Wp/pyu/Pinuyumayan
Pinuyumayan
a tralutralun driya na marayarayas i balangaw i kadrulra a puyuma kikadru pamatang muribaaw dra munuma amilra i mutu dradrekalr a waluwa drekalr i, amaw na garem i Puyuma, Tipulr, Kasabakan, Likabung, Tamalrakaw, Alripay, Pinaseki , Mulibelibek. aw druwa lra na dripung i marbuwa lra na drekalr, i Papulu aw temelru lra na Bankiyu. muketrep drekalr na Pinuyumayan lra, amuna muparkadruwa mi dra pinitrepayan i台東市kay卑南鄉naniyam ika dradruwan i muketrep kudrulr miasma naniyam pinitrawan.
tu ngalad kana drekalr kadri pinuyumayan na batibatiyan dratu inuramiyan, ulraya i makadare:
(1) Puyuma
ta temuwamuwan i, kemay maidrang apangan kana drenan, mukidarean i, kemalawalawa atu kinirpauwayan kana dare kikadru mardawydawylr. tu ruma adru i kadru a nenema rumaan a mipalakuwan, i marpadunudun dra piningaiyan aw. tu pukasakasayaw paragan kadri maydatar kana dare matu ngutungal tu palakuwan, nenema kadri tu ngaiyan kantu paatayan kana pasaraadr, madrayadrayar a temuwamuwan i, a kemadri a maruturutung a palakuwan i al Puyuma(古語)kemaya ta murkes kema tu ngai kandru, aw kemay kandru ta mingalad dra Puyuma. kemadru aw muka dra, adri beray dra drising na Puyuma aw druwa benkasa na Tipulr i tu ranakaw kana Puyuma. kemay kandru mar kawilewiles na Puyuma kana Tipulr i kadru tu bangsaran kana Tipulr. i Paunin tu ngalad, druwa i Puyuma kimadradrayara dra parka inabanabayan i, salaw semangal na maidrang Sapayan, aw mukuwa i Tipulr kimadradrayara dra maranger mitemuwan kan Paunin i, aywa kema na Tipulr i marengay lra i maidrang Sapayan, an ai kemamu i a samauwan ta lra kema, kemay kandru aw nadir na kemay Tipulr driya na drekalr i mutu Puyuma lra. kana Pakalikudran kana Holan dra druwa na lrutiya, tu pulrangay na lrutiya kan emu i Pinadray aw tu berayay dra ngalad dra ayawan i emu i Pinadray dra (Pinangwang) kema, i kemay kandru kurnang na Puyumayan driya mutu Puyuma lra. palribalribak tremengtreng mingalad dra Puyuma i mau mata kadri Sakuban. na Puyuma i mingalad dra baywan drung drungan kema, a asuwa kana lutiya driya, adru driya i, uniyan dra matrina dra rum, uniyan dra kingsas, an kadru tu inulru dra, dra drekadrekal i, karadruwadruuwa kibakbaka ki sangaa kadri Puyuma. druwang drungan tu dradrekadrekalr, driya ma Pinu ngaladan ta dra a baywan drung drungan kema.
(2) Tipulr
a may yawan driya kan Sigasigaw na Tipulr i kadru i baetaw ababayan kan Sigasigaw, i truku tu ngalad kema, alra salaw bulay aw amli amli tu kinaladam na mainayan kema, madreki lra idru i Sigasigaw, a yawan ta, inaba an mulrimus ta amaw kema muka kandri aw pakireb madradrikul, nadru maluwadi kema idru i tuku lra i, tu pilrangaw tu nirabwad na trau aw, mudawilr muka lra merdeka kadri lridudran, tabualy kana drenan marngay tu maidrngang kana Tipulr i, Silriyalriyan kema tu pinungaladan kadru kana dare. kemadru i adri muwai abalu dra tu pinidanawan aw tu Pilrangaw tu tau marbeliyas kadri dalan itu kasagaraw dra bangsaran dra Pariwan aw mukasa kandru na Pariwan aw mubilin lra kadru. nadru nantu trau lra i mukuwa marebeliyasa i kadrekalran kurtrepa lra kemadru i pakumau dra tu mawan dra kinurtrepelan aw pungalad dra KaTipulr ta kema, druwa lra na payrang i maulid meliyu dratu sema aw tripun(知本-台語發音) kema kana Tipulr druwa lra na lripung i, kurnany kandru na~, aw mingalad lra na Tipulr dra(知本) palru garem.
(3) Kasabakan
na kasabkan i amaw tu ludus lra tu pinilrang driya kan truku nadru na trau, marbeliyas mudakurtrepelra kana Tipulr i, adri kainabayan tu i partrepel aw musaninin kadri makasatr i Tipulr kemadru i adri kainabayan tu kinadruyan aw musabasabak dra adalep i drenan an marengay dra trau i kaadru mi i kasabadan kema dar aw mingalad lra dra kasabakan kana Iapung la i muda.
(4) Mulibelibek
asuwa driya i samauwanan kana Tipulr, tu pakarunay kana yawan kadri KaTipulr piyaami kiberay dra drising, dra draing(sata) i. an kemay ami, an meredek kadri Sekung i, an aremeng i temaruan kadru iyulray. dadaman i, kemakawang muruna i KaTipulr. na draing aw parsamasama lra iyulray kadru i malradam lra. aw adri lra marebeliyas kadri KaTipulr. kemadru lra i, druwa tu trau a kemay KaTipulr kurkasaya, kadruwan lra tu pinitrauwan i, sayma lra na alum kema aw, muasalr muka kadri Bangkiyu. adri muasalr peni kadru a druma mubilin kadru. nadru na mubilin i, amawna mutu Tamalrakaw nadru na mukuwa. ki kadruya. kadri Bangkiyu i salaw sadru a ayan a pikipikiyu. aw mingalad dra Pikiyupikiyu. kana dripung lra i tu tua drekalaw kadri makadare. kana drenan aw muasalr, nukaka dru i salaw nulibek dra drenan aw, tu pungaladay dra Mulibelibek na drekalr.
(5) Tamalrakaw
a Tamalrakaw i, amaw na salaugan kana Mulibelibek kemay trripulr. mubilin kadri sekung, amaw na markasayma na mubili kadrukadru i, pakumaw dra sayma alun aw, muasalr Ici kadru. kadri Kankandas. madru may kadru i madadare kana berlruan nadrumay. kadru i makasatr kana berlruan natu kinaadruwan i kamawan dra Icadru kadri Sulasulay. i pinungaladan dra Alisulay kemadru aw parebaitr, i mudare mataradrekalr, i karu liyan uraringetran an musalaki drenan i. a maalaalayan driyan i. salaw mindang, kana wan duyauan kadri tralutralun te marabutrenganan marngay a maidungan ata malakaw ka kema. druwa lra na lipan i, kadru lra a taksian kadi urma(卑南), na lralrak na temakakesi i mulabalabat dar dra enay, mingdang dra pulraudan, kana lralrak aw. tu sangaaw a drekalr kadi Likabung, aw tu puburekaw na Likabung kecli(泰安村) tu pawkayaw kadri Likabung, aw kadri Tamalakaw lra i, a maw lra na Tamalakaw na midekal lra.
(6) Alripay
na Alripay i salrangan kana Likabung muami, maka drekadrekalr. kiberay dra drising an meredek kadri daudau maka timul dra dri 牧場aremeng. aw iyulray kadru kana druwa dri lra marbelriyas kadri Tipulr. kemadru i, kadru a miyasama a minanayan dra matra madiras kema ta. indan dra dadaninan aw museneng kikadru kadru kadri makadare i 牧場, kurtaeta dra tu uma uma paragan dra ruma kadru kiyagelrayan. penatedrel marengay da nanayan awtu i puangalad i pasadaralipay (minanayan) kema. druwa lra na dripung i, tu seketaw tu drekalr aw pungalrad i Alipay kema.
(7) Likabung
amau na kemay Tipulr mupataran maka drekadrekal kiyadraing. marbelriyas i, armeng kadri Dauda uliyulray dar, kadru. kemadru aw adri lra marebelriyas, i Tipulr paredek dratu kiniberay na draing, semalem dra buir, mukabukabung tu bira kana buir dra bulayan an marngay dra trau i. kaadru mi i kabung kema dar. i dremeketr lra, idri na ngalad na Likabung kema. kemadru i, mutimutimul mataradre kalkadri druwala na Alipay i muasalr mi drekalr kadri kema.
(8)Pinaski
na Pinaski i, amau tu lrudus kana Tipulr a yawan Kalitak na Tipulr i, druwa na Tipulr kadri puyuma benikasa, kiyaberaya dra draing drising (sa ta), a dri muwai na Puyuma beray, aw matatengedr kana Tipulr na Puyuma, i mutrepuna, Tipulr minatray kemay kandru, sayma tu mainayan dra Tipulr na Puyuma tu bangsaran i. an menau dratu bangsaran, dra Tipulr tu dradrimutrau pakarun tu pasupayaw dra tadraw. kemadru i kadru tu bangsaran dra Tipulr mingalad kan Pawunin, miyanger dra dradruwayan. kadri Puyuma marngaya dra parka inanabayan, kana Tipulr, i Tibiitay tu talaaw, adri awka i Puyuma, antu pinatrayaw yu, tu kayaw marngay idri Paunin i, awkaku kurbabeal, an minatray ku lra i kaauda kema. druwa kadri Puyuma i tu drimutraw kana bangsaran, menau i maidang Sapayan lra dra kakuda i, kasiyu kadrini tu kayaw. maragan aw, tu pitemuwa aw kan maidrang Sapayan, idri Paunin, dra dadaman lra i, mutimul muka i Tipulr i maidang Sapayan, Pakaladram bangsaran i Paunin, ti pitemuwanaw kema kui amanay demanu, kema temubang na yawan i Tipulr i inaba kema i, marngay lra, i maidrang Sapayan an ai kemamu i, Samawnan ta lra kema aw muka lra kandru markainaba ta lra, kana Tipulr. kemadru aw, parbaitr na Tamalrakaw tu alup dra Sapayan i. druwa na Tamalrakaw pakaladrama temubang i maidrang Sapayan i aymi dra bualangan dratrumay tu kawayan Tamalrakaw, kemadru aw masalr dru na Tamalakaw i. marngay lra adimikarasa dra, maidrang a trumay, amau na ulaya a makiteng driya kema na Tamalrakaw, marengay lra i maidrang Sapayan i a trumay kemaku i, a ikatrumaya ta maw, nanmu bulabulayan, kadri drekalr na marabulabulay kasiyu nadru na Tamalrakaw payas marbeliyas aw masalr lra druwai. mipinilang lra dra bulabulayan, tu ngalalad i Lreglreg kema, i lrikudran lra i tu pukataguynanay kan Paunin, i dri Lreglreg kan maidrang Sapayan. miwalrak lra i dri Paunin i, miyanger dra usaenengan, aw marngay kan maidrang Sapayan kema dri aw ulaya ku ninauwan a inaba, kaadruyan maranger ku muka paragana dra ruma kika dru kema inaba tu kayaw kan maidrang Sapayan. dadaman i, payas maka kebasileawa, kadri Sanglringlriway, tu udungaw tu basikaw lra kaman i, mudadria kibasikawa muka lra dratu, inudung kana basikaw i kadru a ura tu Sama mekan, kalrikulaw kadri isatr ta na basikaw, salaw kalegilegi a pararagana dra urmai tu retaal dra ura dra sama mekan dra lrikulaw i pays murun i dri Paunin, muka marngaya kan maidrang Sapayan ulraya kema dru tu kayaw marngay lra i maidrang Sapayan i adri malrgi salaw inaba tu kayaw i dru i, pakaladram dra salaw miyakutru idru na dare kema, kameli miya manay, sadru a alum, kema marngay i inaba lra tu wanger kan Paunin. kemadru aw mudaredare matara drekalr i, parbait druwa lra na Lipung i tu pabekalaw tu drekal aw pungalrad, dra Hinasiki kema. na Pinaski i tu ludus kan Ingbiri dri Ingbiri tu walrak dra yawan kadri Tipulr druwa menauwa kan Paunin i sagar kadri Pinaski aw tu dasuyaw tu trau tu kataguyn tu walrak dra wakasaya kan Paunin kadri Pinaski, amau na mulenak lra na Pinaski.