Wp/quc/PUK RECH LE KAYOT, LE XAR XUQUJE LE IXPEQ

K’o jun mul jun kayot, jun xar xuquje jun ixpeq sib’alaj e utz taq awaj chub’il kib’, jelik ri ki k’aslemal pa le k’achelaj.

Xuriqa jun q’ij xub’ano nim jab’ konojel le waj xkitzukuj jawi xkowajwi kib’, are xkitzaq kib’.

Xuriqa jun q’ij xkiriq kib’ pa le k’achelaj sib’alaj ke kikotik, teri xkichaplej uchomakik jas ka kib’ano, xaq jeri ka kiriq taj le ub’eyal le ki k’aslemal.

K’o pari uk’ux ri kanima’ chi kakaj kib’.

Xpe le kayot xub’ij chuj tzijonoq xcha, xt’uyik puwi le jun che’

Ri in xcha le kayot kawaj kuj k’ojik pa le k’achelaj xa rumal che utz kinwilo le keqiq’, le tew xuquje saq tew.

Xpe le xpeq xub’ij ri in kawaj kuj k’ojik chuchi le ja’ xarumal che utz kinwilo le muxanik,

Le xar xub’ij ri in kawaj pa le k’achelaj xarumal che utz kinwilo kinwowaj wib’ pa le uxaq le che’, b’ixonik xuquje kinb’ano le wachoch pa le uq’ab’ le che’.

Xpele le kayot xub’ij we kaqaj kuj k’ojik junam rajawaxik kqa chomaj le utzilal chaqe qonojel, ri in utz taj kinwilo le ja’, rumal iwech kinb’an le un chuq’ab’ kin k’ojik iwuk’ chuchi le ja’.

Le xpek xuchomaj pa le k’achelaj kawaj taj xarumal che chila rachoch le kumatz, ri in kinxij wib’ che le kumatz, kinchomaj we in k’o iwuk’ k’o ri nu chuq’ab’ xcha chike.

Le xar xub’ij j ri in k’amaninaq chuwe kin rapinik pa le k’achelaj xuquje pa le keqiq’, rumal che kixwaj kinya kanoq le nuk’aslemal xcha chike.

Le oxib’ xetzijonik che uya’ik ub’eyal le ka kib’ano.

Xpe le jun nim laj awaj putzupik rij xub’ij chike, jawi k’owi le wachoch sib’alaj jelik chila k’o k’achelaj, rojon jawi ka kunwi le xpeq kamuxanik, k’o k’achelaj jawi kakunik ka wakatwi le kayot xuquje k’o sib’alaj che jawi utz kub’an rachoch le xar, konojel ke kikotik xkib’ij xib’ajal jelik wa k’o ri awachoch xe chache.

Le nim las awaj putzupik rij xuk’amb’ik, konojel le awaj choch le rachoch, are’ ke kikotik ya rumal che xkitzaq taj ri utz kakilo, xane xkiriq jun utz laj kachil chik.

Konojel ke kikotik.