Wp/rki/ကာတိယာနီ
ကောတိယာနီရေ မတုန်မလှုပ်ကြည်ညိုသော အရာတွင် အဂ္ဂ အဝေစ္စ ပသန္န ဧတဒဂ် ရလီရေ။ ကာတိယာနီရေ ကုရရဃရမြို့မှ သူဌေးမကြီး ဖြစ်ရေအလျောက် လောကစည်းစိမ်တွင် ပြည့်စုံလီရေ။ သားအသျှေကိုယ်ဝန်အရင့်အမာနန့် မိဘရို့ထံသို့ လားပြီးကေ မွီးဖွားရန် ကာတိယာနီရေ နေရပ်ဖြစ်ရေ ကုရရဃရမြို့မှ ရာဇဂြိုဟ်သို့ လားရာလမ်းတွင် ဖြစ်ဧ့။ ဟေမဝတနတ်မင်းနန့် သာတာဂီရနတ်မင်းရို့စွာ ဖရားသျှင်ဧ့ ဂုဏ်ကျေးဇူးကို ဆွီးနွီးပြောဆိုသံကို ကြားရရုံနန့်ပင် ဗုဒ္ဓါနုဿတိဘာဝနာနန့် သောတာပန် ဖြစ်ခရေ။ ထိုညမှာပင် သားဖြစ်သူ သောဏကို ဖွားမြင်ခရေ။ အရွယ်ရောက်လာရေအခါ သောဏရေ သျှင်မစွာကစ္စည်း ထံတွင် ရဟန်းပြုခရေ။ ရဟန်းတစ်ဝါအရတွင် မြတ်စွာဖရားသျှင်အား ကာမသုတ္တန် ခေါ် အဋ္ဌကဝဂ် အစဟိသော သုတ္တန်ပေါင်း တစ်ဆယ့်ခြောက်သုတ်ကို ရွတ်ဖတ်ပြရာ ဖရားသျှင်က အသံသာယာစွာ ဟောကြားသောအရာဝယ် အသာဆုံး အမြတ်ဆုံး ဧတဒဂ်ဆုကို ရဟိခလီရေ။
သာဝတ္ထိမှ ပြန်လာသောသားတော်ရဟန်းအား ကာတိယာနီရေ မြတ်စွာဖရား ဟောဖော်ရွတ်ပြရသော တရားတော်တိကို ပြန်လည်ဟောကြားပီးရန် တောင်းပန်ဧ့။ ရဟန်းလည်း ဟောပြရန် ဝန်ခံလီရေ။ ထိုနေ့ညတွင် သောဏမထေရ်ရေ တရားဟောကြားမည်ဖြစ်အတွက်နန့် တရားနာရန် မဏ္ဍပ်သို့ လားလီရေ။ တရားပွဲတွင် တရားနာသူရို့နန့် စည်ကားပနာ ဟိလီရေ။ ကာတိယာနီရေ တရားနာနေစဉ် မိမိဧ့ အိမ်တွင် ခိုးယင်းတိုင်သှျင်များ ဝန်များ ခိုးယူနိန်ရေကို အငှားသမားပါးက ပြောကြားပြီးကေ သိရကေလည်း တုန်လှုပ်ခြင်း အကေးမဟိ။ တရားတော်၌သာ သက်ဝင်လီရေ။ နောက်တနိန့်တွင် ခိုးယင်းတိုင်သှျင်များလည်း ကာတိယာနီဧ့ သူတော်ကောင်းစိတ်ဓာတ်တိကို သိရပြီးကေ သံဝေဂရရားကေ ခိုးထားရေ ဝန်တိကို ပြန်ပီးကာ တောင်းပန်လေဧ့။ တရားနာသောညက ခိုးသူထဲမှ တစ်ယောက်ဖြစ်သူစော် ကာတိယာနီဧ့ နောက်တွင် ဟိနေခလီရေ။ ကာတိယာနီရေ ခိုးစော်ကို သိပြီးကေ အိမ်ပြန်လာခပါက သတ်ဖို့အတွက် ဖြစ်ရေ။
ထိုနေ့ညက အသျှင်သောဏဧ့တရားကို နာကြားရအနိန်နန့် ခိုးသားငါးရာရို့လည်း ရဟန်းပြုကြအနိန်နန့်အရဟတ္တဖိုလ်သို့ ဆိုက်ရောက်ကြလီရေ။ မယ်တော်ဖြစ်သူ ကာတိယာနီစော်လည်း သာသနာတော်ကို မတုန်မလှုပ် သက်ဝင်ယုံကြေရေအရာတွင် အသာဆုံး အမြတ်ဆုံး ဧတဒဂ်ဆုကို ရဟိခလီရေ။[1]
ကိုးကား
[edit | edit source]- ↑ မလေးငြိမ်. အဆင့်မြင့် ဗုဒ္ဓဘာသာဝင် အမျိုးပုေချများ.