Wp/quc/LOQ’ALAJ IQ’

Loq’alaj iq’

Matzenel chech ri wanma

je'lik saq'ij tajin kub'an pa ri uwach ulew

loq’olaj iq’

Chajinel wech pa ri q’equ’mal

k’o jujun taq mul chi noijim, nojim katb’inik

Necher at nab’e chi nuwach.

k’o jujun taq mul chi aninaqil  katb’inik, kinaya kanoq

Necher xaq katzetz’an wuk’.

k’o jujun taq mul chi sib’alaj katak’i’ awoyowal

necher xaq katxub’anik.

¡Amalay! ¡loq’alaj iq’!

Kkam b’a ri wanma me man at k’o ta ruk’

Koq’ b’a ri nub’aq’wach we man katril chik

Kb’ison b’a ri nutza’m we man katuk’ok’aj  ta chik

Loq’alaj iq’ uchuq’ab’il nuk’aslemal

matzenel chech ri wanima

loq’alaj iq’ k’ate kqajach qib’ wa’

we man xintzalij ta chik.

Ajtz’ib’: Federico Tuy.