Wp/rag/Main Page
KING'ANG'A CHĀLUMA ZISĀGA ILIDAKO Luganu lwa Lologoli
Kíng'ang'a chātula mú Kígulu wa Misāngo (ní wakavíta Íkílīngili) ma ní chītuluka ní kîza Íviyalo.
Avāndu vāganaganā ní ísúkíli ya umusūngu.
Chāmanya ní kenyōla vāndu vavaga ní vagēndā Íviyalo. Vāli Zisāga, Esemere, na Anzēze. Kíng'ang'a zana chāmanya ní kíruma Zisāga Lidako.
Kerenge chasola Esemele. Yīlyāva ni anyōla musāla ma ni alāndāla ku. Anzeze naye yīsyāval'la ímiriviti nazia kovōlera umusungu wālāngwā, Mabili (Mr. Peers) ndí "Íkíng'ang'a chālí kuluma Izisāga ílidako".
Mabili, nōnoho, yāvugula umudūngu gwigwe ma ní anīna ku ísúkíli yēye, ya yāza nayo kutula engereka. Mabili yāmanya ní agílīndul'la ízimbíru, ní ahavîna kosōla Esemere na Zisāga.
Ísukíli, yāzana, yāmanya ítazukí ímiliviti, ikadūminya lugûchi, ní egoma na ni izala, ehēnzīzi mabiri Íviyalo, na mabiri ūgíhāndi ku mugōngo, nguha kunu! Ivisāla vikam'mēya mu zingeli lugûchi mu chōle...
Lwa ísúkíli yātazā na ni itāmbāgira, zimbagayu zya yo zyādûmûla hasi luguchi ni ludûma ínyima wa yatula. Ulugûchi lwafwanā umwochi mwakanyu gwa umwîngisi.
Mabiri yāmanya anyole king'ang'a ní kegoni hāsí ha umúsāla gwa Esemele yālí ni anīni ku ma ní akirasa lisāsi, ní kíkúza.
Yākígînga ní azya kukívāga ní yūminya ekesēro ma ní akeromba ní kífwāna kíng'ang'a kevēye mwōyo.
Avāndu vāmanya ní vatya kuzya wa Mabiri kíjira vāganaganā kíng'ang'a cha yalomba kutula ku kesēro kíkírí mwōyo. Avandu vamanya ní vavōl'la Esemere ndi yahononokera kedete chā ndulu. Ndí lwa íking'ang'a chāgona hāsí, chālí ní kírîndā kenyōle amīnyāli manyingi mu lisumāni lya cho ma chāli chīnyale ku mukila gwa cho ma kiramīzul'la Esemele nave ku musala. Aminyali gali gamuzīnazīní (gamuzūní) kudūka alāguluka kugwa hasi ma alava ikilivwa chi king'ang'a
Zisāga na Esemere vāli ní vagēnda na vwaha wūndi?
Wikipedia, The Free Encyclopedia[edit | edit source]
This is the test Wikipedia in the Logooli language
To create a Wikipedia article in Logooli, type its name after "Wp/rag/" below, and click "Create a new article".
Thank you for your contribution to the Logooli Wikipedia Incubator!