Wp/rki/ကွန်ပျူတာပရိုဂရမ်

ကွန်ပြူတာပရိုဂရမ် ဆိုစွာမှာ အလုပ်တစ်ခုခုကို လုပ်ဆောင်နိုင်ရန်အတွက်ညွှန်ကြား ချက်တိကိုစုစည်းထား ရေ ညွှန်ကြားချက် အစုအဝီးကို ခေါ်ဆိုရေ။ အဆိုပါညွှန်ကြားချက် အစုအဝီးတိပေါင်း စုထားရေ ပရိုဂရမ်အစုအဝီးကို ကွန်ပြူတာဆော့ဝဲဟု ခေါ်ဆိုရေ။ ကွန်ပြူတာပရိုဂရမ်တိ ဂုအချိန်ဆိုကေစတုတ္ထမျိုးဆက်သို့ ရို့င်ရောက်လာခပြီဖြစ်ရေ။ ကွန်ပြူတာ ပရိုဂရမ်တစ်ခု အခုအလုပ်လုပ်နိုင်ရန်အတွက် စက်မှ နားလည်နိုင်ရန်အတွက် ပြောင်းလဲပီးရေ ကြားခံပရိုဂရမ်တစ်ခု လိုအပ်ပြန်ပါရေ။

ပရိုဂရမ် ဆိုစွာမှာ အမိန့်စာကြောင်းတိစွာ (Instructions) ပါဝင်ရေ (သို့)ကွန်ပျူတာကို ခိုင်းစေနိုင်ရေ အမိန့်စာကြောင်းတိ ပါဝင်ရေ ကွန်ပျူတာက နားလည်နိုင်ရေ ဘာသာစကား တစ်မျိုး ဖြစ်ရေ။ ကွန်ပျူတာဧလုပ်ဆောင်မှု အားလုံးကို ထိန်းချုပ်ကိုင်တွယ် ခိုင်းစေနိုင်စွမ်းဟိရေ ဘာသာရပ် ဖြစ်ရေ။ ကွန်ပျူတာနည်းပညာတွင် ပရိုဂရမ်ဘာသာရပ် မြီာက်မြားစွာ ဟိရေ။

လူတစ်ယောက် ဧတိးခေါ်မှု ၊ စိတ်ပုံဖော်မှု တိကို ကွန်ပျူတာ နားလည်နိုင်ရေ command word (or) instruction (အမိန့်စာကြောင်း) တိနန့်ပုံဖော်ခြင်း နည်းပညာ ဖြစ်ရေ။ သင်္ချာနည်းပညာ တွက်ချက်မှုတိအား မဏ္ဍိုင်ထားပနာ လုပ်ဆောင်မှု အမျိုးမျိုး၊ တွက်ချက်မှု အမျိုးမျိုး၊ ရုပ်ပုံအမျိုးမျိုး ကို ဖန်တီးနိုင်ခြင်းတိ လုပ်ဆောင်နိုင်ရေ Language ဟုလည်း အကြမ်းအားဖြင့်သိဟိနိုင်ရေ။ Programming of Computer ကို အသုံးပြုရေနယ်ပယ်တိမှာ အမြီာက်အမြား ဟိရေ။ ဖို့ရေနယ်ပယ်တွင် အသုံးပြု ရေ ကိုတော့ အောက်တွင် ဖော်ပြထားရေ ကွန်ပျူတာ သိပ္ပံနယ်ပယ် မှ ရွေးထုတ် ဖော်ပြရဖို့ ဖြစ်ရေ။

Theoretical computer science( သီအိုရီ ပိုင်းဆိုင်ရာ)
Algorithms and data structures(သင်္ချာနည်းပညာတိအား ပုံစံချ ရီးဆွဲခြင်း)
Programming methodology and languages(ပရိုဂရမ် လုပ်ရိုးလုပ်စဉ် နန့်၎င်း ရို့ဧဘာသာရပ် တိ)
Computer elements and architecture(ကွန်ပျူတာ ဧအီလက်ထရောနစ်ဆိုင်ရာ ဖွဲ့စည်းတည်ဆောက်ပုံ နန့်၎င်းရို့ဧလုပ်ဆောင်ချက်တိ)
Numerical and symbolic computation(သင်္ချာဂဏန်း နန့်သင်္ကေတတိကို အသုံးပြုပြီးကေ သိပ္ပံဘာသာရပ်တိတွင် တွက်ချက်မှုစနစ် မှတဆင့် ပုံဖော်ရီးဆွဲခြင်း
Applications(ကွန်ပျူတာတွင် အတိပြည်သူသုံး အဖြစ် အသုံးချ ဆော့ဖ်ဝဲတိ ရီးဆွဲတည်ဆောက်ခြင်း)

အထက်ပါ နယ်ပယ်တိ အားလုံး ရေ field of Computer Science (ကွန်ပျူတာ သိပ္ပံနယ်ပယ်) ၌ ပါဝင် ပါရေ။ သို့ဖြစ်ပနာ ကွန်ပျူတာ ပရိုဂရမ်သမား တစ်ယောက်ရေ အီလက်ထရောနစ် နည်းပညာ၊ ယုတ္တိ တန်ရေ တိးခေါ်မှု ပိုင်းဆိုင်ရာ နန့်သင်္ချာနည်းပညာ ကို အခြီခံ နန့်အထက် တတ်မြီာက်ထား မှ သာကေအထစ်အငေါ့ မဟိ အဆင်ချော ဖို့သာ ဖြစ်ရေ။

လူဧစိတ်ခံစားမှု စဉ်းစားတိးခေါ်မှုတိကို ပုံဖော်ခြင်း ဖြစ်ရေအတွက် လူ့စိတ်ကဲ့ သို့ ပြောင်းလွယ် ပြင်လွယ် ဖြစ်နိုင်စွမ်း ဟိရေ။ ဆိုလိုရေမှာ ပရိုဂရမ်အား စတင်လိ့လာ လိုက်စားရေနန့်တပြိုင်နက် မိမိသင်ထားရေ အကြောင်းအရာတိကို ပုံသေ မမှတ်စေလိုခြင်း ဖြစ်ရေ။ ထပ်မံပနာ ရှင်းလင်းရကေ ဥပမာ။ ။ ပရိုဂရမ် တစ်ပုဒ် ၌ a=100; ဟု ရီးထားကေa ဧတန်ဖိုးရေ တစ်ရာ နန့်ညီရေ။ သိုကေ a ဧတန်ဖိုးရေ အမြဲတမ်း တစ်ရာ နန့်မညီကြောင်း သိဟိထားရဖို့။ a ရေ ပထမ အခြီအနီတွင် တစ်ရာ နန့်ညီထားရေလည်း ပရိုဂရမ်အရ ဒုတိယအခြီအနီတွင် တစ်ထောင် ၊တစ်ရေင်း ၊တစ်သိန်း၊ တစ် စရေ တန်ဖိုးတိအဖြစ်လည်း ရောက်ဟိလားနိုင်ရေ။ ပရိုဂရမ် ဧလိုလားချက် အရ ကိန်းရှင် ဖြစ်ရေ a ဧတန်ဖိုးကို လိုအပ်သလို လှည့်စားပြောင်းလဲတွက်ချက်နိုင် ခြင်းကို ဆိုလိုရေ။

ရင်းမြစ်

Myanmar Hero [၁]