Wp/rki/ကျူနီးဖောင်းစာ
ကျူနီးဖောင်းစာ
[edit | edit source]
ကျူနီဖောင်းဆိုစော်မှာ မြားဦး သဏ္ဌာန်ဟိရေ ရှေးအခါက ရီးထိုးသည့် ကမ္ပည်းစာတစ်မျိုး ဖြစ်ရေ။ ခရစ်တော် မပေါ်မီ နှစ် ၃၅၀၀ လောက်က ထိုစာမျိုးကို ဆူမီးယားရီးယန်းလူမျိုးရို့က စတင်တီထွင်ရီးသားကြ၍၊ မက်ဆိုပိုတေးမီးယားနယ်ဟိ တိုင်းဂရစ်နန့် ယူဖရီးတီးမြစ်ဝှမ်းဒေသတွင် ရှေးအကျဆုံးရေ ကျူနီးဖောင်း အရီးအသားမျိုးကို တွိ့ရဧ။ အရုပ်နန့် သရုပ်ဖော်ရီးနည်းမှ တဖြည်းဖြည်း ကျူနီးဖောင်းရီးနည်းကို ထွင်ယူကြဧ။ ကျူနီဖောင်း အက္ခရာတိမှာ ရွံ့ပြားပေါ်တွင် ကညစ်ဖြင့် ရီးသား၍၊ ရွံ့ပြားကို မီးဖုတ်ပြီးကေ ကမ္ပည်းစာတိကို အဓွန့်ရှည်စွာ တည်တံ့အောင် ပြုထားခြင်းဖြစ်ရေ။
ကျူနီဖောင်းအရီးအသားတိကို အဓိပ္ပာယ်ဖော်၍ ဘာသာပြန်ရန် အလွန်ခဲယဉ်းဧ။ အကြောင်းမှာ လက္ခဏာအမှတ်အသား တစ်ခုရေ အဓိပ္ပာယ်အမျိုးမျိုး ပေါက်နိုင်ရေကြောင့် ဖြစ်ဧ။ လက္ခဏာတိရေ အတူယှဉ်တွဲထားရေ အမှတ်အသားကို လိုက်၍ အဓိပ္ပာယ်အမျိုးမျိုး ပြောင်းနိုင်ဧ။ ၁၈ဝဝ ပြည့်နှစ် ခန့်တွင် ဂျီအက်(ဖ) ဂရိုတီဖင်းဆိုသူ ဂျာမန်လူမျိုးတစ်ဦးရေ ထိုကျူးနီဖောင်း အရီးအသားတိကို ကြိုးစား၍ ဘာသာပြန်ခရာ၊ ၁၈၅ဝ-ပြည့်နှစ်နောက်ပိုင်းတွင် ပြီးဆုံးအောင်မြင်လီရေ။ ထိုအက္ခရာတိကို ဖတ်နိုင်ခြင်းအားဖြင့် ကျွန်ုပ်ရို့ သိနန့်ပြီးရေ ရှေးဟောင်းသမိုင်းတိကို အထောက်အပံ့များစွာ ပီးလီရေ။ ကျူနီဖောင်းအရီးအသားတိတွင် ဆူမီးယားရီးယန်းလူမျိုးရို့ အက္ခရာတိရေ ရှေးအကျဆုံး ဖြစ်သည့်အပြင် အရူပ်ထွီးဆုံးလည်း ဖြစ်ရေ။ အက်ကေးဒီးယန်းဆူမီးယားရီးယန်း လူမျိုးရို့ဧ ကျူနီဖောင်းအက္ခရာ စာလုံးရေပေါင်းမှာ ၆ဝဝ နီးပါးခန့် ဟိလီရေ။
ကိုးကား
[edit | edit source]