Wp/ppl/Tyla

Tyla Laura Seethal

Kaj tiktukeytiat Tyla, yaja nesik tik Johannesburg se takutun ipan italyu Sudáfrica se tunal se pual majtakti pal ne metzti se tik ne shiwit ume shikipil ume (30/01/2002). Yaja se takwikani^[1] wan takwikaliswawasuani^[2]. Miak tuijikniwan ingustuj ison ika yaja kinelua miak sonchiwalis. Kunij, ne tuijikniwan yejemet kitukeytiat Tyla, “Ne Nisiwapil^[3] pal Popiano” ika yaja kisentalia ne isonyu “Pop” wan “Amapiano”. Yaja nitakwika wan kichiwa isonyu “RnB” nusan.

Itekew

Ume shikipil kashtul nawi (2019) - Ume shikipil se pual ume (2022)

Keman Tyla yawi ka tamachtiluyan, yaja mutektilia ison katka. Yaja kichiwa se takwikalis, “Getting Late” (tik ne shiwit ume shikipil kashtul/2019) katka. Miak tuijikniwan kikakit ne takwikalis wan kitat ne ulinkwikwil pal ne takwikalis katka. Kunij, kimkatket se takulis: South African Music Award “Best Music Video of the Year” (tik ne shiwit ume shikipil se pual ume/2021) katka.

Ume shikipil se pual yey (2023)- Anhan

Tik ne shiwit ume shikipil se pual yey (2023), Tyla kichiwa se takwilkalis “Been Thinking” ka miak tuijikniwan ingustuj nusan katka. Nutakwilalis ukchupi wey se “Water”, wan yajika, yaja kimanamiki miak takulis pal yajini takwikalis nemi tik: Grammy “Best African Music Performance”, South African Music Awards “Record of the year” wan “Video of the Year” katka. Yaja kichiwa se yawaltakwikalis^[4], “Tyla” nusan ma kipia majtakti nawi takwilakis katka. Tik ne shiwit ume shikipil se pual nawi (2024), yaja kichiwa yey takwikalis: “PUSH 2 START”, “SHAKE AH”, wan “BACK to YOU”

Itunal Ichtaka

Inan itukey Sharleen wanituzuntukey Seethal wan iteku itukey Sherwin wanitzuntukey Seethal. Yaja kipia se ipipi ma itukey Whitney wanituzuntukey Seethal wan umi ikaw: Tyrese wan Sydney wanituzuntukey Seethal. Tyla igustuj nimujtutia wan kikwikwilua dajdatka.