Wp/prg/Freeciv
Freeciv (Pawīrpa civilizaciōni) - kōmputeriska spīli etsparātan na Sidas Meyeras spīlins iz sēimin stēisan Ciwilizaciōnin. Ast pawīrpa prōgramija ebīmtan sen GPL licenciōnin. Ast preiēiminan na šlaitawīdans ōperaciskans sistēmans - Unix (stwi dīgi MacOS), Windows, Amiga be turri delli grāfiskans klientans (etsparātan na GTK, Ot be SDL bibliōtekins).
Spīlis ensadīnsnas
[edit | edit source]Spīlitajs etwijāi swajjan ciwilizaciōnin zēidintei swajjans mīstans be erkareūjantei mīstans stēisan kīnenikan sen karriskans aīnibins. Eraīnan mīstan teikāi teikāsnan, kāupan be īdin. Teikasnā mazzi būtwei tērpautan kāi teikālai nawwans aīnibins be mīstas zēisnans. Kāupan dāst enlaukīsnan be penningans. Enlaukisnā wērpja gaūtun nawwans teknalōgijans, kawīdas wērpja zēistun aīnat izwanginewīngeisins aīnibins be zēisnans. Spīli wanginna si kaddan aīns spīlitajs palikka subs (ast erkareūwuns kittans) anga kaddan pirms spīlitajs wīrst enskattinuns kōsmiskan laīwan skrāidantin prei lāuksnan Alfa Centauri. Spīli pagaūne si en mettu 4000 p.n.e be wanginna si en 2000 mettu n.e. (staddan ebwarītajs ast šis spīlitajs, kasse ciwilizaciōni ast rīnkusi ukatūls punktans).
Spīlis glāubai
[edit | edit source]- Ainakīsmingiskai mazzi spīlitun ērgi 30 spīlitajai.
- Maksimāla tāutaskarti mazzi turītun ērgi 29 000 laūkans.
- Spīlitajai mazzi būtwei zmūnei spīlintei pra LAN tīnklin anga internettan, anga mazzi būtwei kontrōlitan pra kōmputerin.
- Ast tulkautan en tūlin billins (prūsiskan ni ast preidātan prei ōficialins appuns)
- Mazīngi etrīnktun iz tūlin amzins (prūsiskan ni ast en ōficialai perlazīnsnan)
- Lāngu mazīngi kitawīdintun spīlis ensadīnsnans.