Wp/pyu/misaur na babayan melratudr

misaur na babayan melratudr

a dawa i drekalr dra punuyumayan i pukasa padrangal tu lregiyan. asuwa drya i miyadawa ta peniya sadrekalr an pubini ta dra dawa, i adri driya makabetraan wari i temelriyu lra aw mungsalr ta lra melratudr. an mubilin ta dra kinuretan dra wari pasekadr i kema, aw pusaur a maidrang i drekalr. an mungsalr driya i patrutru kana wawariwari kan makadalan i gemgilr peniya tu kawang kana miyasaur, na trakubakuban i mibasak dra lawas patreketrekel turanub kana sinugayan, paredek dra semekadr peniya i drekalr. muwasasalr a pauwayan lra i idri na bulay na kakuwayanan i ta trungulray ta lrepusaw. idri na kakuwayanan i a kemay bulredrengan dra temuwamuwan driya, a ladaladaman dra mapulrapulrang dra marpaladam dra wadawayan murekes i drekalr. a drekalr i punuyumayan i na babayan na mainayan i ulraya tu kuri trepatrepa a kiyakarunan aw a babayan i demikes dra sabak. an mugamut na babayan i muka kitrakera na mainayan nantu paka semangalan kana sinugayan tu dadalan lra mar balyu i likudran.