Wp/rki/ကောက်ကြောင်းပန်းချီ

From Wikimedia Incubator
< Wp‎ | rki
Wp > rki > ကောက်ကြောင်းပန်းချီ

ပန်းချီပညာဧ့ အစရေ ကောက်ကြောင်းပန်းချီ ပင်ဖြစ်ရေ။ လူသားရို့ဧ့ ကမ္ဘာလောကကြီးအကြောင်းကို ဖော်ပြရာတွင် အနုပညာရေ ကိရိယာတခုသဖွယ်ဖြစ်ရေ။ ၎င်းရို့ထဲတွင် နည်းလမ်းတမျိုးဖြစ်ရေ ပုံရီးဆွဲခြင်းရေ လူသားရို့ဧ့ ယဉ်ကျေးမှုထွန်းကားခြင်း ဇစ်မြစ်တခုပင် ဖြစ်ရေ။ ပတ်ဝန်းကျင်ဧ့ ပြောင်းလဲမှု၊ လှုပ်ရှားမှုတိကို မိမိဧ့စိတ်ထဲတွင် မှတ်သားရာမှ ဆက်စပ်တွေးခေါ်ပြီး အရာဝတ္ထုပုံတိ၊ စိတ်ကူးပုံစံတိ ရီးခြစ်လာခကတ်ရေ။ လူသားတိ မိမိရို့ဧ့ ဘဝအစပုံတိကို လိ့လာချင်ခကတ်ရေ။ စပိန်တိုင်းပြည်မှ ဂူနံရံ နွားရုပ်တိကို သက်သေထူနိုင်ရေ။ ထိုကဲ့သို့ ကောက်ကြောင်းရီးခြစ်မှုတိဖြင့် ပန်းချီပညာရေ အစပျိုးလာခရေ။ ယင့်ချင့်ကြောင့် အဓိကအရီးအကြီးဆုံးကောက်ကြောင်း (OUT LINE) ပန်းချီကို ပထမဦးစွာ တင်ပြလိုရေ။ ကောက်ကြောင်းပန်းချီ စတင်ရီးဆွဲတော့မည့်သူတိကို ပထမဦးစွာ ရင်းနှီးပွင့်လင်းစွာ ပြောချင်ရေ။ “ငါရို့တော့ မျဉ်းတောင် ဖြောင့်အောင် မရီးတတ်ဘူး” စရေဖြင့် ပန်းချီရီးခြင်းနန့် ပတ်သက်ပနာ အချို့ရေသူတိ ပြောတတ်ကတ်ရေ။ ဂုအချိန်တွင် ၎င်းစကားမျိုးကို တခါတည်း စိတ်ဆုံးဖြတ်ပနာ မေ့ဖျောက်ပစ်ကြရဖို့။


လူတိုင်းတွင် ပင်ကိုစွမ်းရည် ဟိကတ်ရေ။ အချို့တွင် ငုပ်လျှိုးနေတတ်ရေ။ အခါခွင့် သင့်လာသည့်အခါ အောင်မြင်ထွန်းပေါက်စွာ ဘွားခနဲပေါ်လာတတ်ရေ။ ပန်းချီရီးဆွဲသူတယောက်ရေ သူဧ့ မာနကင်းမဲ့မှု၊ ကြင်နာချစ်ခင်တတ်မှု၊ လူလူချင်း လေးစားချစ်ခင်စိတ် အပြည့်ထားမှု စရေစိတ်ဓာတ်ဖြင့် သူဧ့ ပင်ကိုစွမ်းရည် ဉာဏ်ရည်ဉာဏ်သွေးကို အမြဲမြှင့်တင်နေသူဖြစ်ဧ့။ ရုပ်ပုံကားချပ်ကြီးတိကို မဆိုထားနန့်၊ မျဉ်းကြောင်းတကြောင်းကိုပင် စိတ်အာရုံမတည်ငြိမ်က ရီးဆွဲမရတတ်ပေ။ ယင့်ချင့်ကြောင့် ကောက်ကြောင်းပန်းချီကို စတင်ရီးဆွဲမည့်သူရေ နက်နဲသိမ်မွေ့ရေ စိတ်ကို ရအောင်မွီးမြူပနာ မိမိလက်တွင် အင်အားတိအပြည့်ဖြင့် စတင်ရီးဆွဲရဖို့။ သို့မှသာ ပန်းချီရီးခြင်းတွင် ပိုပြီးကေစွမ်းရည်ပြည့်လာပြီး အလိုလို ဖြောင့်လာလိမ့်မည်။


ကမ္ဘာကျော် ပန်းချီဆရာကြီးတိရေ ပေတံကိုသုံးပနာ ကောက်ကြောင်းတိ မဆွဲခကတ်လီ။ ၎င်းရို့ဧ့ ပန်းချီကောက်ကြောင်းတိကို ပေတံဖြင့် တိုင်းပနာ ညီမညီ စမ်းသပ်ကြည့်မည်ဆိုကေ တိကျသေချာစွာ ဖြောင့်တန်းနီရေ မျဉ်းတိမဟုတ်ရေကို တွိ့ဟိကြရလိမ့်မည်။ ၎င်းရို့ပုံတွင် ရေပြင်ညီမျဉ်းလဲတိရေ ရေပြင်ညီအများုင်း အများအကျ သေသေချာချာ မဟိပိုင် ထောင်လိုက်မျဉ်းတိရေလည်း မှန်ကန်တိကျစွာ ထောင်လိုက်မကျပေ။ အမှန်စင်စစ်အားဖြင့် ၎င်းရို့ဧ့ Drawing တိရေ လွတ်လွတ်လပ်လပ်ဖြင့် စိတ်ကို ချုပ်တီးထားခြင်းမဟိဘဲ ရီးဆွဲထားရေ ကောက်ကြောင်းတိပင် ဖြစ်ရေ။ ရီးဆွဲထားရေ အဆောက်အဦ၊ ဝတ္ထုပစ္စည်း၊ ပုံသဏ္ဌာန်တိဟိ မျဉ်းလိုင်းတိနန့် ရီးဆွဲလိုက်ရေ မျဉ်းတိရေ တိကျသေချာစွာ မတူညီကေလည်း ၎င်းပုံသဏ္ဌာန်တိဧ့ ကိုယ်ပွားဖြစ်နီလိမ့်မည်။ ပန်းချီဆွဲခြင်းရေ အများအကျ တူညီစေချင်ရေ Scale Drawing တိ၊ သရုပ်ပြပုံတိ ရီးဆွဲခြင်း မဟုတ်ပေ။ ပန်းချီရေ ပုံရိပ်တခုဧ့ စိတ်ကူးယဉ်အတွေးတိပင် ဖြစ်ရေ။

လိုအပ်ရေ ပစ္စည်းကိရိယာတိ[edit | edit source]

ကောက်ကြောင်းပုံ ရီးဆွဲရာတွင် မိမိကြိုက်နှစ်သက်ရာ ခဲတံ၊ မီးသွေးတောင့်၊ ဖယောင်းချောင်း၊ ရေဆီးတောင့် စရေဖြင့် အသုံးပြုနိုင်ရေ။ အများစုမှာ အသုံးတွင်ကျယ်ရေ ခဲတံကိုပင် အသုံးပြုကတ်ရေ။ ခဲတံတွင် အမျိုးအစား အမျိုးမျိုး ဟိရေ။ ပုံဆွဲခဲတံတိတွင် တရုတ်၊ ဂျာမဏီလုပ်နန့် အခြားပုံဆွဲခဲတံတိ ဟိရေ။ ၎င်းခဲတံတိတွင် H, HB နန့် B အမှတ်အသားတိ ပါဟိရေ။ H ရေ HARD ဟု ရီးထားခြင်းဖြစ်ပြီး ခဲသားမာပနာ အင်ဂျင်နီယာသုံး ခဲတံတိ ဖြစ်ရေ။ HB ရေ ကျောင်းသုံး ရုံးသုံး ခဲတံဖြစ်ပနာ B အမှတ်အသားပါရေ ခဲတံတိမှာ ပန်းချီသုံးခဲတံတိ ဖြစ်ရေ။ B တွင် 2B, 3B မှ စပနာ 6B အထိ ဟိရေ။ နံပါတ်ကြီးလေ ခဲသားပွပနာ အရောင်မဲလေလေ ဖြစ်ရေ။ ပန်းချီသုံး မီးသွေးတောင့် (CHARCO) ဖြင့် အလင်းအမှောင်နန့် ကောက်ကြောင်းရီးဆွဲခြင်းတိ၌ မီးသွေးရေ ပွပနာ ရီးခြစ်ရ လွယ်ခြင်းကြောင့် ပိုပနာ အဆင်ပြေရေ။ ကမ္ဘာကျော် ပန်းချီဆရာတိရေ ကောက်ကြောင်းတိရီးရာတွင် မီးသွေးကို အသုံးတိရေ။ စတင်ရီးဆွဲလိ့ကျင့်သူတိရေ ခဲဖျက်ကို အသုံးပြုနိုင်ရေ။ ယကေလည်း နီရာတိုင်းတွင် ခဲဖျက်မသုံးသင့်ပေ။

ခဲတံကိုင်နည်း အမျိုးမျိုး[edit | edit source]

အဓိက ခဲတံကိုင်နည်း နှစ်မျိုးသာလျင် ဟိရေ။ အရီးခံဘုတ်ပြားရေ ရေပြင်ညီ သို့မဟုတ် တဖဲ့ချေစောင်းပနာ တည်ဟိပါက ခဲတံကို ဖောင်တိန်ကိုင်ပိုင် ရိုးရိုးကိုင်ပနာ ရီးပြီး ဘုတ်ပြားရေ ထောင်လျက် ၉၀ ဒီဂရီ တည်ဟိနေပါက ခဲတံကို ကြိမ်လုံး၊ တုတ်လုံးကိုင်ပိုင် လက်ဖဝါးဖက်တွင်ထားလျက် ကိုင်ရဖို့။ ထိုနည်းနှစ်မျိုးမှ အခြီခံပနာ မျဉ်းကြောင်းအပါး၊ အလတ်၊ အထူအလိုက် ခဲတံကိုင်နည်းတိ အမျိုးမျိုး ကွဲပြားသိမ်းရေ။ မိမိစိတ်ကြိုက် မည်သို့ ကိုင်ကိုင် ရဟိနိုင်ကေလည်း ရီးဆွဲမည့် မျဉ်းအလိုက် အနေအထားပြောင်းကေ စနစ်တကျဟိပနာ ပိုပြီးကေလွယ်ကူနိုင်ရေ။ ပန်းချီရီးဆွဲရာတွင် ပထမဦးစွာ လိ့ကျင့်ရန်လိုအပ်ရေ အချက် (၃) ချက်မှာ မျဉ်း (Line)၊ အသွေးနုရင့် Tone ၊ ဖွဲ့စည်းပုံ (Composition) ရို့ ဖြစ်ကတ်ရေ။

[1]

ကိုးကား[edit | edit source]

  1. အောင်မြတ်ဌေး - ပန်းချီရီးရာနန့် ပုံဆွဲအခြီခံတိ