Wp/qug/Lucio Gutiérrez

From Wikimedia Incubator
< Wp‎ | qugWp > qug > Lucio Gutiérrez
Jump to navigation Jump to search
Lucio Gutiérrez

Lucio Gutiérrezka (Quito, 23-3-1957 - ) shuk Ikwadur llaktamanta awkakmi, pulitiku runapashmi kan. Payka 2003 watamanta, 2005 wataman, Ikwadur Mamallaktata Pushakmi kaparka.

Payka 2000 watapi CONAIEwan hatarirka, Jamil Mahuad surkunkapak, shinapash Jamil mahuad surkushkami kakpika, awkak suyuka paykunata kutin surkurka, chaymanta Gustavo Noboa Mamallakta Pushakmi karka. Gutierrez tiyuka karsilpi sukta killapi tiyarka. Chay kipa, CONAIE tantanakuyka, Pachakutik partidukapash yanashpami, 2003 watapi payka Mamallakta pushak akllashkami karka. Payka Pachakutikwan, CONAIEwanpash Ikwadur mamallaktata kamarka, Nina Pacari pushakka, Luis Macas pushakkapash paypa ministrukunami karka. Shinapash, sukta killaka yallikpika, Gutierrez paykunata Gobiernomanta surkurka. Chay kipa, 2005 watapi, shuk hatun katariymanta, Gutierrez karu llaktaman llukshirka, chaymanta paypak vice-presidente Alfredo Palacio pushakka mushuk Mamallakta pushakmi tukurka.