Wp/rap/Tapati Rapa Nui
Tapati me'e riva-riva.
Te Ha'amata ote Tapati Rapa Nui[edit | edit source]
I te matahiti ho'e ta'utini iva hanere, ono ahuru ma va'u te Tapati Rapa Nui ra'e i poreko ai. O te Tavana henua o ra hora i ha'amata te anga nei mo haka hio hio e mo hapi ki te nga poki ite me'e tupuna o Rapa-Nui.
Rau Huru Te Anga[edit | edit source]
Kai-Kai[edit | edit source]
Te Kai-Kai me'e haka ara tuai ote Matamu'a. I te hora tahito te tangata 'e pata'uta'u era ite kai-kai mo 'a'amu e mo ma'u aau ite me'e tuai.
Tunu Kai[edit | edit source]
Haka Mata'ta'i ite 'ite ote tiare e ote tumu.
Takona[edit | edit source]
Te Takona e paru ena hai ki'ea to'o mai, mai te rauhuru ote kona i Rapa Nui. E ai rō ana te ki'ea tea-tea, uri-uri, mea-mea e touo māmari..
Tau'a Rapa Nui[edit | edit source]
Te Tau'a Rapa Nui me'e tahito ote Kainga. Te 'a'ati nei e anga nei i roto o Rano Raraku. Te repa 'a'ati e uru ro ana ite hami kio'e, ko takona ana i to'ona hakari. Te repa 'a'ati he hoe ite vaka ama here hai nga'atu. Ki vari te tahuti ana ote rano he tahuti a te titi ote vai i roto ite rano. I te rua pa'enga ote rano he rere ki ruga i to'ona pora e he kau mai e pae hanere metera mo tomo ki te re.
Tingi Tingi Mahute[edit | edit source]
Te Tingi Tingi Mahute me'e anga ete nga vi'e. He ūru te nga uka ite raua kahu mahute o huru huru e he haka hepe'e i runga ite 'o'one. He tari mai raua ite raua mahute ko tape ana e ite raua miro tingi tingi, e peira ana te raua puku taka taka.
Hatu ite Moenga[edit | edit source]
Te 'a'ati ote hatu pe'ue e anga ena ete nga vi'e. Etahi o erua tapati ki te 'a'ati nei he pae te nga vi'e e hore mai e he haka taka taka ite raua nga'atu mo haka mae mo te 'a'ati nei. I te mahana ote 'a'ati hokorua nga vi'e e haka pa ena mo hatu ite raua moenga
Pei Amo[edit | edit source]
I runga ite ma'unga era ko pu'i te tangata e pae ena mo Haka Pei. E ho'e hanere, e piti ahuru metera te roa ote ma'unga nei e haka pei mai ena te tangata. He haka haro te tangata ite raua huri hai hoi ki te potu o Pu'u, e i runga e haka pa ena erua huri mo eke o ou mo noho o mo moe i runga. I te hora ote 'a'ati he tono mai ia koe e tetahi mai runga e he nini he oho koe a ka topa ro ki te titi o raro ote ma'unga.
Koro Haka Opo[edit | edit source]
Te Koro Haka Opo 'a'ati nehe nehe e reka takoa. Te koro nei e anga nei i Hanga vare vare. Rauhuru te himene tuai e api e himene nei e takata. He haka taka taka erua pa'ea ote hua'ai he ūru te raua kahu nehe nehe e he ha'amata te himene ra'e. He himene te pa'enga ra'e etoru himene e he himene atu te rua pa'ega a ta ki te hora ke no atu o te popohagna.
Riu[edit | edit source]
Te 'a'ati nei ote Riu e anga ena i runga ite ahu koro i Haga Vare Vare. I te po era ote himene he e'a mai te ruru tangata e nga vi'e he himene mai ite raua Riu. Te Riu he tangi, he aro, tangi manava mate (ate manava mate) o he maururu.