Wp/prg/Cron

From Wikimedia Incubator
< Wp‎ | prgWp > prg > Cron

cron - uniksas demōns, kawīds periōdiskai eskattina prōcesans. Infōrmaciōnis, kawīdans prōcesans enskattina be kāigi deznimai ast enpeisātan en crontab tapalimans. Jāuku cron ast tērpautan kāi segīlai rikaūsnas endāsnans.

Dīlisnas malkai[edit | edit source]

cron laukijja tappalins en fōlderu /var/spool/cron/crontabs, kawīdan emnei ast preitarīngi sen pabilīsnans stēisan tērpautajan be enkraūne dins en minīsnan. Šlāit di cron enkraūne zūrbrukin /etc/crontab, kwēi ast enpeisātan endāsnas per pastippan sistēman be kawīdan tēr rikaūtajs (root) mazzi redigītun.

En zūrbruķu crontab ast enpeisātan regūlis, kāi enskattinlai en eraīnan stundin, dēinan, sawaītin be mīnsin endāsnans enpeisātans kāigi skriptans en fōlderimans: /etc/cron.hourly, /etc/cron.daily, /etc/cron.weekly, /etc/cron.monthly.

cron baudinna si en eraīnan minūtin be izbānda anga ast ainuntkawīdas endāsnas per enskattinsnan. Cron dīgi izbanda anga fōlderes /var/spool/cron/crontabs mōdificisnas kerdā pastāi kitawīdintan. Ik tīt, staddan prakraūne tappalins iz šin fōlderin.

En zūrbrukimans, kawīdai ast tappalis per krōnan endāsnas ast enpeisātan en šlāitiskans līnijans, kwēi en erainassei līnijan as uššai laūkai. Pirmai pēnkei enkōdi kērdan - Pīrms laūks zentli minūtins, āntars stūndins, tīrts dēinan, ketwirts sawaītin be pēnkts mīnsin. En uštasmu ast enpeisātan emmens stesse skriptan, kawīds turri būtwei enskattintan.

Enpeisāsenis:

* * * * * palaīpss

Zemmaišai enpeisāsenei en minūtis laūku zentli:

* - en eraīnan minūtin
1 - en pirman minūtin eraīnses stūndin
1,20 - en pirman be dwiddesimtan minūtin
*/20 - en eraīnans dwiddesimt minūtins
1-20 - en minūtins ezze pīrmai ērgi dwiddesimtan

Be palīgu na kittans laūkans