Wp/rcf/Blockchain

Inn (ou In) Blockchain, ou Shèn dé blok, lé inn téknolozi dé stokaz é dé transmisyon dinformasyons san zorgan dé kontrol. Téknikman, i sazi d'in data baz distribué bann' zinformasyons lé anvoyé par lo bann' zitilizatèr é lo bann' lyin intèrne dann baz, lé vérifié é groupé a zintèrval dé tan régilié an blok, forman inn shèn. L'ansanm lé sékurizé par Kryptografi. Par ékstansyon, inn shèn dé blok lé inn data baz distribué li zèr inn list danrogistroman protézé kont la falsifikasyon ou la modifikasyon par lo nœu dé stokaz ; li dovyin in rézistre distribué é sékurizé pou tout lo bann' transaksyons éfèktié dépi lo démaraz di systèm.

I ékzist inn analozi ek lo rézo Internet, paské dan lé dé ka lo téknolozi i anplwa bann' protokol informatik lié ek in linfrastriktir désantralizé. Internet i permèt dé transféré lo bann' blok dé data d'in servèr "sir" o bann' klians distan (somanké sarz o destinatèr dé vérifié lintégrité dé data transmi), alor k'in blockchain i permèt an « konfians » di établir ant dé zazan distin di systèm. Avèk lo tèknolozi blockchain, lo « tiers dé konfians » dovyin lo systèm li-mèm : shak zéléman réparti d'si lo blockchain kontyin tout zéléman nésésèr pou garantir lintégrité dé data éshanzé (par in lalgoritme kryptografik).