Wp/rej/Indonesia

Indonesia, gen resmi nê Republik Indonesia, ade ba nêgrai kepulauan nêak Asia Tenggara, nêak litas ga'is khatulistiwa ngên antaro bênuo Asia ngên Oseania. Karno o nêgrai io ade ba nêgrai litas bênuo. Luyên igai, nêgrai io ade neak antaro duai samudro, Samudro Pasifik ngên Samudro Atlantik.

Indonesia ade ba nêgrai paling luas ke-14 ngên kulo nêgrai kepulauan paling lai, sêklai 1.904.569 km². Indonesia kulo ade ba nêgrai ngên pulêu paling dau ke-6 nêak dunio, ade 17.504 pulêu. Gen luyên utuk kepulauan Indonesia ade ba Nusantara. Luyên igai, Indonesia kulo ade ba nêgrai gi adê penduduk paling dau ke-4 nêak dunio, ade 275.344.166 jiwo tnitung nêak taun 2022, ngen nêgrai gi penduduk nê paling dau beragamo Islam sesudo Pakistan, gi penganut nê lêbiak kunêi 244 juta jiwo, skitar 87.1%. Indonesia ade ba nêgrai multiras, multietnis, ngên multikultural nêak dunio, awêi Amerika Serikat. Indonesia bêbatas nêak darat ngên Malaysia nêak Pulêu Kalimantan ngên Sebatik, ngên Papua Nugini nêak Pulêu Papua, ngên Timor Leste nêak Pulêu Timor. Nêgrai gi bêbatas ngên laut ade ba Singapura, Filipina, Australia, Thailand, Vietnam, Palau, ngen Kepulauan Andaman ngên Nikobar, India.

Indonesia ade ba nêgrai kesatuan gi betuk pêmêritêak nê ade ba republik. Dasar nê ade ba Undang-Undang Dasar Negara Republik Indonesia Tahun 1945 (UUD 1945)