Ucelut

Se uculet tik se ikwikwilua ipal Meshijakchanej

Ne ucelut se tekwani wan se kojtanchanej ipal ne familiaj itukey Felidae. Ne ucelut ichan nemi tik nujme America, intzalan Paraguay wan kan nemi ne wey puyek at tik Ejestadoj Senputzujtuk ipal America. Ne ucelut chikitik (40-50 cejcentimetroj) wan iajkupanka (7-15 kg). Ne ucelut ichan nemi tik kwajkwawital wan inawak at. Yaja ne yey miak kojtan mistun tik America. Yaja chupi chikitik^[1] ne tekwani wan ne puma wan yaja chupi tumak^[2] ne margay wan ne tigrillo.

Yaja igustaj tzikwini, apajpalua, wan tejku. Yaja kintapewilia nemi tik chujcupulul, tajtakwazin, tujtutut, wan mijmichin. Ne ucelot isa ka tayua wan ichan selka. Ne ucelot kinnemi miak inajnakas, miak ijiish, itzinweyaka, wan tamej itajtan wan ijiitztit. Yaja kinemi tultituk wan tiltik iujmiyu. Sejsika iujmiyu isel.^[3] Ne ucelut puputuka tesu ajwiak.

Ne ucelut ichan nemi inawak tuijikwiwan wan se wey kojtanchanej tik ne Shiktal. Ajakaj tuijikwiwan, nemi tik Olmecachanej, Meshijkachanej, wan Mayachanej, katka kikwikwilua ujucelut. Tuijikwiwan kemanian katka kitapewiliat ne ucelut ika ne ucelut iujmiyu. Melka ne ucelut tesu se kalchanej, kemanian ne ucelut katka imish inpal nemi tik Meshijkachanej wan Inkachanej.

Ijilpika

Paviolo, A.; Crawshaw, P.; Caso, A.; de Oliveira, T.; Lopez-Gonzalez, C.A.; Kelly, M.; De Angelo, C. & Payan, E. (2016) [errata version of 2015 assessment]. "Leopardus pardalis". IUCN Red List of Threatened Species. 2015:e.T11509A97212355. doi:10.2305/IUCN.UK.2015-4.RLTS.T11509A50653476.en.
Sunquist, M.; Sunquist, F. (2002). "Ocelot Leopardus pardalis (Linnaeus, 1758)". Wild Cats of the World. Chicago, US: University of Chicago Press. pp. 120–129. ISBN 978-0-226-77999-7.

Nawat

↑ Más pequeño que; Smaller than
↑ Más grande que; Larger/bigger than
↑ Cada abrigo/patrón es único; Each coat/pattern is unique

[1] Más pequeño que; Smaller than

[2] Más grande que; Larger/bigger than

[3] Cada abrigo/patrón es único; Each coat/pattern is unique

[1]

[2]

[3]