Wp/pyu/tu aputr dra pinuyumayan

tu aputr dra pinuyumayan

an kapawayan dra amiya, a puyuma i paseket penadan paredek dra miaputr, a babayan i miaputr elra, an penadang driya i adriadri miaputr dar. a mainayan i an adri penauwa dra pauwayan i adri miyaaputr elra. a aputr i puyuma i sadru tu pauwayan, dra puwaruma, dra kirtrubung, dra masangalan, dra pawateg aw dra may sayisatr. a babayan dra puyuma i a lralrak drya i meladaladam lra emupitr dra aputr, an mikatawguin lra i malradram lra menay kan tu saba aw dra kuwarabakan, kemay dra lealrak driya dra akanan, dra kalradraman, dra markamenimeni dra parpauwayan, dra ka imaranan, dra daamayan uniyan dra nilapusan i a babayan dra puyuma kemata. kemay kana umupidr dra aputr i asuwa driya i a kaaputran garem lra i sadrulra a markamenimeni a padrulun dra kaaputran, malangutr asuwa dra trau i amau na uniyan driya dra markanimeni dra manay, aw taytaw na demaway dra tu puwananay i ruma kantaw kalraayan driya aalakan dra dadawayan, garem lra i, sadru lra a maruwa padrulun aw malangutr lra dra manay, salaw ta lra kalraaya dra waribaawan, mubalis lra a pauwayan i natu nilrangan dra temuwamuwan driya salaw bulay a lralre pusandray. pauwayan dra ka adru dra trakubakuban i tu kalraayan malradram dra kakuwayanan amun mulremes ta pauwayan. kema tu lremak. amauna ta dawayaw a palaladaman a lralrak, garem i sadrutu takakesian an adrita kemedrekedreng na drekalr demaway. dra laladaman i kaulita temuludr kanta trungutrungulran.