Wp/pyu/mar’ari’ari

pukamavuca’an misama’ a iwa kaderunan na Taihaku na temakakesi na mar’ari’ari mu, mawu i Taiwan Taipei na micepa demikes marpakuwakuwam. tu pudanganay kana ames di maruwaya ta patelreay marengaya “Taipei世大運”, di adiya ta haiyay malalup kema tu pauwayan.

2017 ’ami walu vulan pulu’iwa wari palru walu makatelun wari, kadu kanta i Taipei marpakuwa, ini na marpakuwakuwa mu, inganguwayan micepa demikes kana ma’idang da mar’ari’ari na Taihaku na temakakesi kanini Taiwan i Taipei. ulra diya kivuras kanta ’alra’alra, maruwaya mar’ari’ari kana duma na lalimayan.

kanni na mar’ari’ari kemay i punapuna di i kanatar peniya mu, ulra a saleman misama’ da patpulu’ lralruwac na mupana kainta i Taipei, na kurelrang kana mar’ari’ari mu 6739 na cauwan di, ulra diya na duma misikin kantu kakudakudalra, tu kakudain lra na eman diya mu, ulra a 3758 cauwan. kadu i Taipei, Panciyan, Toyan,Sinciyak…, pungaway di semekad na kakudakuda mauwan na sasenayan lra, na lisawan lra mu, mawu na sehu i

Taipei na micepa di demaway kemedeng.  

na micepa semenay na hayyo mu, mau nanta mauwan i Sangpuy di nangtu taver na ma’nayan di na vavayan i Kacacipulr. tu isasenay mu salaw vulay di ’inavayan nu kinger ta tu lrengaw, alra diya tu lisawan, marsaresan di tu tinulikan mu salaw kana vulay di maresasan,tu lisawan na vavayan mu, salaw kana vulay di sadeku nu mena’u ta papiyapiya, say na duma a kanatartemakakesi mu, kaadiadi pakirev patapa tu lima di mu’uy’uy tamuni, di nu mena’u ta kemay kana tilibi mu, mikedang di saduku, semalra tamuni nu temaptaptap na menana’u tu semangalan.

piya lra semenay mu, mawlra ta ayawan I rakad mar’ari’ari ta punayung kema marengay, pulrepusan lra mu, mau lra na micepa ka yakkiw i 陳金鋒cempu kana yakkiw, tu cinupukan mu salaw adawilr di patedelr, tu semangalan na cau i Taiwan mapiya mu, mu’uy’uy pakirev, piya lra cempuk mu, puludus lra di semekad lra ini na kakudain.