Wp/ppl/Vachellia farnesiana

Vachellia farnesiana

Ne ishuchiyu wan ne itakil ne Vachellia farnesiana

Vachellia farnesiana

Vachellia farnesiana kitukeytijket ne Tajtamatianimet se kwawit kaj witz ka miak talmet chupi waktiwit tik América. Ka nikan tik Meshiku tiknutzat ini kwawit, tik kastiyataketzalis, huizache.

Ne itachishka ne Vachellia farnesiana

Su tiktamachiwat ini kwawit, yaja iweyaka se, ume, yey u majtakti tajtamachiwalis. Ne itzinu yaja pichawak; ne imajmajkul pijpichawak nusan wan kipiat inwijwitzyu, melka ne itzuntekun chamawak. Ne itzinweyaka miktan. Ne iiswayu yaja chupi weyak wan kachka ne iujmiyu ne tujtutut. Yaja kipia miak iyajyawal tujtultik wan yajyamanik kan nemit miak ishujshuchiyu tik sejsé. Ne ijiish yaja kujkupuknaj wan nemit nawijchin ka ijtik se iewayu weyak wan kupuknaj, kachka ne iewayu kanka witz ne et u ne kushi.

¿Ken tiwelit tikmutkitiliat ne Vachellia farnesiana?

Pal tikpiat ujuksé kwajkwawit tiwelit tiktukat ne iish. Ne iish weli kenhayuk mulini melka miak shijshiwit panutiwit.

¿Tay tiwelit tikchiwat iwan ne huizache?

Vachellia farnesiana

Ne itzinu ne huizache techmaka se sasalik; ne iayu ne iewayu selek ne iish nusan techmaka se sasalik pal tiksaluat shulun keluntuk.

Tiwelit tiktaliat ne itumajka ne ishuchiyu ne huizache tik ne pujputukalis ika sujsul puputuka.

Tiwelit tikpatat ne itachishka ne kwachti iwan ne ishuchiyu, ne iish, u ne iewayu ne itakil tatisti.

Tiwelit tiktatiat ne kwawit pal titamanat. Nusan tiwelit tikchiwat tzintalijka, patznaj, wan ujuksé dajdatka iwan yaja.

Tiwelit tikchulultiat ne kwijkwilin iwan ne itzinweyaka tatisti. Ne iiswayu tatisti kimiktia ne yuyumukalis tik ne ejetal.

Ne siwaturuj weli kikwa ne iiswayu, ne ishuchiyu, wan ne iewayu ne itakil ne huizache.

¿Ken weli ne huizache techpajtia?

Tiwelit tikunit ne iayu ne ishuchiyu tamanti ne huizache tatisti keman techkukuat tuejelishku. Tiwelit timushawaltiat ne iayu ne ishuchiyu ne huizache tatisti keman techkukuat tutzujtzuntekun. Tiwelit timushawaltiat ne iayu ne itakil selek tatisti keman timutzuntektiwit; nusan tiwelit timushawaltiat ne iiswayu ne huizache waktuk wan tatisti. Tiwelit tikunit ne iayu ne itzinweyaka tamanti keman techkukuat tuijijti.

Ijilpika: