Wp/pyu/ruvk na ngaiyan
aeman na “tu ruvuk na ngaiyan”, iini na kakuwayanan mu, kemay i Nuzilang kana Mori ta mauwan, parudang di padangar kana rumaruma’an, demaway di parahan kana “yuciyan a takesiyan” i dekadekalran. alra kana ’inava di penauwa kantu pauwayan, di pinakapadangar, maruwaya pawaduka kana marsasan na kalramalramanan na dinkalranan, paduwaduk panadaman kantu ngai.
1982 ’ami mu parahan kana inganguwayan na”miruvuk na ngaiyan” i yuciyan, pananadam peniya kantu ngai a Mori, tu apucaw na ngai peniya di tu panadamaw di dawayaw maresana katu kinkaduwan i dekalr kantu takesiyan, maresan kaadu kantu ruma’ruma, sadadeku nu kadu ta kadu.
say mitu vu’enin diya na lralrak mu, tu pananadamaw kantu ngai, padalraman kantu kakuwayanan di bunga, salaw ’inava tu pinipailranan na sinsi, di palru kana ltalruwac ’ami na lralrak mu, maruwaya menanadam kantu ngai na Mori di Ego.
kanata i Taiwan na nguwayan parahan kana ”ruvuk na ng aiyan” mu, mawu nanta lakad i Taipei na sehu na Yancumin, mau i孔文吉立委inguwayan kemedeng kanta mapiya na Yancumin. alra adu diya mu, mawu i Taipei na Yancumin sehu i lakad na主委, mukuwa mulikapa di muwalruwalru mena’uwa kumudaya panadam kantu ngai, di kumukuda semukun patikerid kantu ngai, semalra palru kana 90 ’ami pitu vulan mu, tatena’ parahan da “ruvk na ngaiyan“, di maruwa panadam patakesi kanta ngai na sinsi kana lralrakan.
na mupana diya i takesiyan menadanadam kanta ngai na cauwan mu, kemay kaytayan nanta lralrakan, palru harem, adi ripidan a vulan mu, markasadusadu lra na menanadam kanta ngai. marengay na micepa kanini na kiyakarunan mu, kemay patpulu’ cau palru harem iwaywaya leman na temakakesi, markasadusadu lra na mupana. ulra nanta mauwan lra di na Pairang lra di na Valraka lra, na Rutiya lra…. ).
ualra nu eman, ma’ari’ari kana senayan lra, na ayupan ngaiyan, na vativati, na vavalrayan, nu kemadu mu, maruwaya pakaareked, paka’inava kanta ngai. say na punapunan a samawan mu, padukduk demaway kana wadukan, di pakadalram kanta kakuwayanan na eman diya. kumudaya ta paka’inava kanta ngai mu, ulra tu piniangeran a aapat kakudain.
pukaisa ” marayas ta salrangan kanta ma’idangan
madayadayar, amanan na maiira nu pamelri ta marengay.”
pukaduwa ”semenaya ta kanta senay na Pinuyumayan, pakadalram kanta piningaiyan.”
pukatelu ”nu pacapa ta ’uridan mu, kiwmalr ta kana rima’enan di na sinsi di na sayhu kanta ngai na mauwan, amana na ma’ira.
pukaapat “ta surumetaw miyup di venavalray kanta piningaiyan di, pakinger ta kana sinsi lra, na ma’idangan lra…nu kemani ta pangecengec di sa urimet menanadam, adi ripdan na wari mu, kasayhuwan u lra kinger di marengay kantapiningaiyan na kasavakan kema ku.
palru harem na kiyakarunan kana ngai munanayung diya, duwapulu’ ’ami lra tu patikedir kanta kakuwayanan, di masamasalr purkedang mucuur ta piningaiyan, kaadiadi parkudakuda di pakadalram kanapuyungan.