အမျိုးအစားတိ ပါဝင်နီပါရေ။ ပုံနှိပ်ရန် ယပိုင်မဟုတ်ကေ ပုံနှိပ်ထုတ်ဝေရန်ရည်ရွယ်ပနာဖန်တီးရေ အရာဝတ္ထုတိုင်းကို နှစ်ဖက်မြင်အမျိုးအစားဟုခေါ်ရေ။ တီဗီ ယပိုင်မဟုတ်ကေ ကွန်ပျူတာမော်နီတာပေါ်တွင် သရီးဒေမျက်မှန်ပိုင် အခြားအရာဝတ္ထုတစ်ခုကို ကတ်ားမခံရာ မျက်မြင်နန့် တိုက်ရိုက်ကြည့်ရှုရရေ အရာဝတ္ထုတိုင်းကိုလည်း နှစ်ဖက်မြင်ဟုရာခေါ်ရေ။ ယင့်ချင့်ကြောင့် သုံးဖက်မြင်နည်းပညာနန့် ထုတ်လုပ် လိုက်ရေ ရုပ်ရှင်ကားတိရေလည်း ဂရပ်ဖစ်တွင် အကြုံဝင်ရေ။ ဂရပ်ဖစ်အနုပညာတွင် သုံးဖက်မြင် ဖန်တီးထားရေ အနုပညာလက်ရာတိကိုလည်း ထည့်သွင်းထားရေ။ သုံးဖက်မြင်ရုပ်ရှင်ကားတိကို မျက်မှန်တပ်ပနာ ကြည့်ရှုရေအခါ x နန့် y ဝင်ရိုးအပြင် z ဝင်ရိုး(ထုထည်) ပါဝင်လာရေ အတွက် သုံးဖက်မြင်ဟု ခေါ်ဆိုနိုင်ခြင်းဖြစ်ရေ။
ဂရပ်ဖစ်အနုပညာလက်ရာတိရေ ခရစ်မပေါ်မီနှစ်ပေါင်း ၂၅၀ဝ က တည်းက တည်ဟိခရေ။ အီဂျစ် လူမျိုးတိရေ ဂရပ်ဖစ်ကို စတင်အသုံးပြုခကတ်ရေ။ ဂရပ်ဖစ်အနုပညာရေ ပုံနှိပ်ခြင်းနည်းစနစ်တိ တွင် အများစုတည်မီရေ။ ယင့်ချင့်ကြောင့် နည်းပညာတိုးတက်မှုနန့်အတူ ဂရပ်ဖစ်ဧ တိုးတက်ပြောင်းလဲမှု ရေလည်း မြင့်မားခရေ။ အရှိန်အဟုန် ကောင်းခရေ။