Wp/prg/Erks Mānts
Erks Mānts – wedātajs stesse prūsiskan gintu nātangin en kērdai stesses II prūsiskan senskīsnan (1260-1274). Kaddan tāns bēi māldan, bēi tāns dātan kāigi sklāwi per miksins iz Urdenan. Erks pagaūwa labban edukaciōnin en Magdeburgu. Pa urdeniskan lamsenin zūrgi Durban tāns pastāi wedātajan stesses senskīsnan. 22 raggas 1261 tāns ast ebwarīwuns zūrgi Pōkarwin etrīnkaminan urdeniskan karrin. En 1262 Mānts bēi ēizwintan, kaddan sen swajjan karrin bandāi erkareūtun Kunnegsgarban. En 1263 zūrgi Lūbawan tāns ebwarīwuns urdeniskan karrin, wedātan pra mīstran Helemrikan von Wirzeburch, kawīds aulaūwa en ūlinsnai. Erks bēi prawiltan pra tenesse šlūzitajan be īmtan pra Urdenan, tāns aulaūwa en 1273. Tenesse emnin turri gruntiska skūli en Stabbalauku (pōl Kamińsk).