Wp/rki/ကမာကူရ ဗုဒ္ဓရုပ်ပွားတော်
ကမာကူရ ဗုဒ္ဓရုပ်ပွားတော်(ကိုးတိုကုအိန် (高徳院){{#ifeq:|) ရေ ဂျပန်နိုင်ငံ၊ ကမာကူရမြို့မာ တည်ဟိပြီးကေ၊ ဂျပန် ရောက်လူတိုင်း လားဖူးရေ ဗုဒ္ဓ ရုပ်ပွားတော် ဖြစ်ရေ။ ကမာကူရမြို့ရေ ကျေးလက်မြို့ ဖြစ်ကေလေ့သောက် အလွန် ဖွံ့ဖြိုးပြီးကေ၊ တိုက်တာတိ ခေတ်မီလှပပနာ ပေ ၂၀ အကျယ်ရာ ဟိရေ လမ်းတိက ညီညာ ပြန့်ပြူးပနာ သန့်ရှင်းရေ။ အများဆုံး ၁၀ ပေခန့်ရာ ဟိရေ ပလက်ဖောင်းတိကို ကျောက်ပြား စစီရရီ ခင်းထားပနာ သပ်ရပ်ရေ။ ယင်း ကမာကူရမြို့သို့ တိုကျိုက ရထားစီးရပြီးကေ၊ ဘူတာရုံက ဘုရားကြီးသို့ လမ်းလျှောက်ကေ နာရီဝက်၊ ဘတ်စ် စီးကေ ၁၀ မိနစ် ကြာရေ။
ဘုရားသမိုင်း
[edit | edit source]ခရစ်သက္ကရာဇ် ၁၂၄၃ မှာ သစ်သားနန့်စတင်ပြီးကေ ထုဆစ်ကိုးကွယ်ရေ ကမာကူရဘုရားကြီးစွာ ၁၂၄၈ မှာ လီမုန်တိုင်းကြောင့် တန်ဆောင်းတော်နန့် ရုပ်ပွားတော် ပျက်စီးလားပနာ ၁၂၅၂ မှာ အဂု ကြေးသွန်း ဗုဒ္ဓရုပ်ပွားတော်ကြီးကို တည်ထား ကိုးကွယ်ရေနီရာ၊ ၁၂၁ တန် (ပေါင် ၂,၇၄,၄၂၈) [1]လေးရေ။ အမြင့် ၁၃.၃၅ မီတာ (၄၃.၈ ပေ)၊ မျက်နှာတော် အရှည် ၂.၃၅ မီတာ (၇.၇ ပေ)၊ မျက်စိတော် အရှည် ၁ မီတာ၊ ပါးစပ်တော်အရှည် ဝ.၈၂ မီတာ (၂.၇ ပေ)၊ နားရွက်တော်အရှည် ၁.၉ မီတာ (၆.၂ ပေ)၊ ဒူးနှစ်ဖက်ထိပ် ၉.၁ မီတာ (၂၉.၉ ပေ)၊ လက်မတော် လုံးပတ် ဝ.၈၅ မီတာ (၂.၈ ပေ) ဟိရေ။
ကြေးကိုသွန်းရေ ဒေဆင်းတုတော်ကြီးကို ရုပ်တုဆရာ အိုနိုဂိုရိုအေမှန်နန့် ထန်ဂျီဟိစမိုရို့က အမျိုးသမီး ဣဓနိုနိက္ခုနေနန့် ရဟန်းတော် ဂျီကိုရို့ဧ စီခိုင်းချက်အရ သွန်းလုပ်ရေ။ ဆရာတော်ရေ ရုပ်တုတော်ကြီး သွန်းလုပ်ဖို့ မူလကြံစည်သူဖြစ်ရေပြင် အထက်က အမိုးအကာ တန်ဆောင်းဆောက်ခြင်းနန့် လူအများ ကုသိုလ်ပါဝင်ဖို့ အလှူငွေ ကောက်ခံခြင်းကို ပြုခရေ။ ခရစ်နှစ်-၁၄၉၅ ဒီလှိုင်းကြီးရေအဟုန်နန့်တန်ဆောင်းကြီး ပျက်စီးမျောပါလားကေလည်း ပလ္လင်ထက်မှာ ကျန်ခရေ ရုပ်ပွားတော်ကြီး ထိခိုက်ဒဏ်ရာ လုံးဝမရဟိပါ။
ခရစ်နှစ် ၁၉၂၃ စက်တင်ဘာလမှာ ငလျင်ကြီး လှုပ်တေအခါ ပလ္လင်တော် တစ်စိတ်တစ်ပိုင်း ပျက်စီးကေလည်း ကိုရုပ်ပွားတော်မှာ တစ်စုံတစ်ရာ ပျက်စီးခြင်း မဟိပါ။ ပလ္လင်ပျက်ကို ခရစ်နှစ် ၁၉၂၆မှာ ပြင်ဆင်ရေ။
ရာသီဥတုဒဏ် ကာကွယ်နိုင်ဖို့ တန်ဆောင်ကြီးကိုဆောက်လုပ်ခကေလည်း၊ ၁၃၃၄ မှာ မုန်တိုင်းဒဏ်ကြောင့် တန်ဆောင်းကြီး ပြိုကျလီပြန်ရာ၊ ဗုဒ္ဓဘာသာဝင်တိ အားမလျှော့ဘဲ အသစ် ပြန်ပနာ ဆောက်လှူပါရေ။ ၁၃၆၉ မှာ လီမုန်တိုင်းဒဏ်ကြောင့်နန့် ထပ်ပြီးကေ ပြိုကျပြန်ရာ၊ ဂျပန်ပြည်သူတိ ထပ်ပြီးကေ ဆောက်လုပ် လှူဒါန်းကတ်ပြန်ရေ။ ၁၄၉၈ မှာ ငလျင်နန့် ဆူနာမီကြောင့် တန်ဆောင်းကြီး ပျက်စီးကေလည်း၊ ကြီးသွန်းရုပ်ပွားတော်ကြီးကတော့ခါ ဂနိထိအောင် ပြင်လည်ခေါင်မာ ထီးထီးကြီး ရပ်ကျန်ခလီရေ။
ခရစ်နှစ် ၁၉၆၀-၆၁မာ ပြင်ဆင်ကတ်ရေအခါ ဦးဆောင်းတော်ကြီး အလီးကို ခံနိုင်ဖို့ လည်တိုင်တော် တိစွာ ခိုင်မာစီခြင်း နန့် ငလျင်လှုပ်ချိန်တိမာ ပလ္လင်တော် ထက်က ကိုယ်လုံးတော်စွာ တဖဲ့ချေ လှုပ်ခွင့်ရခါမှ ဆောင်းဒဏ်ကို ခံနိုင်ဖို့ ဖြစ်ပနာ ယင်းပိုင် လှုပ်နိုင်အောင် စီမံခြင်းရို့ ပြုလုပ်ထားရေ။
ထူးခြားချက်
[edit | edit source]ဝိပဿနာ ကမ္မဋ္ဌာန်း ဈာန်ဝင်စားနီရေ ပုံစံ ကမာကူရ ရုပ်ပွားတော်ဧ ထူးခြားချက်ကတော့ခါ မြန်မာနိုင်ငံကကမ္မဋ္ဌာန်း ရုပ်သျှင်တော်တိပိုင် လက်ဝါး နှစ်ဖက်ကို ထပ်မထားဘဲနန့် လက်ချောင်းတိကို 'ထ'ပုံစံ ကွေးထားပနာ လက်မထိပ်ချင်း ထိထားခြင်း ဖြစ်ရေ။ ဘုရားကြီးရေ ငလျင်ဒဏ်၊ ဆူနာမီဒဏ်တိကို ကြံ့ကြံ့ခံလာစွာ၊ ၁၉၂၃ ကန်တိုငလျင်ကြီးမာ ဘုရားကြီး ပလ္လင်တော် ပျက်စီးပြီးကေ ၁၉၂၅ မှာ ပြန်ပနာ ပြုပြင်ရရေ။
ဘုရားဝင်းအတွင်း ဝင်ရောက်ဖို့ တယောက်ကို ယန်း ၃၀၀ ပီးရပြီးကေ ပြည်တွင်း ပြည်ပ ဘုရားဖူးတိ အားလုံး လက်မှတ် ဝယ်ရရေ။ ပြတိုက် ဝင်ရောက်လိလာ လိုကေယန်း ၂၀၀ ဖြစ်ပြီးကေ၊ ဘုရားကြီး ပုံတူ ရုပ်ပွားတော်တိ၊ ဓာတ်ပုံတိ၊ ပန်းချီကားတိ ရောင်းချပီးရေ အမှတ်တရ အရောင်းဆိုင်တန်းက သုံးလက်မ သတ္တုရုပ်ပွားတော် တဆူကို ယန်း ၁၂၀၀ (မြန်မာငွေ ၁၀,၀၀၀ ကျော်) ဖြစ်ပြီးကေ ကိုးကွယ်ခကေ ဘေးဥပဒ်ကင်းရေလို့ နိုင်ငံခြား ဘုရားဖူးတိုင်းက ယုံကြည်ကတ်ရေ။ မြန်မာနိုင်ငံမာ ရွှေတိဂုံစာတီတော်၊ မဟာမြတ်မုနိဘုရားကြီး၊ ပုဂံယဉ်ကျေးမှုနယ်မြီ စရေ နီရာ တဖဲ့ချေမှာရာ ဝင်ကြေး ကောက်ခံပြီးကေ ပြည်တွင်း ဘုရားဖူးတိ အခမဲ့ ဖူးမြော်နိုင်ကေလည်း ဂျပန်နိုင်ငံမှာ ကမာကူရ၊ နာရာ၊ အူဟိကု စရေ ဗုဒ္ဓဘာသာ ဆိုင်ရာ ရုပ်သျှင်တော်တိ၊ ဂျပန်ရိုးရာ ဘာသာရီး ကျောင်းတော်တိ၊ ပြတိုက်တိ၊ အပန်းဖြေစခန်းတိပိုင် အခမဲ့ လုံးဝ ဝင်ခွင့် မရဘဲနန့်၊ ပြည်တွင်းပြည်ပ ဘုရားဖူးတိကို ဝင်ကြေးကောက်ခံပြီးကေ နိစဉ် ဘုရားဖူးတိနန့် စည်ကားရေ။[2]
ကိုးကား
[edit | edit source]