Wp/rki/ကာဗွန်မိုအောက်ဆိုက်
ကာဗွန်မိုအောက်ဆိုက်ရေ အရောင်ကင်းပနာအနံ့အရသာ မဟိရေ ဓာတ်ငွေ့ ဖြစ်ဧ။ ရေတွင်ဇကေ့ချေသာ ပျော်ဝင်ဧ။ လီက်ပင်လီးပနာကိုယ်တိုင်မီးင်နိုင်ကေလည်း မီးင်မှုကို အားမပီး ချေ။ အလွန်အဆိပ်ပြင်းထန်ရေကြောင့် ထိုဓာတ်ငွေ့ကို လူ၊ တိရစ္ဆာန်ရို့ ရူရှိုက် မိကေ အသက်အန္တရာယ် ဖြစ်နိုင်ရေ။ ကာဗွန်မွန်အောက်ဆိုက်ဓာတ်ငွေ့ကို သဘာဝတွင် အလိုအလျီာက် တွိ့ရခဲဧ။ မီးတောင်ပတ်ဝန်းကျင်တွင်ဟိရေ လီထဲ၌ အနည်းအကျဉ်းမျှသာ တွိ့ရဧ။ မီးထွန်းရေ ဓာတ်ငွေ့တိတွင် ကာဗွန်မိုအောက်ဆိုက် ပါတတ်ရေကြောင့်၊ ထိုဓာတ်ငွေ့ကို ဇကေ့ချေမျှရူရှိုက်မိကေပင် ဘေးအန္တရာယ် ဖြစ်စေတတ်ရေ။ မော်တော်ကား အိပ်ဇောပိုက်တိမှ ထုတ်လိုက်ရေအငွေ့တိ တွင်လည်း ကာဗွန်မိုအောက်ဆိုက် ပါလာရေကြောင့်၊ လူဟိနိခိုက် မော်တော်ကားကို စက်နှိုးပနာ မော်တော်ကားရုံကို လီလုံအောင် ပိတ်မထားမိရန် အထူးသတိပြုအပ်လီရေ။ ကာဗွန်မိုအောက်ဆိုက်နန့် ကာဗွန်ဒိုင်အောက်ဆိုက်ရို့ ခြားနားပုံမှာ ကာဗွန်မိုအောက်ဆိုက်ဧ မော်လီကျူးတစ်ခုတွင် ကာဗွန်အက်တမ်တစ်ခုနန့် အောက်ဆီဂျင်အက်တမ်တစ်ခုသာ ပါဟိဧ။ ယင်းဧဓာတု သင်္ကေတမှာ CO ဖြစ်ဧ။
ကာဗွန်မိုအောက်ဆိုက် ရဟိလိုကေ မီးသွေးကို လီအလုံ အက် မပီးဘဲ မီးရှို့ပါက မီးသွေးဟိ ကာဗွန်နန့်လီ အတွင်းဟိ အောက်စီဂျင်ရို့ရေ ပူးပေါင်းပနာကာဗွန်မွန် အောက်ဆိုက် ဖြစ်လာရေ။
မီးသွေး + အောက်ဆီဂျင် (မလုံမက်) ကာဗွန်မွန်အောက်ဆိုက် ကာဗွန်မွန်အောက်ဆိုက်ကို ကာဗွန်ဒိုင်အောက်ဆိုက် မှလည်း ရဟိနိုင်ဧ။ ကာဗွန်ဒိုင်အောက်ဆိုက် ဓာတ်ငွေ့ကို ရဲရဲတောက်နီရေ မီးကျီးခဲတိ အပေါ်မှ ဖြတ်သန်းလားစေခြင်းဖြင့် ကာဗွန်မွန်အောက်ဆိုက် ဓာတ်ငွေ့ကို ရဟိနိုင်ရေ။
| CO2 | + | C | = | CO |
|---|---|---|---|---|
| ကာဗွန်ဒိုင် အောက်ဆိုက် | + | မီးကျီးခဲ | = | ကာဗွန်မွန် အောက်ဆိုက် |
ကိုးကား[edit | edit source]