Wp/prg/Kurka
Kurka - Zemmis dēiwinis kērdiska inkarnaciōni. Zeminna wanginna būtwei martī be pastāne Kurka en Rassas dēinan. En Kurkas dēinan Kurka izēit en pōzemiskan swītan be pagaūne rikaūtun stwen (ēmpiri sen Pikullin) ezze Wilinnimans. Ezze šissei dēinan Kurka pagaūne būtwei bilītan per Debzupūnin be Māra (Māra deznimai panzdau, en āntrai zēimas pussin).
Zentlisnā en Dabbai
[edit | edit source]Kurka (adder dīgi jāu Zeminna sēntei martī) wērpja aūgmenimans gamīntun tērpawintei Saūlis pannu. Kurka ēit pa zemmin en assanin, adder dīgi simbōliskan ast kliptintan en panzdaumai winzlin iz laūkan. Kurka ast wērptan iz šan winzlin en Rasa dēinan.
Relaciōnis sen kittans dēiwans
[edit | edit source]Kurka ast Dēiwas Ukapirmas salūba (salubā imma deīktan en Pergrūbrei, kaddan Kurka ast bilītan Zeminna be Dēiwas inkarnaciōni ast Pergrūbris). Ast zinātan dīgi dēiws Kōrgs, kawīdse swints zwīrs ast kūilis be kawīds ast utrin papekātajs. Kōrgs mazzi būtwei laikātan per Kurkas brātin (anga wīriska inkarnaciōni).