Wp/rki/ကလင်ဂွန်ဘာသာ
The Klingon language (Klingon: tlhIngan Hol) ရခိုင်ဘာသာအားဖြင့် ကလင်ဂွန်ဘာသာစကား ရေ စတားတရက် ဇာတ်ကားတိတွင်ပါဝင်ရေ ကလင်ဂွန်တိပြောဆိုသုံးစွဲရန်အတွက် တီထွင်ထားရေဘာသာစကားတစ်မျိုးဖြစ်ရေ။ ၎င်းဘာသာစကားရေ တီထွင်ထားရေဘာသာစကားဖြစ်သည့်အတွက်တစ်နည်းအားဖြင့်ဆိုလိုစွာမှာ၎င်းဘာသာစကားကိုအသုံးပြုရေနိုင်ငံဟူ၍မဟိသေးချေ။ လူတဖဲ့ချေသာကေ ကလင်ဂွန်ဘာသာစကားကို ကျွမ်းကျွမ်းကျင်ကျင်ပြောဆိုနိုင်ရေ။ ကလင်ဂွန်ဘာသာစကားအင်စတီကျု့ ရေကလင်ဂွန်ဘာသာစကားကိုသင်ကြားနီရေသူတိကိုအကူအညီပီးနေပါရေ။
သမိုင်းကြောင်း
[edit | edit source]ပထမဦးဆုံးကလင်ဂွန်စကားလုံးတိကို ၁၉၇၉ တွင်မင်းသားဂျိမ်းဒိုဟန်ကတီထွင်ဖန်တီးခရေ။ ၁၉၈၄ခုနှစ်တွင်တတိယမြောက် စတားတရက် ဇာတ်ကားကိုတီထွင်ဖန်တီးရေအခါ ဂျင်းရိုဒန်ဘယ်ရီရေတကယ့်အစစ်အမှန်ရုပ်လုံးပေါ်ဘာသာစကားကိုတီထွင်ရန်ဆန္ဒပြင်းပြခရေ။ ယင်းချင့်ကြောင့် ဘာသာဗေဒပညာသျှင် မာ့အော့ရန်းက ကလင်ဂွန်ဘာသာစကားကိုတီထွင်ဖန်တီးခရေ။ သူရေ ကလင်ဂွန်ဘာသာစကားနန့်ပတ်သက်ရေစာအုပ်အများအပြားကိုလည်း ရီးသာပြုစုခရေ။
သဒ္ဒါပိုင်းဆိုင်ရာအချက်အလက်တိ
[edit | edit source]ကလင်ဂွန်ဘာသာစကားရေ ပြောဆိုရာတွင်လွယ်ကူသည့်အတွက်ဘာသာစကားတီထွင်သူဘာသာဗေဒပညာသျှင် မာ့အော့ရန်းရေဘာသာစကားကို တတ်နိုင်သမျှရူပ်ထွီးပြီးအသံထွက်တိကိုလည်း ပြန်လည်ပြင်ဆင်ခရေ။ ဘာသာစကားစကားလုံးတည်ဆောက်မှုပုံစံရေ ကံ+ကြိယာ+ကတ္တားဖြစ်ရေ။ မြန်မာဘာသာစကားအရ ကျွန်တော်ကြောင်ကိုမြင်ရေ ရေ ကလင်ဂွန်ဘာသာစကားအရ ကြောင်ကို မြင်ရေ ကျွန်တော် ဖြစ်ရေ။
ကလင်ဂွန်ဘာသာစကားရေ စကားလုံးတည်ဆောက်မှုတွင် ဝဏ္ဏစနစ် ကို အသုံးပြုထားပြီးစကားလုံးတိဧနောက်တွင်လည်းကောင်း၊ ရှေ့တွင်လည်းကောင်း တွယ်ကပ်ကာ ပြောဆိုသုံးစွဲခြင်းဖြစ်ရေ။
| Klingon | English |
|---|---|
| qet | run |
| maqet | we run |
| maqetbe’ | we do not run |
အရီးစနစ်
[edit | edit source]ကလင်ဂွန်ဘာသာစကားကိုရီးသားရာတွင် အချို့ရေစကားလုံးတိကို လက်တင်အက္ခရာကြီးဖြင့်ရီးသားပြီးအချို့ရေစကားလုံးတိကိုအက္ခရာအသေးဖြင့်ရီးသားလေ့ဟိရေ။ ၎င်းစနစ်ရေ စကားလုံးတိကိုကွဲပြားစွာပြောဆိုကေလည်းပြောင်းလဲခြင်းမဟိပါ။ အောက်တွင်ဖော်ပြထားရေတိရေ ကလင်ဂွန်အက္ခရာတိဖြစ်ရေ။
- a b ch D e gh H I j l m n ng o p q Q r S t tlh u v w y ’