Wp/ppl/Wikipediaj
|
Ne Wikiamachti se kan mutepewa miak tajkwilul pal tiwelit timumachtiat tay tiknekit. Ne Wikipedia ken se enciclopediaj, yajika itukay "Wikiamachti": wikij- + (enciclo)-pediaj. Weli muita tik se computadoraj su kipia internet.
Melka tesu se amat ken katka ne ajamat, muchi ne tajtajkwilul ipal ne Wikiamachti kan ne muijkwilua muchi, tejemet tiknutzat "ijiswat". Muchi ne ijiswat kipiat ijilpika, wan ijkiuni muchi ne ijiswat mupiktiwit ne se iwan ne seuk wan tiwelit tiktemuat muchi tay tiknekit tikajsit pal timumachtiat. Te timunekit titashtawiat pal tikitat ne Wikiamachti; muchi welit kitat su kipiat se computadoraj wan su kipia internet. Ne Wikiamachti nemi tapujtuk ipal muchi, tesu semaya pal tikitat, nusan pal titajkwiluat ijtik yaja. Muchi ká kinekit welit kipalewiat kijkwiluat ini amat. Yajika, ne Wikiamachti tesu kichiwa sesan sute miak.
Nemit wij tik sujsul miak taketzalis. Ne achtu muchijki tik Ingles wan pejki tik ne shiwit 2001. Ume takat intukay Jimmy Wales wan Larry Sanger pejket kichiwat. Ashan, ne Wikiamachti ne enciclopediaj mas wey ipal muchi ne muajsit tik internet. Sema tik ne Wikiamachti tik Ingles nemit mas que tres millones ipal tajtajkwilul. Nemita wijwikiamachti iwan miak tajtajkwilul tik achka sentzunti taketzalis, wan nusan miak mas chijchikitik tik uksejse taketzalis. Ne wikiamachti tik Nawat pejki ken se taejekulis tik ne Metzti 8 ipal 2010.
 |