Wp/prg/Lattawiska bilā

Lattawiska bilā (lat. latviešu valoda), tēt dīgi lattawiskan, ast dēinabaltiska bilā, kan bilāi ukatūls ēn Lattawai. Lattawisku taūwas billas ast prūsiskan be leītawiskan, beggi tennan ast baltiskan. Lattawiska bilā ast ukamōdernaisi iz baltiskans billans.

Istōrija

Lattawiska bilā kurra si tēr zūrgi ēn XVI mettasimtu. Pirzdau, ēn Lattawai buwinna kursjai, zemgaljai, sēljai be lattigaljai. Wissans tennans lēnai asimilijja lattigaljai be kurra si lattawiska bilā. Tennas grunts bēi lattigaljan, adder preimaisāi si be biskin kittan amzjan endelinsnā, sklāitewingi ēn dialektamans. Lattawiskan bilāi tēr ēn kāimamans, beggi ēn mēstamans bilāi miksiskai. Pirms lāisks lattawiskai bēi papeisāts ēn 1525 m., sta bēi katekisms. Adder tāns niizlāika. Pirms izlāikuns lattawisks teksts papeisāts ēn 1550 m. - sta ast S. Munster lāiskas delīks, adder pirms lāisks bēi papeisāts ēn 1585 m. - katōljan katekisms, bilīts Kriscige pammacischen no thems Papreksche Galwe gabblems Christites macibes. Prexskan thems nemacigems vud iounems bernems, šandēinan ast Kristīgā pamācīšana no tiem papriekš galvas gabaliem Kristītās mācības. Priekš tiem nemācītiem un jauniem bērniem. Ēn 1685–1694 m. bēi talkautā Bībeli.

Ēn 1822 m., K. F. Wātsons pagaūwa pirmanin lattawiskan awīzin Latweeschu Awises, šandēinan Latviešu Avīzes. Ēn 1856 m. pagaūwa dēlatwei "Nawājai lattawjai" (lat. jaunlatvieši), kwāi kwaitēi, kāi lattawiskan bilīlai tūls zmānes be teikātun stan billan. Tenēi pagaūwa dabber dwejjan awīzins - Mahjas Weesis (šandēinan Mājas Viesis) be ēn 1862 m. Peterburgas awises (šandēinan Pēterburgas Avīzes). Tenēi tēt dīgi māisesina lattawiskas billas leksikin. Immi wīrdans iz dialektans, iz kittans baltiskans billans, īr prūsiskan.

Ēn 1918 m. Lattawa gaūwa niperlānksnan. Tenēi jāu mazēi gruntintun tūlan lattawiskas skūlis. Lattawiskan tālis aūga. Ēn mēstamans zmānes jāu bilāi lattawiskai, ni miksiskai. Adder ēn 1940 m. pagaūwa ilgā sowētan ōkupacija. Ēn Lattawan pagaūwa jātwei tūlan mackāljai, nīka lattawiskan, adder maskōwitiskan paplattina si. Ōkupantai gruntinna mackāliskans skūlins. Ēn 1990 m. Lattawa etgaūwa niperlānksnan be lattawiskan pagaūwa etkūmps aūgtwei. Šandēinan ēn Lattawai dabber ast zūrgi 25 prōcentis mackāljai.

Paplatinsnā

Lattawiskai bilāi zūrgi 1,75 mil. zmānes, adder tūls nikāi 2 mil. māka tennan. Māisiskan ast ēn Lattawai, kwēi bilāi 1,2 mil. zmānes. Ēst ēn pastippai wālstei, izimmantjai dēinans be mēstan delīkans. Stwen buwinna tūlan mackāljai. Wisāi kitāi lattawjai ast ēn winnatautai - ēn Leītawai, ēn Estantautai, ēn APW, ēn Debabritānijai be t.t.

Alfabētan

Lattawiskan alfabētan turri 33 litterans:

Aa Āā Bb Cc Čč Dd Ee Ēē Ff Gg Ģģ Hh Ii Īī Jj Kk Ķķ Ll Ļļ Mm Nn Ņņ Oo Pp Rr Ss Šš Tt Uu Ūū Vv Zz Žž

Wōkalai

Aa Āā Ee Ēē Ii Īī Oo Uu Ūū

Litteran o gērdaui kāigi "uo" be "o". "Uo" deznimai ast ēn swāimans wīrdans, ēn warāmans aušaūlimans, tēt dīgi be ēn sēimisemnimans. "O" ast ēn nawāmans aušaūlimans be ēn kelli wirdammans.

Konsōnantes

Bb Cc Čč Dd Ff Gg Ģģ Hh Jj Kk Ķķ Ll Ļļ Mm Nn Ņņ Pp Rr Ss Šš Tt Vv Zz Žž

Istōriskai lattawiska bilā turēi be litterans ō (o) be ŗ (minksts r).

Kāzus

Lattawiskan turri 7 kāzuns: nōminatiwan, gēnitiwan, dātiwan, akkuzatiwan, instrumentālan, lōkatiwan be wōkatiwan.

Ppw.: wīrdai Ciems (kāims), Āzis (wazuks), Avīze (awīzi) be Rīga (Ringa).

Aīnagirbausna

Kāzus	ciems	āzis	avīze	Rīga
Nōminatiws	ciems	āzis	avīze	Rīga
Gēnitiws	ciema	āža	avīzes	Rīgas
Dātiws	ciemam	āzim	avīzei	Rīgai
Akkuzatiws	ciemu	āzi	avīzi	Rīgu
Instrumentāls	ar ciemu	ar avīzi	ar avīzi	ar Rīgu
Lōkatiws	ciemā	āzī	avīzē	Rīgā
Wōkatiws	ciem	āzi	avīz	Rīga

Tūlagirbausna

Kāzus	ciemi	āži	avīzes	Rīgas
Nōminatiws	ciemi	āži	avīzes	Rīgas
Gēnitiws	ciemu	āžu	avīžu	Rīgu
Dātiws	ciemiem	āžiem	avīzēm	Rīgām
Akkuzatiws	ciemus	āžus	avīzes	Rīgas
Instrumentāls	ar ciemiem	ar āžiem	ar avīzēm	ar Rīgām
Lōkatiws	ciemos	āžos	avīzēs	Rīgās
Wōkatiws	ciemi	āži	avīzes	Rīgas

Paligiskāi sēn lattawiskan billan

Paligwāi wīrdai

Lattawiskan turri palīguns wīrdans prūsiskai billai. Stwi ast delli:

Lattawiskai - Prūsiskai

Ķermenis - Kērmens (Prūsiska aušaūli)

Avīze - Awīzi

Sāls - Sāls

Pilns - Pilns

Brilles - Brilli

Tulkot - Talkautun

Siers - Sūris

Lapa - Lappan

Grāds - Grāds

Lēts - Lēts

Lēns - Lēns