Wp/ppl/Wajkal

Ne ikuyu ne wajkal

Ne ishuchiyu ne ikuyu ne wajkal, ne ijiswayu yaja, wan se wajkal tapujtuk.

Tejemet tiwelit tikunit tik se wajkal tapujtuk

Ne ikuyu ne wajkal

Ne ikuyu ne wajkal se ikuyu nemi ka ijpak ne talmet tutunik ka itajku ka Américaj. Tajtamatinimet kitukeytijtuk ini ikuyu "Crescentia Alata". Ne iweyaka yaja anka 8 (chikwey) tamachiwalis u anka 14 (majtakti nawi) tamachiwalis.

Ne ijiswayu ne wajkal tzuyuntik wan chupi weyak. Yejemet kachka se cruz. Ne itzinu ne wajkal kujkuluchnaj. Ne ishujshuchiyu yaja chikitik, kuchiltik, wan kachka se tzilin. Ne itakil ne wajkal itukey "wajkal" yajasan. Yaja se yawal kachka se tekumat. Yaja achtu shushuknaj, wan nemanha kupuknaj. Ne iewayu ne wajkal takwawak. Ne inakayu ne wajkal tiltik. Ne ijiish chikitikchichín, wan kupuknaj, wan kachka se yawalchín tapachujtuk.

Ne wajkal

Tejemet tiktapuat ne wajkal ka itajku yaja pal tikunit atul tik yaja. Tejemet tiktaliat ne ijiish ne wajkal tatisti ka ijtik ne atul. Yejemet kichiwat iwan ne wajkal se awil pal ne kujkunetchichín kitzutzuna.

Ipanpa: